28 06,- Njevjetori i vdekjes se më te dashures sone Diellzës

Sot më daten 28. 06. 2007. bëhet një vit zie e pikëllimi ç’prejse tragjikisht humbi jeten pjesa më e dashur dhe më dhëbëshme e qenies time

29. 09. 1995 – 28. 06. 2006.
Oj Diellzushë e dashur, ti ishe një yll drite , ti ishe mbiyll i gjithësisë ndërsa sot je lulja më e bukur e përjetësisë.
Pa më thënë lamtumiren e fundit u ndave nga jeta mu në kohen kur sapo fillove ta shijosh ate,ndërsa tek unë çdo ditë që kalon, dhëmbja dhe pikëllimi sa vie e më shumë shtohet :

“Sado që ditët po kalojnë,
kurrsesi dhëmbja s’pakësohet,
ajo s’bie nga intenziteti –
veç sa vie e më shumë shtohet”.

Nga : “KOHA NUK SHERUAKA PLAGËT”

Ti përherë do t’i mungosh familjës, do ti mungosh farë e fisit, do t’i mungosh shk. fill. “Isa Boletini” në Rahovec dhe mësuesës Verë qe të mësoi për katër vite rresht, do t’u mungosh gjithë shokëve, shoqeve,miqëve e dashamirëve po edhe gjithë shqiptarisë sepse nga ti me arësye pritej të bësh një emer me të cilin do të mburrej i gjithë kombi. Edhe nga përjetësia ti sot arrite të pushtosh shumë faqe të internetit. Shumë vajza shqiptare anë e kënd botës sot i ofrohen gjyshit tuaj qe t’i pranojë për mbesa të tij.
As Ju o lexues të nderuar, mos kurseni sot nga një pikë loti për këtë yll të dashur sepse ai ishte i të gjithë neve dhe se :

“Të gjitha lulet kësaj pranverë-vere,
rrëke lotësh do të derdhin në tokë,
edhe ato do të qajnë kësaj here,
edhe ato do të mbajnë zi sot.”.

Nga : “PREMIA”
Me mallë kurr të pashuar dhe zemer të pervëluar të perkujton babagjyshi yt i dashur
Adem Berisha nga Rahoveci të cilit si kujtim të fundit ia le fjalët:
“babush, ty të dua shumë”.

Të pikëlluarit për jetë : gjyshja Qerimja, baba Agroni, nëna Fedaija, vëllezërit Arbëri e Arditi dhe hallat Aferdita, Lumturia, Teuta e Gentiana si dhe mbarë familja e ngushtë dhe e gjërë nga Rahoveci dhe Gjurgjeviku i Madh

Per ty o moter qe tani sje me
edhe lulet petalet po i leshojne nje e nga nje
kan kaluar vite e ty ste kam harruar
buzeqeshja jote akoma nuk eshte shuar

Te gjithe te kujtojne
me lotet ne sy
i kujtohen momentet qe kaluan me ty
Ke len shum njerez qe te kane dashur e akoma te duan
ke hapur plag ne zemer e lotet nuk kane shteruar.

Ne perjetesi do te kujtojne gjithnje
deri sa edhe ne te mos jemi me.

SIHANA per DJELLZEN

Ne perjetesi do te kujtojme gjithmon ty o Djellza jone.

Ti tashme je nje engjell,
diku atje lart
mungesa jote ndihet
kudo rreth e qark

Si sot ti nga ketu je larguar
por jane te afermit e tu
qe lart nga qielli shikojne
me lot ne sy.

Te thone:

O yll shndri qe prej aty
se tashme ke dy jete
Njera eshte ketu
dhe tjetra ne qiell.

Naki, sihana, GISHTEZA dhe arla !
Nuk e dij, ndoshta edhe mund të jem hutuar ato ditë kur dhëmbja dhe pikëllimi në çdo çast baskëudhtonin me tërë qenien time, prandaj edhe nuk ju kam falenderuar në postimet tuaja lidhur me Diellzen në njëvjetorin e ikjës së saj nga kjo botë.
Për këtë tej mase më vie keq por ju lus që edhe tani të pranoni falenderimet e mia më të përzemerta për ngushllimet tuaja dhe bashkëndiesinë tuaj. Qofshi me faqe të bardhë dhe paqi fat të mirë në jetë. Zoti Ju bekoftë. Me rrespekt, i juaji gjyshi Adem.

E kuptojme qe dhimbja ka qene e madhe ne ato dite, po nese ke njerez qe te mbeshtesin dhembja zbehet.Gjithesesi je vertet si nje baba do thoja une , gjysh ende jo.

Po të lumtë goja oj e nderuara arla,
ti atë gojë e ke veç mjaltë apo edhe më shumë. Unë mbahem kështu sadopak i fortë duke ju falenderuar juve të dashurve të mi që keni mirëkuptimin dhe rrespektin maksimal ndaj meje.
Aq më teper kur ky mirëkuptim dhe rrespekt nuk nderlidhet me ndonjë interes të ngushtë personal e primitiv por tërësisht nga aspekti moral dhe vllazëror prandaj unë besoj se ai do të zgjasë. Dashuritë e ndersjella që lidhen në baza interesash të ngushta, janë të gjykuara për të deshtuar e këtu është krejtësisht e kunderta.
Perzemersisht të përshendetë i yti xhaxhi Adem

Bac Adem jemi ne ata te cilet qe duhet te falenderojme ju,une personalisht te falenderoj ne menyre te vecante sepse jeni ju nje nga ata qe na drejtoni dhe na mesoni te rrespektojme dhe te duam vecanerisht pa interes.Ju po jepni anen sa pozitive aq te dhe te dhimbshme ndaj ne te jemi borxhlinj.
Te pershendes,arla.

Mund të jetë që këtu edhe nuk është këndi adekuat për poezi, por për të falenderuar dhe përgjigjur gjithë atyre që më ngushlluan me rastin e njëvjetorit të ikjes së engjullit të kësaj bote - Diellzushës sime të dashur, vendosa të postoj edhe këtë poezi :

Adem Berisha:

URA MAGJIKE

Anipse fati kështu e deshti
të mos na ofrosh më kënaqësi,
unë as tash nuk mund qe të heshti
por prap do të shkruaj për ty.

Tash që je një serafinë
në fronin e perendisë,
të gjithë për hyjneshë të dijnë
dhe lulen më të bukur të përjetësisë.

Shpirtërat zemerbardhë
përherë qe të mbajnë në kujtesë,
jeten e paqin të lumtur e të bardhë
e fati përherë le të iu buzëqeshë.

Diellzë, tash je e gjithë shqiptarëve,
që shkruajnë e këndojnë për ty,
ti u bëre e para e të parëve
nga të erdhi gjithë kjo madhështi ?!

Ti u bëre edhe urë magjike
e miqësive të reja,
diç që kurr nuk kishte ndodhur
nga të erdhi ideja?.

Shumë vëllezër e motra
për ty kanë shumë simpati,
ti u bëre një forcë magjike
të gjithë i bashkove, si të ishin një.

Ti bashkove shpirtërat
që kanë zemra të mëdha,
ti ndriqove gjithë hapsirat
gjithandej, ku drita s’kishte ra.

Po, po, kështu e ka mirësia
e gjithë rinisë shqiptare,
që është më briljantja
dhe ka zemer të madhe.

Ti Diellzushë e dashur sot
që gjallon në përjetësi,
lutu tek i Madhi Zot
për gjithë vajzat e gjithë djemtë e ri.

Naki, qofsh i bekuar dhe i shperblyer nga perendia që sot në Naten e Madhe na e afron pranë vetës DIELLZEN , atëherë kur më së shumti na mungon. Atëherë kur presim Bajramin por me lot në sy e zemra të pervluara e kujtojmë dhe për saj lidhemi me tërë qenien tonë.


MARGARITAR NË VETE

Si lumi që pershkon fushat e qetas gjarpëron
të bën të mos i ndahesh, të tërin të përvetëson.
Si bora kur Bjeshkët e Kelmendit mbulon
shkëlqim i jepte vendit, krenaria jonë.

Të gjithë kishin dilema nga vie kjo mrekulli,
a mos është vetë Dielli me gjithë yjet e tij.
A mos është hëna atëherë kur është e plotë,
apo është një engjëll që zbukuron këtë botë.

Të gjithë me emër e njohin dhe Diellzushë i thonë
si Dielli që ndriqon boten, ishte Diellza jonë.
Por tash në përjetësi me vrap që ka tretur,
margaritar në vete për të gjithë ne ka mbetur.

Kujtimet më të mira që ruajmë në veten tonë,
thesar i pashterrshëm, për ne do të jenë gjitëmonë.
Ato janë të shenjta siç ishte Diellza vetë,
që pak jetoi në këtë botë, vetëm njëmbëdhjetë vjetë.

Nga gjyshi Adem Berisha

Diellza eshte mes nesh…
Ku eshte miresia ne veprim?
Meshira ka ikur larg se ku nuk e di.
Mos kemi harruar ta perdorim ate,
Te gjithe;une ju edhe ti?

Aty gjithecka ka nevoje per ne.
Nje femije i vogel buzeqesh,
Nje femije i vogel na zgjat doren nga rete..
Na beson neve dhe s'ka trishtime...
Ajo nuk vrenjtet se eshte plot me dashuri
Ajo kufijte sheshon nder agime.

Le te mbajme dashurine
Ne zemrat tona si une dhe ti.
E kote te shkruaj, e kote te qaj
Ti je mes nesh si nje princesh.

Mirësia vepron e nuk ka të ndalë. Mirësia e cila buron nga thellësitë e mëdha shpirtërore, është më e fuqishmja dhe e pashterrshmja.
E dashura arla, unë gjithësesi nga zemra të falenderoj por njëkohësisht edhe të përgëzoj për mirësinë dhe ndjenjen tuaj të dashurisë por edhe të dhëmbjes me të cilen je e stolisur.
Ti që në vazhdimësi e mbanë në kujtesë Diellzen tonë të dashur e për te cilen gjen motiv edhe të shkruash poezi, anipse akoma nuk je nënë, tregon qartë se je një vajzë e mrekullueshme me karakter dhe ndjenja të veçanta njerëzore. Ti gjithësesi je njëra prej atyre "Bijave të shqipës" për të cilat unë veç tjerash, kam thënë :
"Janë të sinçerta e besnike
me moral të fortë si graniti,
privilegj është t'i kesh mike,
kurdoherë fytyra 'u shëndriti".
(... Bijat e shqipës)
Të falem nderit edhe një herë arla dhe uroj që përherë të shkruash me motive gëzimi, hareje e dashurie. Dhëmbja dhe pikëllimi kurr mos gjetëshin vend tek ty. I yti xhaxhi Adem.

ZOTI ADEM UNE QE PO TE SHKRUAJ JAM NJE ARKITEKT NGA SHQIPERIA DHE DUA TJU SHPREH NGUSHELLIMET E MIA ME TE SINQERTA PER HUMBJEN E KETI ENGJELLI KAQ TE BUKUR KAQ TE PAFAJSHEM. SHPESH JETA TREGOHET E PA DREJT ME NE PRANDAJ DHE NE DUHET TE BEHEMI TE FORT PERPARA KETYRE FATKEQSIVE. UNE JAM I BINDUR QE DJELLZA PO NA SHIKON NGA LART DHE JAM I BINDUR QE DHE AJO KETE GJE DO, QE TE BEHENI TE FORT DHE TE SHIKONI PERPARA DUKE E KUJTUAR GJITHMON ATE ME DASHURI DHE MALL.
ME RESPEKT MONDI.

Shumë i dashuri memalijaj (Mondi),
nga zemra të falenderoj për ngushllimet që më drejtoni dhe bashkëndiesinë tuaj lidhur me shkuarjen e Diellzës tonë të dashur e tashmë të përbashkët, në tjetër botë.
Sapo lexova këtë mesazh, kur u informova për tragjedinë e sotme në fshatin Gërdec e cila më tronditi thellë në shpirtë, jo shumë pas tragjedisë së të 16-ve të liqenit.
Vallë, ç'gabuan shqiptarët, kujt i kanë borxh, pse atyre tu ndodhin fatkeqësi të këtill?!!!
Unë nga thellësia e zemrës sime shpreh dhëmbjen dhe pikëllimin tim lidhur me këtë tragjedi me lutje qe të përfundojë me sa më pak viktima ndërsa të lenduarëve iu uroj sherim të shpejtë e të suksesëshëm.
Lutem që kjo të jetë pika e fundit e fatkeqësive të Shqipërisë dhe gjithë shqiptarëve kudo që janë.
Me rrespekt nga xhaxhi Adem Berisha.