`Te ndjesh` dhimbjen e huaj

Studiuesit kanë dëshmuar se çdo i treti person e ndien sikletin fizik kur e sheh se dikush tjetër ka dhimbje, ndërsa ky zbulim deri diku e sqaron atë se pse disa njerëz janë më të ndjeshëm se të tjerët. Dr. Stjuart Derbashajr, psikolog në Universitetin e Birmingemit, ka ardhur deri te ky zbulim pasi ka kryer studim në 123 studentë që kanë shikuar video-xhirime dhe foto të pacientëve dhe yjeve sportivë në situata të dhimbshme.
Studentët kanë mundur të shohin thyerjet e këmbëve të futbollistëve, tenistëve që kanë shtypur nyjat dhe pacientë që marrin injeksione në duar.

A ju dhemb?
Të gjithë të anketuarit kanë thënë se së paku një video u ka shkaktuar reagim emocional, pa marrë parasysh se a ishte ndjenjë e pikëllimit, tmerrimit apo frikës. Mirëpo, një e treta e tyre e ka pranuar se e ndiejnë dhimbjen në të njëjtin vend sikurse personi në video. Disa kanë ndier dhimbje të lehtë, tek disa ajo ishte më intensive, për disa ishte afatshkurtër, tek të tjerët paksa më e gjatë. Dhimbjen më të madhe e ka shkaktuar fotoja e futbollistit me këmbë të thyer në fushë. Në të njëjtën
kohë, të anketuarve u është skanuar truri, ndërsa rezultatet kanë treguar se aktivitetet në pjesën e trurit që merret me emocionet, ndërsa është interesant se tek të testuarit që kanë ndier më së shumti dhimbje, është shënuar aktivitet edhe në pjesën e trurit që është i ngarkuar për dhimbje, çka sugjeron se ata me të vërtetë ndjenjë dhimbje gjatë të shikuarit të personit tjetër duke vuajtur.