Burg të përjetshëm për Harun Aliun dhe dy të tjerë

Gjykata me dënime drakonike

Burg të përjetshëm për Harun Aliun dhe dy të tjerë

Burg të përjetshëm për Harun Aliu i njohur me nofkën “Kushtrimi”, gjatë konfliktit të vitit 20010 dhe njëherësh kryetar i subjektit politik Alternativa Kombëtare. Me burg të përjetshëm janë dënuar edhe Ismail Hakemi dhe Bashkim Bajrami të akuzuar për vrasjen e policit të Njësitit të “Tigrave” Zoran Markovski para dy vitesh në lagjen “Autokomandë” të Shkupit. I akuzuari i katërt Bekim Dardhishta është dënuar me tre vjet heqje lirie për shkak se “ka pasur dijeni për sulmin ndaj xhipit të policisë”. Nga këto katër persona policia arrestoi dy prej tyre, ndërsa Aliu dhe Bajrami janë në arrati. Avokatët vlerësojnë se nuk ka pasur fakte për dënimin e rëndë. Njërit prej të akuzuarve i është marrë deklaratë pa avokat, që është në kundërshtim me ligjin, u ankuan mbrojtësit. “Nuk ekzistojnë kurrfarë argumente që të shqiptohet një dënim i tillë e as në sistemin normal juridik. Nuk i sulmoj gjykatësit, ata kanë vlerësimet e tyre. Në shtete tjera akuza hedhet poshtë për shkak se nuk ka asnjë argument”, deklaroi Vencisllav Gushev. Pas shqiptimit të dënimit në sallën e gjykatës ka mbretëruar atmosferë e tensionuar e shkaktuar nga të akuzuarit dhe familjarët e tyre. Sipas aktakuzës të dënuarit “e kanë sulmuar xhipin në të cilin kanë qenë duke lëvizur policët, në shenjë hakmarrjeje për aksionin e policisë në Brodec”. Zoran Markovski ka mbetur i vdekur në këtë sulm, ndërsa dy kolegë të tij janë plagosur.