Gjera interesante rreth komjuterit ,ide .............

Në një intervistë për të përditshmen gjermane "Die Welt", ai thotë se do të preferonte të rrinte edhe pa drita më mirë se sa pa kompjuterin e tij. Dhe që partneri i tij, Steve Jobs, ia ka hedhur dikur, ai nuk e merr për ters. Steve Wozniak flet për shumë detaje që kanë të bëjnë me historinë e firmës së tij e sjell me nostalgji modelet e para të "Apple". Ai jep dhe arsyet se pse ai dhe bashkëthemeluesi i tij mund të konsiderohen si të vetmit e të parët shpikës të kompjuterit personal. Zoti Wozniak, a keni bërë ndonjëherë ndonjë test atësie? Steve Wozniak: Jo. Përse? Ju pretendoni të jeni babai i kompjuterëve personalë? Wozniak: Kështu më shohin njerëzit, kjo është e vërtetë. Por këtë atësi e marrin edhe të tjerë përsipër. Wozniak: Cilët të tjerë? IBM për shembull. Wozniak: Ju dhe ata besoj mund të më besoni kur them se IBM doli pas nesh. Ne e quajtëm pajisjen tonë asokohe "Apple", ndërsa IBM e quajti ordinatorin e tij "Personal Computer". Asokohe kishte megjithatë qindra njerëz në rruzull që mundoheshin të sajonin pajisje, që gjithsesi nuk mund të përdoreshin plotësisht dhe që nga pamja ishin më se të shëmtuara. Një gjë të tillë unë e kisha ndërtuar vetë pesë vjet para se të shpallej "Apple". E pra çfarë ishte kaq e veçantë në kompjuterin tuaj? Wozniak: "Apple 1" kishte një tastierë dhe mund të lidhej me një TV. Sikur vetëm ky fakt, po të trajtohet ashtu siç duhet, mund të quhej revolucionar. Të gjithë të tjerët kishin diçka që ngjante më shumë me një kabinë pilotësh plot drita që ndizeshin e fikeshin. Pas "Apple 1" u prodhuan edhe ordinatorët me tastierë që patën sukses në treg. Pasardhësi i tij, "Apple 2", ishte një prodhim i suksesshëm, një kryevepër mund të them, dhe mundi të përçonte madje edhe sinjale me dritë. Ku i rendisni ju shpikjet tuaja në krahasim me shpikjet e arritjet e tjera njerëzore në teknologji deri më tani? Wozniak: Në jetën time, kompjuteri i shtë//ë, siç më pëlqen mua ta quaj, është arritja më e rëndësishme. Nëse unë do të vihesha para alternativës: të rrija më mirë pa drita se sa pa kompjuter, unë do të parapëlqeja të parën. Sepse rrymën elektrike thjesht për ndriçim e zëvendëson fare mirë edhe me qirinj. A e përdorni akoma "Apple 2"? Wozniak: Unë në fakt akoma e kam njërin në shtëpi, e ai funksionon. Por për përftimin e grafikëve të mirëfilltë apo për internetin, ai nuk përshtatet dot plotësisht. Ai është më shumë një "hobby-computer". Në fakt, unë duhej ta përdorja atë më shpesh. Më jep vërtet kënaqësi. Dhe me të vërtetë, në koncept shumë gjëra nuk kanë ndryshuar shumë në këto tridhjetë vitet e fundit. Ne punojmë akoma me tastierë dhe maus. Wozniak: Kjo nuk do të ndryshojë ma merr mendja edhe në 15 vitet e tjera. Nuk do të jetë më tastiera, ashtu siç e perceptojmë ne sot. Ajo mund të zëvendësohej fare mirë edhe me projektimin e një lazeri mbi tavolinë. Por kompjuteri zotëron edhe një inteligjencë të stimuluar. Për këtë arsye ai nuk i kupton dot shumë gracka njerëzore që vijnë nga gjuha. A keni ju vetë "iPod"? Wozniak: Unë i kam të gjitha modelet që kanë dalë deri më tani në treg. Muzika në fakt përbën një pjesë të madhe të jetës sime. Cilat produkte të "Apple", thënë troç, ju nuk i dëshironi? (pauzë e gjatë) Zoti Wozniak? Wozniak: Pyetje e vështirë. "Apple 3" nuk më ka pëlqyer fare. Dhe disa kompjuterë "Macintosh", që ishin të shëmtuar. A ka diçka që "Apple" sot mund ta bënte më mirë? Wozniak: Thuajse asgjë. Një ndërmarrje e kësaj madhësie nuk mund të jetë më inovative se sa ka qenë më parë kur u prodhua "Apple 2". Përse jo? Wozniak: Sot mungon hapësira për kreativitet. "Apple" është një ndërmarrje e kuotuar në bursë. Me këtë fakt, hapësira për të luajtur, si të themi, për projekte të rrezikshme, është shumë e kufizuar. Shpikjet e inovacionet tashmë vijnë nga jashtë, nga ndërmarrje si "Google". Edhe "Google" është gjithashtu i kuotuar në bursë, apo jo? Wozniak: Po, por atje bashkëpunëtorëve u jepet kohë e mjaftueshme për projektet e tyre individuale. Unë do të dëshiroja që "Apple" të bënte më shumë në këtë drejtim. Për këtë arsye dhe e braktisët "Apple", sepse nuk ju lanë hapësirë të mjaftueshme? Wozniak: Unë nuk e kam lënë kurrë "Apple". Unë akoma jam në listën e tij të rrogave. Po përse u larguat pra gjatë viteve ‘80-të dhe hapët një firmë tuajën? Wozniak: "Apple" ishte rritur tashmë dhe kishte sukses në bursë. Kishim plot para dhe shumë inxhinierë. Puna ime për ndërmarrjen, prej kohësh nuk ishte më e rëndësishme. Përveç kësaj, unë doja të provoja gjëra të reja. Po Steve Jobs a është më miku juaj? Wozniak: Po. Ju sapo keni shkruar autobiografinë tuaj. Dhe shoku juaj i vjetër Jobs, me ç‘kemi konstatuar, kishte refuzuar madje të shkruante parathënien për këtë libër... Wozniak: Ai më dërgoi një letër me shumë mirësjellje brenda. Ndoshta ai nuk donte ta shkruante këtë letër, pasi në disa pasazhe të saj ai nuk shfaqet mirë. Ndoshta ai s‘ka pasur as kohë të mjaftueshme. Duhet të ketë qenë shumë i zënë. Përveç kësaj, ai nuk ka shkruar kurrë një parathënie në ndonjë libër. Themeluesit e "Apple" dhe historia Modeli i parë, me kasë druri "Apple" - Ajo vlen akoma dhe sot e kësaj dite si firma më inovative e industrisë së kompjuterëve. Steven Wozniak, së bashku me Steve Jobs, në vitin 1976 themeluan "Apple" dhe nxorën në treg kësisoj modelin "Apple 1" me kasë druri. Nëntë vjet më vonë, Wozniak e la koncernin dhe nisi të prodhojë në iniciativën e vet modelet "CL 9" të telekomandave universale të televizorëve, pasi kjo firmë e re merrej me këtë profil. Inxhinieri ka organizuar shumë festivale rock-u dhe prej tyre ka humbur shumë para, pasi puna nuk i ka ecur ashtu siç duhej. Wozniak është dhe bashkëthemeluesi i një shoqërie për pjesë ndërrimi, "Hightech". Para pak kohësh doli në treg edhe libri i tij autobiografik. "Apple" ndërkohë është shndërruar nga një prodhues kompjuterësh, në një koncern të madh teknologjie të lartë. Player-i i famshëm "iPod" i formateve mobile muzikore renditet tashmë ndër më të suksesshmit në historinë e koncernit.

Sipas raportit më të fundit të Microsoftit për gjendjen e sigurisë kompjuterike, lëshimet e ndryshme të sigurisë, softveri malinj dhe sulmet e hackerëve lidhen për vetëm 13 për qind të të gjitha incidenteve të raportuara në gjysmën e dytë të vitit të kaluar, derisa 57 për qind e tyre kishte të bëjë me pajisje të humbura apo të vjedhura, si laptopët, etj. Sa i përket softverit malinj, është shënuar një rritje e 300 për qindtë e numrit të trojanëve downloaderë dhe dropperë. Shembull i një trojani dropper është Win32/Nuwar, i cili quhet ndryshe edhe Storm Worm, ndërsa përhapet me postë elektronike nëpërmjet porosive me të cilat nxit pranuesit që të vizitojnë një faqe interneti malinje prej nga, nëse vizitohet, edhe instalohet duke hapur kështu "derën e pasme" për qasje të paautorizuar në kompjuterin e shfrytëzuesit. Krimbi azhurohet vazhdimisht për të vështirësuar zbulimin e tij, dhe deri më tani janë shënuar më shumë se gjysmë milioni infektime anembanë botës. Një tjetër lloj gjithnjë më i popullarizuar sulmeve është mashtrimi i shfrytëzuesve të kompjuterëve për të vlerë softver të rremë sigurie nga kompanitë ilegale të cilat vetëm marrin para nga shfrytëzuesit dhe i stërshesin pastaj të dhënat e tyre të kartelave kredituese. Sulmuesit tentojnë të fitojnë vëmendjen e shfrytëzuesve përmes reklamave në të cilat pohohet se kompjuteri i tyre është i lëndueshëm sa u përket sulmeve të sigurisë, dhe ofrojnë "zgjidhjet" e tyre për eliminin e kërcënimeve të sigurisë. Sulmuesit potencialë poashtu gjithnjë e më shpej provojnë të fusin kodin malinj në reklamat të cilat distribuohen nëpërmjet rrjeteve reklamuese në Internet, duke arritur kështu të depërtojnë edhe deri tek webfaqet me reputacion të lartë.

Përkundër apeleve të opinionit për mbajtjen e Windows XP-së, në Redmond janë të vendosur për të mbyllur ciklin e sistemit operativ shtatëvjeçar dhe akoma në formë. Afati i dhënë më parë i cili ishte shtyrë për pesë muaj me kërkesë të shitësve të kompjuterëve, tani më nuk do të shtyhet.
Ndërprerja e prodhimit nuk do të prekë vetëm Windows XP Home Edition i cili u dedikohet laptopëve ultramobilë të lirë si EeePC apo Classmate.Megjithatë, blerësit edhe më tutje deri më 31 janar të vitit 2009 do të mund të blejnë në disa vende kompjuterë me XP të parainstaluar, ndërsa përkrahja zyrtare do të marrë fund në prill të vitit 2009, datë kjo që mund të merret edhe si data e vdekjes së njëmendtë të këtij sistemi operativ. Tani për tani,Microsoft mendon ta ofrojë mundësinë për shfrytëzuesit e Windows Vista Business dhe Ultimate që të bëjnë downgrade në XP, ndërsa përkrahje e zgjeruar me pagesë nuk do të përfundojë deri në vitin 2014