Përgojimi

Autor: Muhammed el-Kudri
Shkëputur nga libri: "Kodi Social dhe Moral në Islam"


Përgojim do të thotë të gojosësh dikë, të flasësh keq për dikë. Mund të definohet edhe si të flasësh keq për dikë që nuk është prezent. Me fjalë të tjera, përgojimi gjen shprehjen kur thoni diçka keq për dikë që nuk është prezent e që në prezencë të tij nuk do ta kishit thënë.

Përndryshe, domethënia e përgojimit është shpjeguar më së miri nga vetë Pejgamberi, alejhi selam. Kur është pyetur se çka është përgojimi, Pejgamberi, alejhi selam, është përgjigjur: "Diskutimi yt në lidhje me vëllanë tënd (në mungesë të tij) për ndonjë gjë që atij s'i pëlqen!" Ai qe pyetur prapë: "Na trego, nëse ajo e thënë është e vërtetë te vëllai im?", kurse Pejgamberi, alejhi selam, ia pati kthyer: "Nëse ajo çka thua gjendet te ai, ajo është përgojim; nëse nuk gjendet, ajo është shpifje!" Sipas Islamit, përgojimi është një nga mëkatet më të mëdha, për sa i përket gjuhës. Me fjalët e Kur'anit, përgojimi është sikur të hash mishin e vëllait tënd të vdekur dhe, kështu, ai (përgojimi) duhet të urrehet, ashtu sikurse urrehet të hahet mishi i vëllait të vdekur.

Pejgamberi i Islamit thoshte se përgojimi është më i keq se kurvëria, meqë kurvëria mund ta falet, pra Allahu mund ta falë kurvarin/kurvaren, por s'ka falje për përgojuesin (nga ana e Allahut [shën. i përkthyesit]), derisa të falet nga vëllai i vet që është dëmtuar.

Një herë, Pejgamberi, alejhi selam, ca personave që u patën falur dhe që patën agjëruar u tha që ta përsërisin abdestin e namazit si dhe të agjërojnë disa ditë të tjera (në vend të atyre), për arsye se kishin përgojuar. Në natën kur Pejgamberi, alejhi selam, u ngjit në qiej (në Natën e Miraxhit), pa njerëz që po gërvishtnin gjoksin dhe fytyrën me thonjtë e tyre prej bakri. Xhibrili, alejhi selam, i pati treguar, më pas, se ata patën qenë përgojues. Gjithashtu, Pejgamberi, alejhi, selam, është transmetuar të ketë thënë se përgojuesi asnjëherë nuk do të hyjë në Xhennet.

Pse, vallë, përgojimi është aq shumë i urrejtur në Islam? Arsyeja është shumë e thjeshtë. Gjaku, pasuria dhe nderi i muslimanit është e paligjshme për muslimanin tjetër. Përgojimi është krim kundër nderit të muslimanit dhe, kështu, është veprim tejet i përbuzur. Është thënë se kamatëria më komplekse është prolongimi i gjuhës ndaj së keqes që është bërë padrejtësisht, për sa i përket nderit të muslimanit. Përgojimi është shkelje e të drejtave bazike njerëzore dhe se personit që i është shkelur kjo e drejtë ka të drejtë që të hakmerret ose t'i kompensohet. Sipas Islamit, kjo i përket sferës së të drejtave të robërve, të njerëzve mes vete (hukukul ibad), për të cilat Allahu nuk fal. Përgojuesi mund të falet vetëm nga personi i dëmtuar dhe, nëse nuk falet, ai duhet t'ia kthejë hakun me çdo kusht.



Argumente nga Kur'ani

1) "O ju që keni besuar, largohuni prej dyshimeve të shumta, meqë disa dyshime janë mëkat dhe mos hulumtoni për zbulimin e të metave të njëri-tjetrit, dhe mos përgjoni njëri-tjetrin; a mos ndonjëri prej jush dëshiron të hajë mishin e vëllait të vet të vdekur? Atë, pra e urreni! Kini frikë nga ndëshkimi i Allahut, e Allahu është Mëshirues, Ai pranon shumë pendimin!" (Kur'an, 49: 12).

2) "Mjerë për secilin që shpif e përgojon!" (Kur'an, 104: 1).



Argumente nga Sunneti

1. Enesi (Allahu qoftë i kënaqur prej tij!) rrëfen se Pejgamberi, alejhi selam, ka thënë: "Kur Zoti më ngriti në qiej, kalova pranë ca njerëzve që kishin thonj të bakërt dhe po e gërvishtnin fytyrën dhe gjoksin e vet. E pyeta Xhibrilin se kush ishin ata, e ai më tha ata ishin që kanë qenë të dhënë pas përgojimit dhe që spërkatnin në nderin e njerëzve (që shpifnin në nderin e njerëzve [shën. i përkthyesit])!" [Shënon ebu Davudi]

2. Ibën Abbasi (Allahu qoftë i kënaqur prej tij!) e falën drekën (ose ikindinë), përderisa patën qenë edhe duke agjëruar. Kur e përfunduan, Pejgamberi, alejhi selam, u tha: "Përsëriteni abdestin tënd dhe prisheni agjërim tuaj dhe bëjeni atë në ndonjë tjetër ditë. Më pas, ai qe pyetur: "Pse, o i Dërguar i Allahut?" Ai u tha: "Ju keni përgojuar filanin!" [Shënon Bejhakiu]

3. Ebu Sejidi dhe Xhabiri (Allahu qoftë i kënaqur prej tyre!) rrëfejnë se Pejgamberi, alejhi selam, thoshte: "Përgojimi është më i keq se kurvëria!" Ata pyetën: "O i Dërguari i Allahut, si mund të jetë përgojimi më i keq se kurvëria?" Ai iu përgjigj: "Njeriu bën kurvëri dhe pastaj pendohet, kështu që Allahu i Lartësuar ia fal, por përgojuesi nuk është i falur derisa vëllai i tij nuk ia fal!" E në një transmetim të Enesit thuhet: "Zinaqari pendohet, por sa i përket përgojuesit, nuk ka shfajësim për të!" [Shënon Bejhakiu]

4. Ebu Hurejra rrëfen se Pejgamberi, alejhi selam, ka thënë: "A e dini që të gjithë se çka është përgojimi?" Ata u përgjigjën: "Allahu dhe i Dërguari i Tij e dinë më së miri!" Ai, alejhi selam, tha: "Të biseduarit rreth vëllait tënd për një gjë që ai s'do ta pëlqente!" Ai qe pyetur: "Na informo se çka është puna, nëse ajo që e them gjendet te vëllai im?" Ai tha: "Nëse ajo që e thua gjendet te ai, ajo do të konsiderohej si përgojim ndaj tij, e nëse ajo që thua nuk gjendet te ai, atëherë kemi të bëjmë me shpifje!" [Shënon Muslimi]

5. Ibën Omeri (Allahu qoftë i kënaqur prej tij!) rrëfen se Pejgamberi, alejhi selam, ka thënë: "Edhe dëgjuesi i përgojimit është një nga përgojuesit!" [Shënon Tibrani]

6. Abdullah ibën Mes'udi (Allahu qoftë i kënaqur prej tij!) rrëfen se Pejgamberi, alejhi selam, ka thënë: "Të gojosësh një musliman është mëkat, kurse të luftosh me të është pabesi!" [Shënon Buhariu dhe Muslimi]

7. Enesi (Allahu qoftë i kënaqur prej tij!) rrëfen se Pejgamberi, alejhi selam, ka thënë: "Shpagimi për përgojimin është t'i kërkosh falje atij që e ke përgojuar, duke thënë: "O Allah, falna ne dhe atë!"" [Shënon Bejhakiu]

8. Hudhejfe (Allahu qoftë i kënaqur prej tij!) rrëfen se Pejgamberi, alejhi selam, ka thënë: "Përgojuesi kurrë nuk do të hyjë në Parajsë!" [Shënon Buhariu dhe Muslimi]

9. Abdurrahman ibën Genami (Allahu qoftë i kënaqur prej tij!) rrësen se Pejgamberi, alejhi selam, ka thënë: "Robërit më të mirë të Allahut të Lartësuar janë ata që, kur t'i shohësh, ta përkujtojnë Zotin; ndërkaq, robër më të këqinj janë ata që shpifin e që krijojnë diferencime ndërmjet njerëzve të ndershëm!" [Shënon Ahmedi dhe Bejhakiu]

pergojimi esht nje nder te metat me te keqia te njeriut, siq i ceki disa CITATE te ajeteve KURANORE--KLEA-
denimi per keta persona do te jet edhe ne kete bot edhe ne boten tjeter, andaj nje njeri me moral te mirfillt nuk mendoj qe do te pergojonte sepse pergjimet lendojn shum njerz personin qe flet, personin per te cilin flitet vetene shum te tjer andaj


STOP-PERGOJIMEVE

Nuk keni pse shqetesoni per kete dukuri, pergojimi vjen nga njerez pa jete personale, ata jetojne me jetet e te tjereve sepse jeta e tyre nuk eshte si e atyre, pra jane ziliqare dhe te papune.Cfare mund te bej nje njeri qe jeta e tij / saj ka marr fund brenda 4 mureve.I ngelet nje dritare e vogel per te ndjekur levizjet e jetes ne rruge dhe te percmoj pikerisht para rruges ku shtrihet hapesira qe kundrojne syte e tij/ saj.Imagjinoni sa i madh eshte mllefi qe mblidhet ne shpirtin e spektatorit qe veprimet e tij/saj e kane bere vetem nje ndjekes gjysmak.Ai mllef qe merr formen e nje grushti do ju godas, nese ju ecni afer shume me dritaren po pertoke nuk do ju hedh dot, keshtu vazhdo ec.

Fatekeqesisht dikush me pak e dikush me shume por gati te gjithe pergojojme dike. Qe padyshim eshte nje veper shume e keqe. Ne ditet e sotme degjojme shpesh kur biseda fillon te marr kahjen e pergojimit, ne kete moment shumica prej nesh themi "cka ben, per veti e ben", por te mos shtiremi engjuj para ose pas monitorit te pc sepse pa dashje na ndodhe qe edhe ne te pergojojme per dike.

pergojimi eshte urrejtja ime mo e modhe