Ribehet me kembe e duar 28-vjecarja

E Marte, 14 Prill 2009
Burime nga spitali shteteror KAT, i Athines, bene te ditur se pas nje nderhyrjeje te specializuar kirurgjikale, u be ngjitja e kembeve dhe duarve qe i kishte prere i shoqi 39-vjecar I. Ramaj, nga Librazhdi, i cili ndodhet nen arrest me burg. Mjeket thane se shendeti i A. Ramaj, eshte nen kontroll, duke theksuar se nderhyrja me ringjitjen e eshtrave ishte dicka e rralle, qe funksionoi. Gjithsesi, mjeket treguan se njera kembe eshte ne pikepyetje, nese do te funksionoje ngjitja apo jo.
Policia
Nga hetimet e para, policia hodhi dyshimin se sherri qe solli ngjarjen e frikshme, erdhi pas refuzimit te gruas 28-vjecare per t'iu bashkuar familjes, duke qene se ajo jetonte prej dy muajsh vetem ne Kalamate, i shoqi ne Veria dhe dy femijet e tyre, ne Shqiperi. Dje i dyshuari doli para Gjykates Penale te Kalamates, ku prokurori kerkoi mbajtjen e tij ne qeli deri ne perfundim te hetimit, kerkese qe e pranoi gjykatesi i gatshem. Nga deshmite e dhena prej te dyshuarit, krimi i se shtunes erdhi nga pasioni qe ai kishte dhe deshira per te qene afer te shoqes, deshire qe kundershtohej nga ajo qe prej dy muajsh, kur edhe jetonin te ndare. Gruaja ishte larguar nga banesa ne Veria, ku jetonte me te shoqin dhe erdhi ne Kalamate. Atje, kishte nisur pune ne nje bar, ne zonen e Pilias, ku kishte nisur dhe nje lidhje me nje banor te zones, ne te cilen jetonte me qira. Pasi i preu kembe edhe duar me motosharre, 39-vjecari e hodhi gruan ne bodrum dhe me pas u largua. Por i penduar i rrefeu policise te gjithe ngjarjen e ndodhur.
Ngjarja
Gjithcka e pati pikenisjen para dy muajsh, kur 39-vjecari shqiptar jetonte ne qytetin e Verias, te rajonit Makedonia te Greqise. Para disa ditesh ai kishte shkuar ne Shqiperi dhe kishte marre femijet, perkatesisht, tete dhe dhjete vjec, te cilet jetonin me te afermit.
Nje jave me pare, I. Ramaj, bashke me dy femijet, ka mberritur ne Kalamate, ne shtepine me qira ne rrugen "Navarinu", te lokalitetit Mesinia. Rreth ores 14:00 te se shtunes, 39-vjecari ka debatuar ashper me te shoqen. Shkak ishte pikerisht qendrimi larg njeri-tjetrit. Debati eshte ashpersuar dhe ne nje moment irritimi, 39-vjecari ka rrembyer nga bagazhi i makines, prane shtepise, nje sharre elektrike me zinxhir. E ka vene ne prize dhe i eshte versulur te shoqes duke i prere te dyja kembet dhe duart deri larte ne krahe. Ulerimat e femijeve te traumatizuar e kane penguar ne veprimet e metejshme. Gruan e ka fshehur ne bodrum dhe me pas se bashku me femijet eshte larguar nga apartamenti.
Femijet
Dy femijet e tmerruar kishin dale jashte shtepise dhe nen klithma godisnin dyert e makinave te parkuara, duke kerkuar ndihme. Menjehere me pas, u eshte afruar i ati, i cili i ka futur ne makine dhe i eshte drejtuar bulevardit prane detit. Atje i eshte afruar nje patrulle policore dhe i ka njoftuar se ka masakruar te shoqen.
I dyshuari
I dyshuari 39-vjecar, pa dokumente te rregullta qendrimi, u arrestua dhe u dergua ne nje qeli paraburgimi te rajonit lokal policor. Femijet, gjenden ne spitalin e Kalamates, por autoritetet lokale kane vendosur t'i dergojne ne nje qender per trajtimin mbrojtes te femijeve me probleme ne familje.

Koha Jone