SERIA A/ Roma hap fals drejt titullit, mundet 1-2

Roma
ka bërë një hap fals në luftën për titullin e Serie A, pasi është
mposhtur në Olimpico nga Sampdoria, me rezultat 1-2, për të mbetur në
vendin e dytë, me dy pikë më pak se lideri Inter që do t’i prijë sërish
Kampionatin italian. Kapiteni legjendar Francesco Totti kaloi vendasit
në epërsi (14’), kur pas një pasimi të Mirko Vucinic, shënoi me këmbën e
majtë, dhe me epërsi minimale të Giallorossëve përfundoi pjesa e parë.
Megjithatë
në pjesën e dytë gjenovasit barazuan. Ishte Giampaolo Pazzini, i cili
pranoi një krosim të bukur të Antonio Cassanos, për të baraspeshuar
ndeshjen (52’).
I njëjti lojtar u përkujdes për t’ia përkeqësuar
punët Romës, duke shënuar edhe golin e dytë dhe të fitores për
Sampdorian, pesë minuta pa përfunduar koha e rregullt.
Kjo humbje e
sheh Romën në pozitën e dytë kur kanë mbetur edhe tre xhiro për t’u
zhvilluar. Ndërkohë, Sampdoria mban vendin e katërt me dy pikë më shumë
se Palermo, për të shpresuar që sezonin e ardhshëm të luajë në Ligën e
Kampionëve. /Telegrafi/

Na zhgenjeu

Geri ngushllime per titullin.

Besi shkruajti:Geri ngushllime per titullin.

Arla na ka bo me lot ne sy kjo humbje

Po besi ngushellime mire thuaj,nuk me bojn duart per per asnji gje,smund tu dal me shokve te mi Interista para pasi mund te degjoj lloj e soj llafesh kishem 23 jav pa humbje kjo e sotmja ish nji goditje tmerresisht e madhe per Romen tone te dashur.

Geri ngushllime mendova per humbjen dhe jo per titullin.Matematikishte ekzistone mundesia dhe kur kesaj t'i shtojme mrekullin,gjithecka eshte e hapur.Mos harro se Interin e pret nje ndeshje ne kete mes jave,ku mundesit jane te medhaja se nga kjo ndeshje pervec se te humbe,gjithashtu edhe te pesoj debakel dhe te c'orientohet dhe mos te vij ne vete deri ne shtator