Qeveria e Kosovës ka filluar përgatitjet për Festën e Pavarësisë

nga Anhela prej Sun 07 Feb 2010, 2:05 pm

Nisin përgatitjet për Festën e Pavarësisë

Qeveria e Kosovës ka filluar t’i bëjë përgatitjet për festimin e dyvjetorit të shpalljes së pavarësisë së Kosovës. Më 17 shkurt të këtij viti, përveç aktiviteteve të tjera, do të mbahet edhe një seancë solemne e Kuvendit të Kosovës

Zëdhënësi i Qeverisë, Memli Krasniqi, ka thënë për Kosovapress se nuk do të shpenzohen mjete të shumta për aktivitetet e organizuara.

Në vazhdën e përgatitjeve për shënimin e dyvjetorit të pavarësisë së Kosovës, sipas Krasniqit, Ministria e Arsimit në bashkëpunim me drejtoritë komunale të Arsimit ka hapur një konkurs të vizatimeve për fëmijë, nga klasa e gjashtë deri në klasën e nëntë.

Ai ka bërë të ditur se kjo garë ka për qëllim përzgjedhjen e 200 vizatimeve, të cilat do të dërgohen në kancelaritë më të rëndësishme të shteteve të ndryshme, për të treguar se Kosova ka mbushur dy vjet dhe se gëzimi, në radhë të parë, u takon gjeneratave të reja.

“Nuk është ndonjë shpenzim i madh, normalisht që për pjesën e aktiviteteve me fëmijë është përkujdesur MASHT’i, bashkë me drejtoritë komunale, ndërsa seanca solemne dhe pjesa argëtuese, do të kushtojnë në mënyrë simbolike. Do të jetë edhe një pjesë e organizimit nga kompania ‘Saatchi-Saatchi’, e cila e ka kontratën për t’u marrë me çështjet e brendimit të Kosovës”, ka thënë zëdhënësi Krasniqi.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29