Re: Humbja e besimit

nga Vjollca prej Fri 09 Oct 2009, 7:38 pm

Këto kohët e fundit, po shof përgjigje pa ndërgjegje, pa ndërgjegje kombëtare, pa aftësi intelektuale, pa besim të pastër fetar dhe lloj-lloj injorantësh e delirantësh, nuk ka mbetur religjion pa u sharë e përdhosur, nuk ka mbetur dëshmorë e hero i këtij populli pa u kontestuar e denigruar! Mohoet edhe gjuha letrare, mohohet identiteti kombëtar… aq të aftë jemi sa u bajmë gajlen edhe arabëve se keq e kan ata nëpër haremet e tyre… si duket jemi akoma në gjumë të thellë.
Këto debate e polemika, për besimin apo mosbesimin e shqiptarëve në fe, më tepër kanë përhapur konfuzion se qartësi, më tepër kanë shkaktuar dëm se sa dobi kombit tonë dhe zgjidhjes së çështjes sonë kombëtare.
Sa herë duhet cekur se besimi në fe apo kudoqoftë tjetër bëhet dhe pranohet me zemër, me sinqeritet, me çiltërsi dhe jo me tru, sepse truri nuk beson kurrë, ai vetëm analizon, logjikon, dyshon, kundërshton dhe mohon. Çështja e besimit apo mosbesimit në Zot është çështje private, çështje individuale e njerëzve të kësaj bote dhe askush nuk duhet të kërkojë nga njerëzit, qofshin këta besimtarë apo ateistë, të krishterë apo budistë, myslimanë apo protestantë, që ata të flakin një besim, një religjion dhe të përqafojnë një besim apo religjion tjetër. Një fe, një besim e religjion nuk përhapet me imponim, me mashtrim, me lajka, me dhunë, me para apo duke sharë e mohuar religjionet tjera. Feja përhapet vetëm me predikim.
Ekziston vetëm një Zot. Nuk ka tjetër dhe askush nuk mund ta mohoj këtë dhe as që do të mundet pa marr parasysh cilit religjion apo besim i përket. Muhamedi nuk i ka kritikuar dhe mohuar Pejgamberët e besimit në Zot para Tij. Atëherë kush jemi ne të mohojmë dhe kritikojmë!? Vene gishtin në kokë lexoni mirë dhe analizoni pastaj shkruani. Nuk ka religjion e besim të keq që beson në një Zot. Por ka jobesimtarë, besimtarë naivë, besimtarë injorantë dhe besimtarë dinakë e mercenarë, të cilët në emër të Zotit punojnë për Djallin!
Është befasuese dhe irrituese që të lexosh dhe të dëgjosh idiotizma të këtilla për çdo ditë nëpër forume te shumta. Dhe kur këto naivitete, por edhe ide tendencioze, antikombëtare dhe armiqësore i dëgjon dhe i lexon nga njerëz intelektualë, kjo të bënë që të shkulësh leshrat e kokës, ashtu siç bëri Lekë Dukagjini, kur i ra shumë vonë ndërmend për humbjen e madhe kombëtare që shkaktoi vdekja e Gjergj Kastriotit – Skënderbeut, të cilin nuk e përkrahu gjithmonë dhe sa duhej kur ai ishte gjallë dhe luftonte me armiqtë osmano-venedikas të Arbërisë. Kështu veprojmë ne sot, duke luftuar njëri-tjetrin dhe duke sharë religjionin e njëri-tjetrit, ne s’bëjmë asgjë tjetër pos që shajmë vetveten tonë, dëmtojmë atdheun tonë dhe bëjmë vetëvrasje të ngadalshme e të sigurt kombëtare!
Nuk dua të jap përgjigje në asnjë pyetje secili nga ju ka para Kur’anin lexojeni ai nuk fton për armiqësi dhe mos e shtrëmbroni nëse se kuptoni atëhere heshtni se kjo kalon çdo limit. Feja pranohet me zemër e bindje shpirtërore, ajo nuk mbillet me dhunë e imponime.

nga **Interesant** prej Sat 10 Oct 2009, 9:11 am

Arla

Te jesh i sjellshem, i edukuar, i duruar me krijesat e te mos jesh me Krijuesin ky eshte mekat. Krijuesi te ka dhene shume pervec jetes, te ka be te jetosh, te punosh, te edukohesh, te shoqerohesh, te ka jap familje .... A ja vlen te mos respektohet Krijuesi ?!

Ta vizitosh Meken ( saktesisht Qaben ) eshte nje kusht prej kushteve te fes islame, por i cili kusht dallon nga te tjerat. Eshte obligim te vizitohet Mekeja nga muslimani se paku nje here gjate jetes se ti po pati mundesi. Me mundesi kuptohet mundesia shendetsore apo materiale, pra nese nuk t'u eshte dhene mundesia te shkosh gjate jetes kjo nuk nenkupton se ke bere mekat.

nga Vjollca prej Mon 12 Oct 2009, 12:43 pm

Të dashur forumist, personi që dëshiron të ketë ndërgjegje të pastër duhet të jetë gati çdoherë që të marrë përsipër secilën përgjegjësi që nevojitet. Një ndër karakteristikat e personit që i përmbahet parimeve morale të cilës do fe apo besim është se ai nuk kënaqet me biseda të kota. S'ka dyshim, shmangja nga kjo ofron më shumë kënaqësi, si shpirtërisht ashtu edhe materialisht. Në vend se të hyjë në bisedë që s'ka asnjë kuptim, besimtari e kalon kohën në detyra më fitimprurëse e të rëndësishme. Në këtë mënyë, ai i shmanget gjithashtu efektit mpirës të bisedave të kota. Besimtarët, nuk duhet te këmbngulin që të jetë vetëm mendimi i tijë. Ata e dijnë se gjithmonë ka njerëz me kuptueshmëri superiore dhe nuk insitojnë kurrë që të mbajnë bindjet e tyre kur iu është thënë e vërteta. Nëse nuk kanë njohuri për temën, ata thjeshtë duhet të përmbahen nga shprehja e opinioneve. Disa nëse nuk kanë informata për ndonjë ngjarje, në vend se të thonë mendimet e tyre dhe të përfshihen në polemika, ata preferojnë të marrin informata (kopjime) në mënyrë që të arrijnë në konkluza të shëndosha. Kjo poashtu është diçka që është këshilluar nga Allahu në Kuran:

" … e mbi secilin të dijshëm ka edhe më të dijshëm. (Surja Jusuf: 76)
A janë të barabartë ata që dinë dhe ata që nuk dinë?" Po, vetëm të zotët e mendjes marrin mësim. (Surja Zumer: 9).

Ju faleminderit

nga Adonisi prej Mon 12 Oct 2009, 10:59 pm

interesant shkruajti:Te humbesh besimin nenkupton ta humbesh jeten apo ta humbesh veten tende. Besimi eshte nje rruge me shume shtigje, eshte nje nevoj shpirterore- psiqike apo edhe fizike !- Te besosh don te thote te kuptosh arsyen e ekzistences tende apo edhe arsyen e ekzistences se krijesave ne pergjithesi. Besimi tek nje person eshte sikurse ajo bima e cila eshte thare, sa me shume e ujit aq me shume ngjallet, po nuk e ujite ajo do te shkaterrohet ne pergjithesi .
Te kuptosh se si te besosh eshte gjeja me e rendesishme, te mesosh besimin e ke arrit shpetimin, te veprosh me ate qe ke besu, ke arritur cakun e kuptimit te jetes !

Ta humbesh besimin, ke humur veten, ke humbur familjen po edhe shoqerine ne pergjithesi. Humbja e besimit te dergon ne nje grade nagaive shpirterore e cila te shpien deri ne kercenimin e vetvetes apo te te tjereve. Te humbesh besimin i ke humbur te gjitha gjerat me me vlere qe i ke ne jeten tende !

Me respekt : Interesant

Per sa kohe vertetohen keto qe i keni cek ju? Duhet disa muaj, nje vite, nje dekat apo nje jete e tere dhe ne fund qe ti hmbesh gjitha keto qe nga vetja deri tek qdo gjo qofte e vogel por qe ka vlere? E verteta eshte se, u ben disa vite, me sakt rrethe 7 vite qe e kam humbe besimin. Besimin ne ate qe ju dhe shumica e te tjereve ketu dhe jashte ketij forumi besojne! Pra besimin ne Zot. Mirepo, perveq se nuk mund te them une, nuk mund te thote asnje njeri ( te pakten qe me njeh) se une e kam humbur veten. Nuk mund ta thote edhe familja nje gje te ketill, perkundrazi. Poashtu edhe shoqeria nuk mund te thote asgje. Kjo e fundit nese nuk me respekton, por edhe me pak jo. Nuk kam probleme jashte normales me vetveten, perveq se nga ato te zakonshmet dhe qe jane shume njerezore si qdo njeri tjeter. Asnje qenje njerezore rrethe meje nuk ndihet e kercenuar ne asnje menyre.
E vetmja gje qe kam humbur deri me sot, eshte po ajo per te cilen jetoje...Por qe nuk ka te bej absolutisht me mosbesimin tim.

Nuk dua ta pranoje se jeni kaq extrem keshtu siq jeni shprehur me siper. Shpresoj qe kete shkrim e keni bere ne nje gjendje te lodhur dhe te ngutshme.

Respeckte!

nga Adonisi prej Mon 12 Oct 2009, 11:10 pm

interesant shkruajti:Arla

Te jesh i sjellshem, i edukuar, i duruar me krijesat e te mos jesh me Krijuesin ky eshte mekat. Krijuesi te ka dhene shume pervec jetes, te ka be te jetosh, te punosh, te edukohesh, te shoqerohesh, te ka jap familje .... A ja vlen te mos respektohet Krijuesi ?!

Ta vizitosh Meken ( saktesisht Qaben ) eshte nje kusht prej kushteve te fes islame, por i cili kusht dallon nga te tjerat. Eshte obligim te vizitohet Mekeja nga muslimani se paku nje here gjate jetes se ti po pati mundesi. Me mundesi kuptohet mundesia shendetsore apo materiale, pra nese nuk t'u eshte dhene mundesia te shkosh gjate jetes kjo nuk nenkupton se ke bere mekat.

Pse shpreheni keshtu kur e dini qe nuk eshte e vertete aspak? Nuk eshte e vertete aspak se Zoti u paska dhene njerezve gjitha keto! Dikujt nuk i ka dhene as jeten, dikujt as mundesin e edukimit, dikujt as mundesin e shoqeris, dikujt as familje... e dikujt dikujt as edhe nje kafshat buk. Njekohesisht dikujt-dikujt u ka dhene shumeqka, bile me teper se qe e meritojne! Ketu buron padrejtesia me e madhe e Zotit! E si te besoj njeriu ne nje drejtesi absolute dhe te perjeteshme?!

Vjollca shume lehte eshte ti rekomandon njerezit qe ta lexojne Ku'ranin qe ta gjejne te verteten apo te gjejne pergjgje per pyetje e parashtruara. Po, qka nese dikush e ka lexuar Ku'ranin dhe kerkon nje shpjegim, apo nje diqka qe nuk e ka kuptuar? Keshtu duhet ti pergjigjeni ju?
Nese dikush ketu, ose konkretisht une beje pyetje pa ndergjegje... apo pa pik sensi, atehere me thuaj hapur se nuk ta mar per te keq. Te pakten e ke menyren me te shkurter dhe me me pak fjale siq e kan shumica e besimtareve: " Vetem Zoti e di..."

Po vazhdoj te pyes deri sa te marre pergjigjen nga ndonjeri ketu. Qka thote Ku'rani per faljen ne namazit, a e percakton se sa here duhet falur ne dite nje musliman apo jo?

Respeckte!

nga **Interesant** prej Mon 12 Oct 2009, 11:36 pm

Adonisi shkruajti:
interesant shkruajti:Te humbesh besimin nenkupton ta humbesh jeten apo ta humbesh veten tende. Besimi eshte nje rruge me shume shtigje, eshte nje nevoj shpirterore- psiqike apo edhe fizike !- Te besosh don te thote te kuptosh arsyen e ekzistences tende apo edhe arsyen e ekzistences se krijesave ne pergjithesi. Besimi tek nje person eshte sikurse ajo bima e cila eshte thare, sa me shume e ujit aq me shume ngjallet, po nuk e ujite ajo do te shkaterrohet ne pergjithesi .
Te kuptosh se si te besosh eshte gjeja me e rendesishme, te mesosh besimin e ke arrit shpetimin, te veprosh me ate qe ke besu, ke arritur cakun e kuptimit te jetes !

Ta humbesh besimin, ke humur veten, ke humbur familjen po edhe shoqerine ne pergjithesi. Humbja e besimit te dergon ne nje grade nagaive shpirterore e cila te shpien deri ne kercenimin e vetvetes apo te te tjereve. Te humbesh besimin i ke humbur te gjitha gjerat me me vlere qe i ke ne jeten tende !

Me respekt : Interesant

Per sa kohe vertetohen keto qe i keni cek ju? Duhet disa muaj, nje vite, nje dekat apo nje jete e tere dhe ne fund qe ti hmbesh gjitha keto qe nga vetja deri tek qdo gjo qofte e vogel por qe ka vlere? E verteta eshte se, u ben disa vite, me sakt rrethe 7 vite qe e kam humbe besimin. Besimin ne ate qe ju dhe shumica e te tjereve ketu dhe jashte ketij forumi besojne! Pra besimin ne Zot. Mirepo, perveq se nuk mund te them une, nuk mund te thote asnje njeri ( te pakten qe me njeh) se une e kam humbur veten. Nuk mund ta thote edhe familja nje gje te ketill, perkundrazi. Poashtu edhe shoqeria nuk mund te thote asgje. Kjo e fundit nese nuk me respekton, por edhe me pak jo. Nuk kam probleme jashte normales me vetveten, perveq se nga ato te zakonshmet dhe qe jane shume njerezore si qdo njeri tjeter. Asnje qenje njerezore rrethe meje nuk ndihet e kercenuar ne asnje menyre.
E vetmja gje qe kam humbur deri me sot, eshte po ajo per te cilen jetoje...Por qe nuk ka te bej absolutisht me mosbesimin tim.

Nuk dua ta pranoje se jeni kaq extrem keshtu siq jeni shprehur me siper. Shpresoj qe kete shkrim e keni bere ne nje gjendje te lodhur dhe te ngutshme.

Respeckte!

Adonisi

Ne momentin kur jam i lodhur nuk mirrem fare me forum, por e ze nje pozicion dhe filloj te fle !

Te gjitha keto qe ke shkruar dhe i ke permbledhur se i posedon te gjitha dhe ske humbur asgje me humbjen e besimit, kjo eshte nje shprehje e shkruar vetem, por realiteti eshte krejt ndryshe. Ti mundesh ne nje shkrim te shkruash ate qe ndjen edhe ate qe nuk ndjen, mund te behesh ne shkrim optimist edhe pse ne realitet je pesimist, mund te behesh ne shkrim real, edhe nese ne realitet nuk je real.

Me humbjen e besimit si fillim i ke humbur te gjitha cfar ke dhe cfar posedon! - Te besosh dhe te kuptosh se si te besosh jane dy gjera te ndryshme! - Sot shume njerez besojne, por pak jane te atille qe kane arrit te shijojne embelsiren e besimit. Ka edhe te atille qe besimin e kan vetem si mbulese, ndersa ne realitet besimi per ta eshte vetem spekulim per arritjen e interesave personale.

Nese ti nuk beson ne ndonje Zot ( pavarsisht cfar besimi ) , atehere me trego a mos ke ardhe nga asgjeja ti ? Apo je nga ata ateistet qe thone : Ate cfar mendja nuk ta arrin, atehere mos e kerko perendine ?! - Apo me mire po te pyes: Prej nga te erdh shpirti ty qe ti posedon ne veten tende ( a mund ta dish se si eshte shpirti yt , si duket , ku qendron ne cilen pjese te trupit ?), dhe ku shkon ai shpirt pasi qe ti vdes ? - Kush te ka bere ty qe te jetosh , jete e cila eshte e perkohshme, dhe kush te ben ty qe te vdesesh , vdekje e cila te vjen ne befasi pa te pyetur ? - Apo perse ti ke mendje e intelekt ndersa shtazet nuk kan mendje per te menduar( a mund t'i shofesh ti mendet tua apo nuk e di se ku qendrojne?), ku eshte dallimi ne mes njerezve dhe shtazeve dhe arsyeja e mentalitetit ? - Dhe nje pyetje tjeter te cilen pyetje ta kam bere me heret : Perse njerezit kur vdesin varrosen ne toke ? - Nese kane ardhe nga asgjeja , pse nuk behen prap asgje dhe te zhduken, por varrosen dhe mbesin aty ?

Kur ti me jap mua pergjigje per keto atehere mund te vazhdojme biseden !

nga Adonisi prej Mon 12 Oct 2009, 11:41 pm

Nje pyetje e imja po sillet neper forum qe disa dite, ne mos jave dhe nuk po marre pergjigje! Nese e marre ate pergjigje, atehere une te jap gjitha keto pergjigje qe i keni kerkuar. Dhe keshtu vazhdojme....une nje pyetje ju sa te doni, ketu do te jem. Gjithnje ne menyre me njerezore pa pasur asnje qellim ndaj juve apo dikujt tjeter, thjeshte debat njerezore.

Respekeckte

nga **Interesant** prej Mon 12 Oct 2009, 11:43 pm

Sa jam ne dijeni deri me tani, te gjitha pyetjet qe ti i ke bere per mua iu jam pergjigjur, apo e kam gabim, mu drejto mua me pyetjen qe ti thua qe nuk jam pergjigj dhe me trego vendin se ku me ke pyetur mua ?

nga Adonisi prej Mon 12 Oct 2009, 11:45 pm

"Po vazhdoj te pyes deri sa te marre pergjigjen nga ndonjeri ketu. Qka thote Ku'rani per faljen e namazit, a e percakton se sa here duhet falur ne dite nje musliman apo jo?"

Respeckte!

nga **Interesant** prej Mon 12 Oct 2009, 11:55 pm

Per te kuptuar me mire se a shkruan ne Kur'an sa duhet te falemi apo a jane te caktuara vaktet, atehere ne fillim duhet kuptuar nje gje tjeter, e ajo eshte Shpallja .

Te gjithe librat e mehershem qe kane zbrit per njerezimin , kane qene te dedikuar po te ai popull qe eshte zbrit dhe kane pas rregulla qe i perkisnin ati populli. Kur'ani per dallim nga librat ( shpalljet) e tjera eshte se nuk eshte i dedikuar vetem per nje popull por per te gjithe njerezimin , dhe eshte permbledhes i te gjitha librave ( shpalljeve ) te mehershme.

Shpalljet qe kane zbrit nga Krijuesi , kane qene te pranuara nga Pejgamber te ndryshem. Kur'ani i ka zbritur Pejgamberit Muhamed, i cili edhe eshte Pejgamberi i fundit dhe vulja e te gjithe Pejgambereve .

Profeti Muhamed Pervec Kur'anit qe ka marr si shpallje i cili Kur'an ashtu si ka zbritur eshte transmetuar, ka posedu edhe shpallje tjeter qe jane Hadithet, te cilat edhe keto kane qene shpallje nga Krijuesi , por me renditje te fjaleve nga Profeti Muhamed, dhe zqarim dhe komentim i asaj qe gjendet ne Kur'an .

Ne kur'an ne shume Kaptina dhe versete mund te hasesh ne urdher i cili te obligon me faljen e namazit, por nuk mund te hasesh ne ate se sa here apo si duhet falur. Per ate si sqarim i ketyre verseteve dhe si komentim i ketyre jane vet Hadithet e Muhamedit, ku tregojne Formen e nje adhurimi perkates, po ashtu edhe formen e faljes se namazit. Pra ne Kur'an mund te hasesh ne urdher te drejtperdrejte, ndersa ne Hadithe ne sqarime dhe komentime nga ajo qe ka ardhe Kur'ani dhe menyren se si ka ardhe deri te falja e namazit dhe si ka ardhe te forma apo caktimi i vakteve qe jane gjate dites.

Kjo ishte shkurtimisht rreth pyetjes tende.

Tani une pres pergjigje per pyetjet qe ti kam bere une , po nuk mora pergjigje , nuk do vazhdon debati ....

Me respket !

nga Adonisi prej Tue 13 Oct 2009, 12:05 am

Mos nxito kaq shume nuk i kemi caktu kufij asnje tjetrit. Debati vazhdon dhe nuk mbaron me kaq! Pergjigjet qe do ti jap une, patjeter qe ti nuk do pajtohesh dhe keshtu do vazhdon debati. Dhe nuk dua qe te humbe rastin e te mbesin pa sqaruar disa gjera. Nje nga nje me radhe.
Une e di, te pakten ne leximin e Ku'ranit ne perkthim shqip, kuptohet se Zoti nuk e ka percaktu qe duhet falur 5 here ne dite, asku ne Ku'ran. Por kete e ka percaktu ("sqaru") Muhamedi! Pse, e qysh e tek, kjo s'ka rendesi. Eshte detyre e qdo njeriu qe ta lexoje, analizoj dhe studjoj dhe ne fund te nxjerre nje perfundim-mendim te vetin.

Me larte nder tjera thate se Ku'rani ne dallim prej librave tjere nuk i dedikohet nje populli, por te gjithe njerezimit. Ah, sikur te ishte keshtu...
Nese e lexojme Ku'ranin, me thuaj se ku, ne cilin vend qofte njehere, Zoti thote " ...O ju njerez..." A nuk thote gjithnje " O ju besimtar..."?!

nga **Interesant** prej Tue 13 Oct 2009, 12:16 am

Edhe pse isha i mendimit se mos te vazhdoj debatin perderisa nuk me sjell pergjigje, po e bej nje perjashtim me ty kete here per te te treguar se asnjehere ne jeten tende nuk e keni lexuar Kur'anin, se po ta kishit lexuar kishit me has shume here ne termin : O ju njerez ... ja disa shembuj konkret per ta vertetuar injorancen tende per Kur'anin :

2:168.

O ju njerëz, hani nga ajo që është në tokë e që është e lejuar dhe e mirë, e mos shkoni hapave të djallit se ai është armik i hapët i juaji.

4:170.

O ju njerëz, juve u erdhi i dërguari me të vërtetën (fenë e drejtë) nga Zoti juaj, pra të i besoni se është më e dobishme për ju. Po nëse vazhdoni ta refuzoni, ta dini se ç'ka në qiej e tokë është vetëm e All-llahut. All-llahu di (gjendjen e robëve), është më urti.

4:174.

O ju njerëz, juve ju erdhi nga Zoti juaj argument dhe Ne ju zbritëm dritë të qartë.

10:57.

O ju njerëz! Juve ju erdhi nga zoti juaj këshilla (Kur'ani) dhe shërimi i asaj që gjendet në krahrorët tuaj (në zemra), edhe udhëzim e mëshirë për besimtarët.

10:104.	Thuaj: "O ju njerëz, nëse ju dyshoni në fenë time, unë nuk adhuroj ata që ju i adhuroni pos All-llahut, por adhuroj All-llahun që u jepë vdekjen (ashtu si u ka dhënë jetën), dhe jam i urdhëruar të jem besimtarë (i Zotit një).
10:108.	Thuaj: "O ju jerëz, juve ju erdhi e vërteta nga Zoti juaj, e kush merr rrugën e drejtë, ai ka vetëm për veten e vet, nërsa kush e merr të shtrembëren, ai e ka humbur veten. Unë nuk jam rojë e juaj!"

22:1.	O ju njerëz, ruanu dënimit nga Zoti juaj, sepse dridhja pranë katastrofës së kijametit është një llahtari e madhe.
22:5.	O ju njerëz, nëse dyshoni për ringjalljen, atëherë (mendoni krijimin tuaj që) Ne u krijuam ju prej dheu, pastaj prej uji, pastaj prej një gjaku të ngjizur, pastaj prej një sa kafshatë mishi, që është krijesë e formuluar ose e paformuluar, në mënyrë që t'ju sqarojmë. Ndërsa atë që e dëshirojmë Ne e përqëndrojmë në mitër deri në një afat të caktuar, e mandej u nxjerrim foshnje dhe ashtu të arrini pjekurinë tuaj. Ka që dikush prej jush vdes herët, e dikush të jetojë deri në pleqëri të thellë, në mënyrë që të mos dijë asgjë nga dija që ka pasur. E ti e sheh tokën e thatë-të vdekur, e kur Ne ia lëshojmë asaj ujin ajo gjallërohet, shtohet dhe nga të gjitha llojet rritë bimë të këndshme.
22:49.	Thuaj: "O ju njerëz, unë jam për t'ua tërhequr haptazi vërejtjen.
22:73.	O ju njerëz, ja një shembull veni veshin pra: Vërtet ata që po i adhuroni në vend të All-llahut, ata nuk mund të krijojnë asnjë mizë, edhe nëse tubohen të gjithë për të, e po ashtu, nëse miza ua rrëmben atyre ndonjë send, ata nuk do të mund ta shpëtojnë atë prej saj. I dobët është edhe lutësi edhe i luturi.

31:33.

O ju njerëz, kini kujdes ndaj Zotit tuaj dhe kini frikë ditës kur prindi nuk mund t'i bëjë dobi fëmijës së vet, e as fëmija nuk mund t'i bëjë dobi asnjë send prindit të vet. Premtimi i All-llahut (për thevab ose azab) është e sigurt, pra të mos ju mashrojë jeta e kësaj bote dhe të mos ju mashrojë ndajë All-llahut djalli mashtrues.

35:3.	O ju njerëz, ruani me mirënjohje të mirat që All-llahu u dhuroi! A ka ndonjë zot tjetër që u furnizon juve nga qielli e toka? Nuk ka zot tjetër përveç Tij, e si pra, e ktheni shpinën?
35:5.	O ju njerëz, s'ka dyshim se premtimi i All-llahut është i vërtetë, pra të mos u mashtrojë juve jeta e kësaj bote dhe të mos u mashtrojë juve ndaj All-llahut ai i mashtruari (shejtani).
35:15.	O ju njerëz, ju keni nevojë për All-llahun e All-llahu nuk ka nevojë për ju; Ai është i falënderuari.
39:64.	Thuaj: "O ju injorantë, a mos më thirrni të adhuroj tjetër, në vend të All-llahut?"

49:13.

O ju njerëz, vërtetë Ne ju krijuam juve prej një mashkulli dhe një femre, ju bëmë popuj e fise që të njiheni ndërmjet vete, e s'ka dyshim se te All-llahu më i ndershmi ndër ju është ai që më tepër është ruajtur (këqijat) e All-llahu është i dijshëm dhe hollësisht i njohur për çdo gjë.

Keto jane disa nga shume versete, tani me ke sjelle medyshje se me te vertete a e di ti se si duket Kur'ani, me duket qe kur se ke lexuar !

Tani eshte rradha jote per pergjigje, mos me ndro teme, e mos me ik nga pyetjet qe ti kam bere .

nga Adonisi prej Tue 13 Oct 2009, 12:39 am

Mos bjer kaq lehte pre e provokimeve, sepse nuk te klasifikoj ( te pakten deri me tani) ne mesin e atyre njerezve qe shpejt e bejne kete dhe menjehere kalojne ne personalitet. Une, skam asgje kunder personalitet tend dhe as qe do te keme.

Ku'ranin nuk e kam ne preher dhe nuk di asnje faqe kurKu'rani mund te lexohet ne shqip. Une, e kam lexuar Ku'ranin kahere dhe gjithqka qe them ketu per Ku'ranin eshte nga ajo qe une kam kuptuar dhe kam mbajtur mend. Nuk e di permendesh! Keto qe i keni sjell si shembuj, mund edhe te jene keshtu, por jane vetem disa, e qe Ku'rani eshte shume me i madhe dhe mua ( fatkeqesisht apo fatmiresisht) me jane ngulitur vetem ato momente kur Zoti, u eshte drejtuar me "...O ju besimtar..." dhe nuk kam arritur ta kuptoje. Prandaj edhe po bej debat. Sikur te kisha kuptuar gjithqka, atehere do te dilja me nje ose tjeter mendim. Do thoja sikurse ju, se Ku'rani eshte me i miri, eshte libri i Zotit etj etj, ose do thoja nuk vlen asgje, eshte nje berllog. As njeren as tjetren nuk e kam thene deri me tani! Ketu po shoh njerez te cilet po e pranojne Ku'ranin dhe po flasin fjalet me miradije per ate, dhe po me bejne te kuptojne se nuk e kan iden se si duket Ku'rani ,por nuk po i akuzoj se pse nuk e kan lexuar, apo pse flasin pa e lexuar! Edhe une, nese e kundershtoj ne disa pika, ose thjeshte nuk pajtohem dhe bej ndonje gabim, kjo nuk te jep te drejte ty, qe te vjen ne perfundimin se une nuk e kam lexuar Ku'ranin. Ky forum nuk eshte sot per neser, besoj eshte me i gjate dhe nje dite vertetohet me mire nese keni te drejte.

nga **Interesant** prej Tue 13 Oct 2009, 12:47 am

Adonisi

Pavarsisht te gjitha atyre pyetjeve , te gjitha atyre temave qe ke, nuk ben qe te biesh ti aq poshte, duke pasur per qellim peruljen e ndonje gjeje dhe ngritjen e vetes. Te pyesesh nuk eshte turp, ndersa te gjykosh me pa te drejte eshte injorance ! - Ti kur tha me heret me gjej vetem nje vend ne Kur'an ku thote Zoti .. O ju njerez ... e shkruat ate me plot bindje se me te vertete nuk ekziston asnje vend me kete thirrje, po ja qe paska jo nje por me dhjetra, pra te keshilloj qe te lexosh pastaj te vish ne konkludime. Dija nuk ka kufi, por njeriu e ka kohen e caktuar.

Te respektoj dhe te nderoj, per ate edhe debatoj me ty, kjo nuk don te thote se te kam kundershtar dhe armik, se fundja te gjithe kemi mendimet tona, por kur shkembejm mendime eshte mire qe te kemi fakte e jo te shprehemi nga kendi qe neve na komvenon !

Me repsekt !

nga olsaaa prej Tue 13 Oct 2009, 12:50 am

Pyetja:

Selam alejkum!
Më ka ardhur shumë mirë kur e pashë këtë faqe për të bërë pyetje, që të ndihmohen të tjerët. Unë jam një djalë që kam bërë mëkate shumë dhe të ndryshme dhe po të t’i tregoja, do të trishtoheshe hoxhë, gjynahe të mëdha. Jam munduar t’i lë, disa i kam lënë dhe disa i bëj ende. Është shumë keq, se e di se janë mëkate dhe i bëj dhe njerëzit më njohin si musliman, nganjëherë u tregoj njerëzve për fenë islame. Jam lodhur, se nuk po mundem t’i lë gjynahet dhe do ta kisha vrarë veten, por e di se nuk bën dhe disa gjëra i lë, keq shumë. Me këto gjynahe më shumë më vjen turp të dal para Zotit sesa ia kam frikën dënimit të Tij. Dhe në fund hoxhë, nuk di se çka, vetëm se të tjerët të bëjnë dua për mua, që Allahu të m’i falë mëkatet, se për veten time e kam problem.
Allahu ju shpërbleftë!

Përgjigjja:

Falënderimet i takojnë Allahut, paqja dhe bekimet e Tij qofshim mbi të Dërguarin e Tij Muhamed, mbi familjen, mbi shokët dhe mbi të gjithë ata që ndjekin rrugën e tij deri në Ditën e Gjykimit.
Vëlla i nderuar, thotë i Dërguari salallahu alejhi ue selem: “Çdo bir i Ademit është gabimtar, por më i miri prej tyre është ai që gabon dhe pendohet.” Pra, bëjnë gabime, por pendohen nga ato gabime. Gjithashtu, i Dërguari salallahu alejhi ue selem thotë: “Sikur të mos gabonin njerëzit, do t’i shkatërronte Allahu ata dhe do të krijonte njerëz që gabojnë dhe pendohen.”
Muhamedi salallahu alejhi ue selem na ka treguar se “me të vërtetë Allahu gëzohet kur robi i Tij pendohet”. Ajeti kuranor që gjendet në suren Zumer thotë: “Thuaj: "O robërit e Mi, të cilët e keni ngarkuar me shumë gabime veten tuaj, mos e humbni shpresën ndaj mëshirës së Allahut, pse Allahu i falë të gjitha mëkatet, Ai është që shumë fal dhe është mëshirues!” (Zumer 53)
Në gjithë këto argumente u përmend pendimi, po a thua vallë si bëhet ai dhe çfarë kushtesh ka?
Për t’u penduar kërkohen disa kushte nga ai që pendohet, si :
1. të largohet nga ai mëkat,
2. të zotohet për të mos u kthyer më në atë mëkat,
3. të bëhet pishman për mëkatin e bërë,
4. nëse mëkati i tij është i lidhur me ndonjë zullum të bërë ndaj njerëzve, atëherë obligohet t’ua kthejë atyre atë të drejtë (nëse i ke marrë ndonjë gjë, ia kthen atë),
5. të jetë pendimi para gargarës (para se të shtrihet për vdekje).

Përmes luftimit që i bën robit të Allahut subhanehu ue teala, shejtani shpesh e mund dhe e shtyn ta prishë pendimin e tij, por Allahu subhanehu ue teala e ka lejuar, madje jo vetëm që e ka lejuar, por na ka udhëzuar që sa herë që robi i Tij e thyen pendimin, ta ripërtërijë atë.
Kurse fjala jote se të vjen turp të dalësh para Allahut, por se nuk frikësohesh nga dënimi i Tij është fjalë jo e mirë, por ti duhet të thuash se ke turp nga Ai dhe gjithashtu ke frikë nga dënimi i Tij, sepse kjo është pjesë e besimit musliman.
Dhe së fundi, e lus Allahun Fuqiplotë të të mundësojë të largohesh nga ato mëkate dhe të bëhesh prej robërve të devotshëm të Tij. Të porosis të veprosh vepra të mira, se veprat e mira i fshijnë të këqijat, bazuar në hadithin e të Dërguarit salallahu alejhi ue selem: “Pasoji veprat e liga me ato të mira, në mënyrë që të fshihen ato (të ligat).” Gjithashtu, të këshilloj që të zgjedhësh një shoqëri të mirë dhe të devotshme, në mënyrë që të të lehtësohet largimi nga mëkatet. Thotë i Dërguari ynë salallahu alejhi ue selem në një hadith të vërtetë: “Shembulli i shokut të mirë dhe atij të keq është sikurse shoku që punon me parfum ose i atij që është farkëtar. Nga ai që shet misk (parfum) ose do të blesh misk, ose së paku do të gjesh erë të mirë, kurse farkëtari ose do të ta djegë trupin ose rrobën tënde, apo së paku do të gjesh erë të keqe.” (Transmeton Ebu Musa el Eshariu, hadithi është i vërtetë në Sahihun e Buhariut)
Allahu e di më së miri.

nga Adonisi prej Sat 17 Oct 2009, 2:09 pm

interesant shkruajti:Adonisi

Pavarsisht te gjitha atyre pyetjeve , te gjitha atyre temave qe ke, nuk ben qe te biesh ti aq poshte, duke pasur per qellim peruljen e ndonje gjeje dhe ngritjen e vetes. Te pyesesh nuk eshte turp, ndersa te gjykosh me pa te drejte eshte injorance ! - Ti kur tha me heret me gjej vetem nje vend ne Kur'an ku thote Zoti .. O ju njerez ... e shkruat ate me plot bindje se me te vertete nuk ekziston asnje vend me kete thirrje, po ja qe paska jo nje por me dhjetra, pra te keshilloj qe te lexosh pastaj te vish ne konkludime. Dija nuk ka kufi, por njeriu e ka kohen e caktuar.

Te respektoj dhe te nderoj, per ate edhe debatoj me ty, kjo nuk don te thote se te kam kundershtar dhe armik, se fundja te gjithe kemi mendimet tona, por kur shkembejm mendime eshte mire qe te kemi fakte e jo te shprehemi nga kendi qe neve na komvenon !

Me repsekt !

Kur une dua te perul dike, nuk e beje ne kete menyre sikurse me ty. Perkundrazi, ty, dhe disa te tjere qe beje me shume se 3 replika ne nje tem, atehere duhet ta kuptoni se perkunder mendimeve te kunderta qe kemi, u vlersoje aq sa duhet dhe asnjehere nuk mendoj ta lartesoje veten. Nese te kam bere nje pyetje ne ate menyre, apo them diqka tjeter me aq bindje, kjo eshte nje lloj diplomacie, e cila me sherben mua qe ti nxis te tjeret qe te japin maksimumin e tyre ne debat, asgje tjeter.

Ne gjithe ato pyetje qe m'i keni bere, do te pergjigjem shume shkurte. Jam nga ata qe e pranon shkencen dhe qdo argument shkencore per gjithqka. Por, kjo nuk dmth qe kam urretje per njeren apo tjetren fe. Perkundrazi, kam sinpati per disa njerez fetar, te cilet din te jene fetar dhe njekohesisht ndjeje keqardhje ( asgje me shume) per disa njerez te tjere fetare, te cilet jane shume naiv! Njejte kam sinpati edhe per qdo fe, dhe gjerat e mira qe i ka cila do fe, i pranoje ( psh, ne Ku'ran, folet shume per njeriun, per pastertin e tij dhe edukaten dhe miresjelljen me te tjeret). Perndryshe, feja dhe shkenca sipas meje qe te dyja i kan sherby dhe i sherbejne njerezimit. Por, dallimi eshte se, sot kur teknologjia ka arritur aq shume, nuk me duket e drejte qe te vazhdojme te udhetojme me kuaj, perderisa kemi mundesi te udhetojme me makina te ndryshme! Pra, kuajt eshte mire t'i ruajme me xhelozi si diqka qe na kan sherby, por njekohesisht duhet ta pranojme realitetin e sotem, qe te udhetojme me ate qe na ofron teknologjia e sotit.
Gjithnje sipas mendjes sime. Respeckte!

nga **Interesant** prej Sat 17 Oct 2009, 4:40 pm

Adonisi

Njerezit jane te ndryshem dhe mendimet e kuptimet e njerezve dallojne. Per ate sa here qe deshiron nje njeri te dije se cfar ne te vertete urdheron nje fe perkatese, atehere nuk duhet nisur nga persona te caktuar, por duhet te shiqojne fillimisht Argumentet dhe cfar me saktesisht posedon ajo , ne menyre qe ne fund te marrim ndonje perfundim. Edhe Feja edhe Shkenca i kontribojne njera tjeres padyshim, dhe eshte mese e ulet nese sot dikush ngritet dhe thote : Ne duhet te udhetojme me Kuaj apo Deve e jo me mjete udhetimi te kohes moderne ! - Ky mendim eshte nje prapambeturi injorante, dhe personi i tille duhet te futet ne muze te ruhet si thesar i kohes se gurit !

Dituria nuk miret nga shiqimi ne te tjeret, por nga leximi ku eshte e shkruar, padyshim se edhe me shiqim njeriu meson shume, por kjo nuk eshte gjeja primare, por nje dituri plotesuse.

Me respekt !

nga Vizitor prej Sun 18 Oct 2009, 10:26 pm

Te besosh ne zot me verberi pa e pare, po vetem duke lexuar libra te shenjte dhe ne pritje te mrekullive nga lart eshte e sigurt qe nje dite do lekundet besimi.Ndoshta ne nje skute te erret te shpirtit te cdo njeriu fle kjo, po sigurisht qe nje do te do te zgjohet.Besimi si cdo gje nuk eshte i perjetshem.

nga **Interesant** prej Mon 19 Oct 2009, 10:03 am

Arla

Me kete text qe po e shkruaj tani e ke pergjigjen e asaj qe ke shkruar, kete text ka kohe qe e kam pas vendos ne nje forum tjeter , ka te beje me temen :

Ne nuk po dim me te pergjigjemi, sepse kemi harruar si pyetet. Nuk po e shohim me te verteten si qielli mbi det,sepse po shikojme pa menduar per syte,e syte shohin shume, por jo vehten.
Ne mes te shkretetires eshte lodhur nje deve duke bartur uje mbi shpinen e saj dhe po vdes nga etja, ndoshta edhe peshku do vdiste sikur te ngopej me uje, e uji lage gjithcka pervec vehtes.

Kam qeshur pa e kuptuar pse erdha ne kete bote duke qare,kam qare pa e kuptuar pse kam qeshur symbyllur ne djep,e dua dhimbjen qe me zgjoj nga gjumi i jetes, i asaj jete te cilen nuk do te doja te ishte e imja, sepse, kafazi sado qe te jete i gjere prap kafaz eshte.

Duke u mahnitur se po i dallojme te gjitha ngjyrat,harruam te mendojme per driten qe na mundesoi dallimin. Ne rrugen e pishtarit ndriques ka drite per te gjithe ata qe nuk i mbyllin syte para saj. Drites nuk i duhet dikush te deshmoi qe ajo ekziston,sepse ajo deshmon per vehten, prandaj, ka kohe qe nuk po dim te pergjigjemi se kemi harruar se cdo pyetje ka brenda saj edhe pergjigjen.
Nese jeton si ishull ne mes te detit te pa ane, nje dite do te vijne anijet te zbarkohen tek ti, sepse nuk kan ku tjeter. Ne rruget e jetes mund te ecin mire vetem ata qe din ku te shkojne. Ata qe nuk din te ngrohen digjen, digjen pa menduar se zjarri djeg gjithcka pervec vehtes.

Duhesh ta pranosh tri here qe je i pa dishem, per ta kuptuar se padituria eshte semundje pa dhimbje, por me e dhimbshmja, duhet te shkurorzohesh tri here nga kjo bote, per ta kuptuar se kjo i ngjan nje plake e cila eshte fshehur nen vellon e nuserise.
Kur ndjehesh i vetmuar ne mes qiellit dhe tokes,mendo, si ndjehen qielli dhe toka qe te kan ne mes. Toka s'eshte e jotja, por ti je nga toka, prandaj, thuaj ballit le ta puthe token dhe atehere do ta ndiesh dashurine e qiellit. Nese mendja nuk mund ta qetesoi zemren, atehere thuaj zemres le ta qetesoi mendjen, sepse ate qe kerkon mendja e gjen zemra.
Te gjitha vitet qe shkuan i takojne vdekjes. Cdo perendim i djellit eshte po lindje e tij, nese nuk don ta humbasesh kohen, lutju Atij qe eshte betuar ne te.

- O Zot me jap aq mend, ta kuptoj sa i pa mend qe jam.
- Me jap aq dije, ta kuptoj sa i paditur qe jam.
- Me jap aq force, ta kuptoj sa i pa fuqishem qe jam, e kur te ngadhenjej mbi toke,me bej te mos harroj se prap do te behem toke.
- O Zot une qe te kam vetem Ty, i shikoj me dhimbje te gjithe ata qe kane gjithcka ,pervec Teje, e cfar mund te ken ata pervec Teje?! O Zot.

nga Vizitor prej Tue 20 Oct 2009, 10:41 am

Ne librin "Spektakli i natyres" kryemurgu i thote kaloresit se yjet jane krijuar per token , ndersa toka dhe kafshet per njeriun.Por, meqense rruzulli i vogel i tokes vertitet bashke me planetet e tjere rreth diellit, meqense levizjet e rregullta dhe harmonike te yjeve mund te vijojne dhe pa pranine e njerezve, meqense ne plantin tim te vogel ka me shume sesa shembylltyrat e mia, mendoj se kryemurgu ishte pak si teper sederli kur mendonte se toka ishte krijuar per te. kam vene re se nese njeriu nuk mbrohet , gllaberohet nga te gjitha kafshet dhe se ato e gllaberojne dhe pas vdekjes se tij.E kam pasur te veshtire te kuptoj sesi krymurgu dhe kaloresi mund te ishin mbreterit e natyres.

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31