Poezi Islame

Mos tradhtoni

Besnik JAHA

Një fjalë në qoftëse thua
Qëndroji prapa dhe mbaje
Qoftë dikujt tjetër a mua
Po s’e mbajte, më mirë shaje

Nëse i premton ndokujt
Një shërbim qoftë a një fjalë
Mos thuaj, borxh s’i kam kujt
Po po, ke borxh premtimin, o djalë

Po që se të kanë premtuar
Çfardo qoftë, s’ka rëndësi
E pas premtimit s’i kanë qëndruar
Kjo, po , është jobesnikëri

Në jetën tonë bashkëkohore
Sot për sot fjala nuk mbahet
S’shprehet asnjë diatëze, pos mohore
Vallë, miku ndryshe si shahet

Prandaj, o njerëz, zgjohuni
E mos tradhtoni me dëshirë
Të tradhtuar kur ishit kujtohuni
Vërtetë s’ju erdhi aspak mirë

Fjalën mbajeni, më dëgjoni
Se askush për ju s’e tha
Premtimin e dhënë zbatojeni
Për ju fjalë askush nuk dha

Kështu që kujdes kini
E mos vazhdoni me tradhti
Më mirë të qetë të jeni
S’janë të mira këto veti

S’mund të kërkoj drejtësi

Besnik JAHA

Flas
Thërras
Pëlcas
E askush s’më dëgjon
Sillem posht e lart pa shkas
Mos dikush më ndihmon

E pres
Nuk vdes
Po mbes
Në këtë jetë plot vrerë
Pa arsye të kem shpresë
I gatshëm venat për t’i prerë

Por dëgjoj
Nuk shpejtoj
Veç mendoj
Se kjo botë është një përrallë
Ku Katallarit duhet t’i kërkoj
Të derdh lot dhe për mallë

Por rri
Pse, s’e di
Ujë s’pi
I etur shumë për drejtësi
Si për ujë një mullingji
Që ka ujë e s’mund t’pi

E kërkon
Se s’posedon
Një migrofon
Me të para botës të shprehet e flas
Për padrejtësitë që përjeton
E që e kanë lënë shumë pas

Shoku i mirë

Hamid Fetahu

Isha i vetëm, por nuk mbeta;
U shoqërova me shumë njerëz.
Nga të gjithë,
Asnjë mik nuk gjeta!
Mu desh pak kohë
Të kuptoj se kjo është e vërteta;
Por, iku koha e unë i vetëm mbeta.
Më pyesin: “Si jeton pa shoqëri?”.
U them: “Jam i verbër.
Pse s’më pyet a do sy?”

Të kërkosh shok të vërtetë
Ndalu e mendohu çfarë je vet.
Pastaj, ngre duart lart,
Kërko shok i cili ty të takon

Shoku i mirë lehtë-lehtë fitohet
Por vështirë mbahet.

Po deshe ta dish se çfarë shoku ke
Këtë gjë ta thotë puna e vetë.

Gjatë gjithë kohës që jeni shokë
Vallë, këshilluat njëri tjetrin:
Ç’është e drejtë,
Ç’është gabim?;
Apo thatë:
“Kjo është për stilin tim.”

Shoku nuk është i mirë kur ndihmë të ofron
Vetëm e vetëm atëherë kur i kërkon;
Por, të qorton atëherë kur nuk punon.