Vendosni kompjuterin në gjendje Hibernate, në vend se ta fikni krejt me Turn off

Jeni duke punuar me kompjuter dhe i keni të hapur disa dritare të programeve, nuk dëshironi ta fikni kompjuterin edhe pse duhet për 2-3 orë të dilni nga zyra, ose ndoshta fëmija i juaj nuk dëshiron ta mbyll lojën që është duke e luajtur përderisa duhet të shkoj në shkollë, apo duhet të flejë, kurse ju nuk doni ta leni kompjuterin ndezur, por edhe po të donit në Kosovë dhe Shqipëri ka ndërprerje të shpeshta të rrymës elektrike, atëherë, zgjidhja e vetme është ta vendosni në “Hibernate” kompjuterin tuaj.

Në sistemin operativ Windows XP, ju mund ta vendosni në “Hibernate” kompjuterin, duke aktivizuar opsionin Hibernate, vetëm një herë në Start >> Control Panel>> Power Options>>> Hibernate, dhe duke e vërtetuar opsionin Enable hibernation.

Pastaj çdo herë tjetër, shtypni Start>> Turn off Computer dhe pasi të shfaqen opsionet Stand by, Turn off dhe Restart, shtypeni tastin SHIFT nga tastiera, opsioniStand by bëhet Hibernate.

Gjatë hibernimi, kompjuteri fiket, dhe disi vendoset “në gjumë”. Edhe nëse rryma ndalet, gjatë aktivizimit të kompjuterit herën tjetër, sistemi operativ starton me dritaret e hapura të dokumenteve apo lojërave, ashtu si kanë qenë para se të vendoset në hibernim.