Katastrof ne Gjirokaster

Rexohet pallati 5-katesh

Ne lagjen 11 Janarii te qytetit te Gjirokastres rrexohet nje pallat 5-katesh

evakuohen banoret e nderteses 4 persona dergohen per ne spitalin rajonal te Gjirokastres.

Mendohet se 3 persona kan mbetur nen renojat e nderteses se shkatruar.

Shkaku i shembjes eshte ndertimi i nje pallati pran nderteses.

Gjirokastër- Gjendet nën rrënoja trupi i vajzës 13-vjeçare, Anxhela Dalani.

Sipas burimeve zyrtare nga vendi i ngjarjes, trupi i vajzës është gjetur i pajetë dhe është nxjerrë pak minuta më parë nga rrënojat e pallatit të shembur në lagjen “11 janari” në Gjirokastër.
Trupi i vajzës është gjetur në afërsi të trupit të nënës së saj, Valbona Dalani, 35-vjeçare që u gjet në mesditë.

Sipas shefit të zjarrfikëse në Gjirokastër, Dilaver Laci, trupi i vajzës është i padëmtuar. “Trupi i pajetë është gjetur pranë të ëmës, në një largësi 5-6 metër larg saj”- tha ai.
Trupi i pajetë është transportuar me autoambulancë në drejtim të spitalit, ku pritet që t’i nënshtrohen autopsisë.

Me nxjerrjen e kufomës së vajzës, shkon në tre numri i viktimave dhe mendohet se i është dhënë fund operacion të kërkimit nën rrënoja.

Kronologjia e ngjarjes çast pas çasti

11:45 – Shemben dy seksione të një pallati në lagjen “11 Janari”

11:50 – Në sektorin operativ të policisë mbërrin njoftimi për ngjarjen e ndodhur, çka vuri në lëvizje uniformat blu, mjekët, zjarrfikëset

12:30 - Familjarët ankohen se nuk po gjejnë të afërmit e tyre, ndërsa bëhet e ditur se janë shpëtuar 15 vetë, ndërsa katër rezultonin në gjenjde të rëndë dhe u dërguan për në spital.

13:30 – Një ekip prej shtatë personash u nis nga Greqia për të ndihmuar policinë shqiptare për fatkeqësinë e ndodhur

13:45 – Për në vendngjarje nisen drejtori i Përgjithshëm i Policisë së Shtetit, Ahmet Prençi, krerë të departamentit të emergjencave, si dhe ministri i Energjitikës, Genc Ruli, njëkohësisht deputet i zonës.

14:10 – Mbërrin me helikopter në vendngjarje kryeministri Berisha për të inspektuar zonën. Ai premtoi se të gjithë përgjegjësit do të viheshin para drejtësisë dhe se do të jepej ndihmë për banorët e pallatit.

14:30 – Nga Tirana nisen specialistë për të dhënë ndihmën e tyre. Spitali i Gjirokastrës qëndroi gjatë gjithë kohës në gjendje gatishmërie. Në spital në këto momente ndodhej vetëm njëri prej të plagosurve.

15:00 – Bëhet e ditur se nën rrënoja ndodhen tre vetë, mes të cilëve një fëmijë. Burimet zyrtare të Policisë së Shtetit bënë të ditur se ndaluan në kufi, në Kakavijë, përfaqësues të firmës që po ndërtonte një pallat pranë pallatit që u shemb dhe që dyshohet të ketë punuar keq nën themele, çka shkaktoi edhe tragjedinë.

15:10 – Dyshohet se edhe një familje e tërë ka mbetur mes rrënojave

15:50 – Rifillojnë kërkimet nën rrënoja për të gjetur personat e humbur. Në ndihmë edhe një qen i sjellë nga forcat greke të mbërritura në vendngjarje

17:34 – Në polici shoqërohen nëntë persona. Mes tyre inxhinierë të firmës së ndërtimit, të cilët janë marrë në pyetje lidhur me punimet, si dhe me shkaqet që çuan në shembjen e pallatit.

18:30 – U konfirmua se një nga familjet që dyshohej se ishte nën rrënoja, ishte gjallë dhe ndodhej në Tepelenë. Familja përbëhej nga nëna dhe dy vajzat

19:27 - Numri i të shoqëruarve nga policia shkoi në 12. Në vendngjarje mbërrin edhe kreu i PS-së, Edi Rama

20:30 – Kryetari i Bashkisë së Gjirokastrës, Flamur Bime, u shpreh se do të merren masa për të ndihmuar banorët, të cilët janë përfshirë nga fatkeqësia