Re: Ferit RAMADANI - PAFUNDËSI

nga LumLumi prej Tue 07 Apr 2009, 12:00 am

7.

Me qeleshen e bardhë të trollit Arbëror
ku shqipja zë folenë dhe shëron plagët !
S'lejojnë martirët e dritës, lirisë
të bie mallkimi, të shtohen vrragët !

Është nisma jonë ! Ëndërrim shekullorë !
Shqipëria Kala ! Rrjedhë në ujvarë!
Fantazma e përçarjes s'do të bëjë kurorë
Për mirësi ! Në shekuj : Udhëembarë... !

nga LumLumi prej Tue 07 Apr 2009, 12:01 am

5.

Pri Ilirida ! Përse të shtrydhemi nga inati!
Si bëjmë hero junanin as sërbosllavinë!
Krijuesëve çdoherë u shkon përshtati,
sëbashku me trima të bëjnë I L I R I N Ë !

Vetëm kështu ngadhnjejmë mbi armiq !
Të bashkuar shpëtojmë nga robëria, krimi !
Athina e Beogradi në Moskë sërish u bënë miq !
Shqipezezë të mbesim - kurrë t'mos vijë agimi !

Ndaj ne do të lidhemi dhe shqip do të rritemi
nga djep i stërgjyshërve rritur në shtërngatë,
Kudo qoftë e dijmë si ngritemi -
se : Një gjak e një gjuhë - nuk bëjnë shamatë... !

nga LumLumi prej Sun 12 Apr 2009, 4:56 pm

PRELUD PËR JU

Kushtrim PLAKU

Ku do të dinte Bota se shqiptari nuk mposhtet
dhe jetën e jep për atë copë Shqipëri
për atë copë Kosovë, Çamëri, Gusi,
për atë copë Malësi, Pollog e Pellagoni...!
Të shënuar në hartën e globit me emblemë robërie
të përçarë nga kthetra crnomakosërbosllavie!

Pesha e robërisë shekullore, tortura
as fjalët, as këngët e lirisë s’ua heshti
s’ua zbehu nga frymëzimet bijëve të shqipes!
Në mijëra variante preludin e ndeshi
dhe s’vdiqën nga plagët, nga vdekjet!

Vallëzojnë në shekuj bijtë e shqipes!
Ditëve të vrara u japin shpresën për bardhësi
dhe mbjellin sheshet me gjakun -
të mbijnë lulëkuqet e qëndresës,
e netët e tunxhit i kthejnë në zgjime
ku gjarpërinjtë kafshojnë pabesisht
të mos zbardhë kurrë drejtësia!

Edhe në Goli Otok, në Gradishkë, në Idrizovë...
përballen të mbijetojnë qaforet e robërisë:
-Në doni të shpëtoni!u thonë xhelatët,
-Me ne bashkëpunoni!

Për atë valle poshtruese rendën dhe hynë
tradhëtarët - të graduar, të parë,
tuxharët që shitën Atdheun,
e ndërruan lirinë me robëri
dhe u endën marramendthi të riheshtin
zërin e lirisë - jehonën e kushtrimit.

Kush e mposht atë forcë që lind e rilind
dhe rritet si Tomorri, Bjeshkët e Nemuna, Drenova
dhe turret si vala e Drinit, Erenikut,Vardarit...
Të dalë nga brenditë e Sharrit qetë - qetë
pastaj të oshëtijë nga Malisheva , në Shkup e Janinë
ta mbulojë Atdheun me Jehonë:
Jam unë:Ushtria Çlirimtare më thonë!

Me shpirtin e Naimit, Zemrën e Abdylit,
Me shpatën e Gjergjit pres perandorë,
Bajramët, Çerçizët, Ismail Qemalët
Atdheut ia thurrin të Lirisë kurorë!

Ngjyrimet i nxjerin nga penda e Jusuf Gërvallës
Që në mërgim bëri sfidën për liri,
Vatani s’harron të rrisë heronj edhe kur e vrasin
edhe kur dergjet nga prangat në robëri!

Po! Atdheu është i madh dhe i pa mposhtur
kur i dalin zot gjithkah bijë e bija!
Kur i flakin lumturitë personale për idealin
e nuk lejojnë t’u shtrydhet Liria!

Le të heshtin pacifistët përgjithmonë
edhe ata që hyjnë nëpër sisteme robërie
se ne e kemi nisur rrugën tonë
në Bashkim e Pavarësi na shpie!

Për rrugën që na fusin të trashëgojmë robërinë
të mbillet me hibride ugari ynë,
shpeshherë si kukudha ngriten e turfullojnë
të presim se: Ditët e lirisë vetë vijnë!

Janë ëndërra, kopalla, dhe marrëzi!
Trumbetime që s’pijnë ujë në Botë!
Me vibrime cinike, me djallëzi
ka vetëm lumturi të kotë!

Dhe sulen mbi prangat e armiqëve
dhe sulen mbi prangat e tuxharëve:
Ne s’lejojmë të na e mposhtni gjakun
jemi trashëgimtarë të të parëve.

Dhe ngriten Adem Jasharët, Hamzatë,
Fehmi Ladrovcët fytafyt zihen me kaurrët e Sërbisë!
Bota u bind nga madhorët:
Ç’ profil dalëzotës në vise t’Ilirisë!

Shpërthen vullkani përflaket Kosova,
bijtë e shkinave djegin e masakrojnë!

-Bij të shqipes u fton Vatani!
Në kushtrim , turren, betohen:
UÇK! UÇK! UÇK -ën kërkojnë!

S’kanë qëllim okupimi, as masakra s’bëjnë
për njerëzimin duan paqë, liri,
nga kthetrat e xhelatëve kombin të shpëtojnë
nga ajo crnomakosërbosllavi...!

E japim jetën! Betohen njëzëri!
Dhe ballë i bëjnë me zjarr e barot!
Kush do ta dinte se shqiptarët s’moshten!
Ata ! Pa liri të Atdheut s’jetojnë dot...!

nga LumLumi prej Sun 12 Apr 2009, 5:00 pm

Hiroshima ime Shqipëri !

Sa nisën bulzat të të sjellin blerimin
e kënga të jehojë për ne : Nënë Shqipëri !
Ustallarët e krimit e ndozën fitilin
të bëhesh feniks që bleron në hi!

Sa shekuj në përballje me zjarrin
Edhe sa shekuj - do të keshë tiranë ?
Ata prej qielli të erdhën jetë të të marrin !
- E tash - nga nëntoka të shpërthyen vullkanë !

Kush harton plane të të hapë plagë
dhe vdekjen kush ta vari kurorë?!
Mizorisht misteri - të derdhi flakë,
shkrum e hi të bëhesh në orë !

Të hapën plagë, vdiqën dhe u plaguan
shqiptarët e tu - që i përkulen uratës!
Do të bëhesh më e fortë se të gjithë luftuan
t'i shpëtojnë zjarrit, t'i shpëtojnë mandatës!

Shqipëri o Hallemadhja jonë e agimit
edhe kjo gjëmë të lindi trima...!
Ec në shekuj - t'ia shkruash rrëfimit
Se kalove tmerrit si Hiroshima...!

nga LumLumi prej Sun 12 Apr 2009, 5:00 pm

E SHTRENJTA - SHQIPËRI E SHENJTË !

(për të rënët në Gërdec )

Më gulon shpirti nga plaga që tu shtua
nga flaka e zjarri që hi të bënë !
E shtrenjta - Shqipëri e shenjta ime
Të dua siç e do fëmija një nënë !

Jam shumë i vogël s'mund të bëj më tepër
në kurtha robërie shtati më vyshket !
Se : Më lindën dhe vdiqën prindërit e robëruar,
kufirit në QafëThanë - akoma teli gjembor s'i ndryshket !

Na vrasin , burgosin e na përndjekin
ata që mbetën në shekuj tiranë,
i kanë futur në hapsirën tënde djajt
dhe mizorisht nga nëntoka të vranë !

Një muaj sa e bëri Pavarësinë Kosova
Një muaj tiranët krijuan strategji !
Nuk duruan! Se gëzimin që e pashë, dëgjova,
e kthyen në zjarr, shkrum e hi!

Janë të tmerrshëm ustallarët e krimit
gjithkah kanë vënë spiranca detonimi !
Ata s' bëjnë gjumë e nuk u dhimbset
E shuajnë çdo gjë , t'mos bëhet Bashkimi!

17 mars 2008 , Uskanë

nga LumLumi prej Sun 12 Apr 2009, 5:01 pm

NËNË SHQIPËRI!

Gjithkah shkoj botes rretheqark
vetem ti Nene Shqiperi me ndez mall
jam shnderruar shigjete e vene ne hark
dhe s'dua kurre asnje hap te ndal !

Te arrij tek ti o e shtrenjta - heroine
aty tek sheshi ne Tirane,
se meditimet u treten e lash edhe rinine
duke te bartur Ty o nene !

Ata qe na ndane sot bejne plane roberie
te mbesim te ndare edhe ne shekuj qe vine
ku munden ta ndajne shpirtin dhe lirine
ta flakim dashurine per Shqiperine ...!

Per ty lindem dhe shtigjeve per ty jetuam
edhe ne zgafella te Goli Otokut , Idrizoves
Megjithat sot te lire shprehemi , shkruajme
edhe per pavaresine e Kosoves!

nga LumLumi prej Sun 12 Apr 2009, 5:01 pm

1.

Një është Shqipëria...!

nga LumLumi prej Sun 12 Apr 2009, 5:02 pm

PRAPSI !

Nuk e di deri kur për djajt do të vriten shenjtorët
e vrasësit e vargjeve do të zgërdhihen
në çajtoret e malësisë duke hangë cjepër
se bëjnë luftë si Sançopançot dhe bashkëpunojnë
me okupuesit shekullor të Ilirisë!

Nuk e di edhe sa herë trokëllima e pengut
do t'i marrë t'i murosë në shtat murana
bijtë dhe bijat që enden pa ndalur të krijojnë mirësi,
por , ndiqen e përndiqen nga shtrigat, palaqot
që trumbetojnë se ja ne sjellim liri!

Nuk e di , do të kuptohen njeherë e përgjithmonë
kaptinat e zezonës që ndezin sherr e anatema
me krrokama dereqi se: Ai është luftëtar !
E di ma mirë palaçoja, shfaqet si demoni në antena!
Ndaj për të prishni, ndrydhni ! Po s'mundeni o ju zuzarë !

nga LumLumi prej Sun 12 Apr 2009, 5:03 pm

Një është Shqipëria...!

Nuk kam shkruar vargje se si përdëllohet shpirti
as fjali nuk kam bërë për të ndritur syrretër,
jam gjithmon n'horizontin e kërkimit të qëndresës
të luftoj kapricet dhe etjen nga lugetër!

Ata që i vardisen në çdo skaj Arbërisë,
dhe në emër të saj kërkojnë të bëjnë tregëti,
dikund ndalen të ndjellin mjegullat e stuhisë
dikund hapin buzëqeshjet të bëjnë tradhëti!

Jo! Nuk ndalem para tyre edhe kur dal nga transheja
edhe kur më zë acari edhe kur më godit rrufeja
se rruga ime s'ka lule bozhuri për në gjërsitë a Adenit
po ngushtica ku shënjestra të shpie tek shtëpi e Prizrenit

Aty ku Kuvendin e nisën Abdyli, Mici e Haxhi ZEKA
Jo çka thotë Dovleti e kur haxhin hap Meka
Po çka thotë për Bashkimin Ukshin Hoti e, gjithë Paria
se s'ka copa të ndara : Një është Shqipëria...!

nga LumLumi prej Sun 12 Apr 2009, 5:05 pm

AMANET

Edhe sonte duhet të ndahemi
se çerpikët kërkojnë pushim,
me njëri - tjetrin fortë të mbahemi
errësirë është deri në agim!

Dhe nata është si nata
më befasi që kushedi çka sheh dita!
Mos thuani si na zu mandata
ç'janë këto kurtha , keto prita!

Se vrasësit vetëm terrin duan
ata godasin në qiell meteorë !
Çka të bëjë një qiri i Naimit
Kur fryn me ngricë e bie borë ?

Vetëm poetet me vargje në pritë
si luftëtarët në zonën e vëzhgimit !
Kërkojnë për Atdheun liri dhe rritë
me strofë kushtrimi jetë i japin trimit!

nga LumLumi prej Sun 12 Apr 2009, 5:06 pm

2

rënia - heshtje prej gjeniu

nga LumLumi prej Sun 12 Apr 2009, 5:06 pm

ADEM JASHARI

S'ishte përpjekje shpëtimi ajo luftë
Ajo hapi shtigje të rilindë Kosova
Me çka u ndoz ai flakadan i madh i lirisë
Ma mirë thuaj : Nga gjumi i zgjova!

Vitet e robërisë sa ishin të gjatë
Dekadat me heshtje e perkulje i pjestonin
Se populli e hante perditë buken e thatë
Por, kush kish nge - shtypësin të hidheronin!

Me pranga, me perndjekje , me vrasje e dhunime
gradoheshin shqiptarët, po merrnin dhuratë!
Ëndërronin lajkatarët ku kishte emërime
Të ngjisin grada pushteti e të bëjnë shamatë !

Të shtypin pastaj në dimër , e në verë
Me gjak të përmbysnin marsin, sa herë vinte behari!
Jo! Nuk shkoj në Prekaz ajo dinakëri
Se doli si jehona - kreshnik Adem Jashari!

nga LumLumi prej Sun 12 Apr 2009, 5:10 pm

PER TAHIR SINANIN HERO

Nuk ishte rënia jote heshtje prej gjeniu

As gjaku, as, jeta, as lufta që u bë

Por ishte një sfidë që fliste vetevetiu

Se vije nga Tropoja - Lirinë kishe zë !

Nuk është vepra jote që ta harrojmë

Kur te flasim per të, të pyesim tradhtarët

Por është bërë kushtrim që doli jehonë

Si ta çlirojmë vendin të nderojmë të parët!

Nuk është rënia jote vdekje e rëndomtë

Ajo ua ka shtuar shpresat- bukurinë dhe këngëve

Se ishe ti ai që udhëhiqje betetë,

Ashtu siç u flasin Viganët - fitoreve!

Prandaj nëpër rima del zë kushtrimi

Prandaj rrjedh nga shpirti një vullkan

Se edhe në qetësi vdekjeje jehon trimi

Bëhet tmerr i armiqëve në Vatan!

nga LumLumi prej Sun 12 Apr 2009, 5:12 pm

SHKËMBVIGAN NË QËNDRESË!

(Beqir Limanit që më 18 shtator 1998 e vrau policia makosllave , me pretekst se ishte organizuesi i mbledhjes së armëve për luftën në Kosovë !

Ata që të vranë s’ bënë rastësi !

Ata për ne gatuajnë robëri!

Pas shpine gjithmonë i kanë bërë krimet

qendrat e krimit ua dhan - vrasjevendimet!

Kushedi çfarë gradash kanë marrë atë ditë!

xhelatët e krimit , të zitë!

Por, harruan se Ti edhe në varr i pushton lartësitë[/i][/b]
Hero i brezave që duan liri , rritë !

Në cilën përmasë të flasim sot e pastaj

S’jemi parë kaq gjatë, as kafe s’pijmë bashkë!

Durimi yt është bërë pikë qetësie,

Është dhembja krenare e Atdheut të lashtë!

E ndjejë se Ti bashkë me ne rri

na bën krenar të ecim drejt Ilirisë,

Vdekja s’u bë heshtje përse i mungon shoqërisë

U bëre jehonë Ti që ishe kushtrim i lirisë!

Ata që të vranë s’bënë rastësi

të zhdukën - të zhbëhesh patën shpresë!

Date Beqir Limani hero i agimit të lirisë

shkëmbvigan në qëndresë...!

nga LumLumi prej Mon 13 Apr 2009, 1:48 am

Poezitë janë te publikuara nëper gazeta dhe revista .