Para të huajve, bëhet më i vogël se kokrra e grurit"

Kompleksi i inferioritetit i përfaqësuesve tanë politikë, është një përmasë që duhet të marrë parasysh në të gjitha skandalet që kanë burim raportet e Shqipërisë me vendet e tjera.

Për shkak të mënyrës si i përzgjedhim njerëzit (militantë ose fisnorë) administrate jonë është nën nivelin e duhur për të komunikuar si e barabartë me një homolog të huaj.
Shtoji kësaj edhe faktin që në ndërgjegjen tonë është mbartur një lloj respekti i tepruar ndaj të huajit, në atë masë sa gjithkushi na duket burrë i mirë dhe shumë i rëndësishëm, vetëm se ka një emër anglosakson.

Edhe kryeministrat tanë nuk kanë bërë përjashtim. Sali Berisha ka qenë dikur disi më nacionalist, dhe në vitet e para, unë e kam votuar, pikërisht sepse dinte t'u fliste si i barabartë së paku fqinjëve tanë.

Por, ai me sa duket u dogj nga qulli në '97-n dhe tani i fryn dhe kosit. Jo grekëve që nuk bëhet fjalë t'u kërkojë reciprocitet, por me sa po vërej, ashtu si edhe paraardhësit e tij, Berisha po e kthen në normë një sjellje të padenjë për postin që mban.

Ndaj shqiptareve, ka raste që sillet si gangster i dorës së parë. P.sh i kërcënohet me VRASJE ditën për diell, publikisht, midis Parlamentit T.Ballës! Kurse para të huajve, qofshin ata edhe të Indisë apo Bangladeshit, bëhet më i vogël se kokrra e grurit!.