Beogradasit e rinj i denojne krimet kunder shqiptareve

Iniciativa e të rinjve për të drejtat e njeriut ka organizuar të enjten në Beograd një protestë dyorëshe, me të cilin ka shënuar përvjetorin e krimeve të shkaktuara nga pushteti i atëhershëm serb kundër shqiptarëve në Kosovë, gjatë marsit dhe prillit të viti 1999.

Aktivistët e asaj organizate, në rrugën “Knez Mihajllova”, afër Fakultetit Filozofik, ka vendosur në tokë mbulesë të kuqe, si simbol të gjakut të viktimave. Në afërsi gjendet edhe Batajnica, në të cilën janë gjetur disa varreza masive, ku ishin varrosur trupat e shqiptarëve nga Kosova.
Përfaqësuesi i Iniciativës së të rinjve për të drejtat e njeriut, Nenad Obradoviq tha për agjencinë “Beta” se qëllimi i aksionit është të rikujtojë tentimin e pastrimit etnik të shqiptarëve në Kosovë nga pushteti i Slobodan Milosheviqit, gjatë sulmeve të NATO-s më 1999. Aktivistët e kësaj Iniciative u kanë shpërndarë qytetarëve pamflete me të dhëna të hollësishme mbi krimet e bëra ndaj shqiptarëve të Kosovës.