TV-ja kërcënon shëndetin e fëmijëve

nga Princesha prej Mon 05 Apr 2010, 5:02 pm

TV-ja kërcënon shëndetin e fëmijëve

Shikimi televizionit nga
ana e fëmijëve, sipas disa zbulimeve më të reja, është i lidhur me një morri
problemesh të shëndetit mental dhe mjekësor.
Duke analizuar rezultatet e 35 studimeve të ndara, psikologu Aric Sigman, ka
gjetur 15 pasoja negative të lidhura me intervalet e gjata të qëndrimit përballë
ekranit, përfshirë miopinë, diabetin, autizmin dhe Alzheimerin.
Raportet tregojnë se koha e përcjelljes së televizionit dhe vitet në të cilat
fëmijët fillojnë të shohin TV, ndikojnë në shëndetin e tyre më shumë se sa
përmbajtja e vet programeve.
“T’i lejosh fëmijët që vazhdimisht të shikojnë këtë lloj ekrani medial është
një heqje dorë nga përgjegjësia prindërore, nga kontrolli i vërtetë prindëror”,
këshillon Sigman.
Në mesin e efekteve negative që ka televizori, është reduktimi i hormonit
melatonin, që mund të shpejtojë zhvillimin e pubertetit dhe të çrregullojë kohën
e organeve të brendshme të trupit, duke i bërë fëmijët të ngadaltë.
Së fundi, sipas një studimi tjetër, rreth një e treta e fëmijëve kanë
televizor në dhomën e tyre që në moshën tre vjeçare ose edhe më herët.

TV-ja ndikon në trashjen e fëmijëve
Kur fëmijët qëndrojnë gjatë para televizionit humbin kohën, por edhe
shëndetin e tyre. Nëse prindërit i kushtojnë më shumë kohë këtij ndryshimi,
atëherë ata kontribuojnë në shëndetin e fëmijëve të tyre.
Qëndrimi para televizionit ose kompjuterit, video lojërave dhe shikimi i
filmave për një kohë të gjatë mund të lidhet edhe me trashjen, formën e dobët të
trupit dhe kolesterolin e lartë.
Fëmijët të cilët rijnë para televizionit, kanë prirje të konsumojnë më pak
fruta dhe perime, ndërsa më shumë ushqime të thata dhe pije të gazuara që do të
thotë më shumë kalori.
Mbi të gjitha, mesatarja e reklamave që një fëmijë i sheh në televizion arrin
në 20.000 gjatë një viti, pjesa më e madhe e të cilave reklamojnë produktet me
përmbajtje të drithërave, karamele dhe pije të gazuara, sikurse dhe ushqime të
paketuara, të cilat ndikojnë në zgjidhjen e tyre për ushqim.
Fikja e televizori mund të jetë zgjidhje optimale, por kur kjo nuk është e
realizueshme atëherë duhet të mësohemi t’ua kufizojmë kohën para televizorit,
kompjuterit dhe video lojërave deri në dy orë në ditë. Fëmijët gjithashtu kanë
nevojë për aktivitete të cilat stimulojnë zemrën.

Disa këshilla për rregullimin e kohës së qëndrimit të tyre para
TV-së:
* Planifiko: bëj zgjedhjen e programeve bashkë më fëmijën dhe fike
televizorin para se të fillojë një program apo emision tjetër. Ose zgjedhe një
DVD ose një video lojë duke rënë dakord për kohën e limituar.
* Shikoni TV së bashku: ndihmojini fëmijës të kuptojë se çfarë po shikon
dhe dëgjon, për shembull reklamat apo tekstet e këngëve.
* Fshiheni telekomandën: është e vështirë të kalosh nëpër kanale
televizive pa telekomandë.
* Ule numrin e televizorëve: lejo vetëm një ose më së shumti dy në
shtëpi. Mos lejo asnjë në dhomë të fjetjes ose afër dhomës së ngrënies.

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31