Kur jeta ngjan si një telenovelë

Kur jeta ngjan si një telenovelë: I shet makinën e i merr gruan!


Është një telenovelë e vërtetë e ndodhur në kryeqytetin shqiptar. Një nga ato ngjarje që i shohim në filma dhe që na tërheqin shumë për efektet sociale që kanë. Histori dashurie, e përzier me intrigë, e cila përfundon në divorc. Ngjarja ka filluar kur një çift bashkëshortësh nga Tirana ka blerë një autoveturë. Burri, iniciali i emrit të të cilit është Gj., ka vendosur t'i bëjë "qejfin" gruas E., dhe ta blejë një makinë për të... e kështu ka nisur gjithçka. Nuk e kishte menduar që kjo "dhuratë" do t'i ndante përfundimisht rrugët e tyre. Pas blerjes së makinës, shitësi i saj dhe blerësi janë takuar disa herë për disa mangësi në dokumentacion. Kaq ka mjaftuar ... çifti blerës të mos ishin më si më parë. Nuk kanë kaluar veçse pak ditë dhe midis tyre lindin mosmarrëveshje të forta që i çojnë deri në gjykatë për të kërkuar zgjidhje martese. Dhe kur çështja kërkonte kohën e vet për t'i dhënë dorën e fundit vendimit të ndarjes, gjatë kësaj periudhe burri është takuar rastësisht me ish-shërbëtoren M., që kishte punuar në shtëpinë e tij. Në bisedë e sipër, ai i tregon për atë që po ndodhte dhe se martesa po merrte fund. Ndërsa nga ana tjetër i tregon se ish-bashkëshortja e tij i ka thënë se M., (ish-shërbëtorja) gjatë kohës që punonte në banesën e tyre kishte vjedhur sende të ndryshme në banesë. Kjo duhej dhe historia merr një tjetër rrjedhë. Pas kësaj "akuze" që i shprehu ish-punëdhënësi, ajo kishte shpërthyer dhe e irrituar nga ky fakt i ka treguar atij disa intimitete nga jeta e ish-bashkëshortes së tij E., pasi me të ka pasur miqësi të ngushtë dhe dinte shumë sekrete të saj. Midis të tjerash M., nëpërmjet një letre i ka shkruar një deklaratë ku e informonte edhe për tradhti bashkëshortore të E-së me K., (personin që i shiti makinën). Pasi kishin kaluar vetëm disa ditë nga shkrimi i kësaj letre, M., takohet më E., dhe e vë në dijeni për deklaratën që i kishte dhënë ish-bashkëshortit të saj. Kjo e fundit, pra E., në mënyrë ultimative së bashku edhe me K., (shitësin e makinës që ishte kthyer në të dashurin e saj), i kanë kërkuar dëshmitares M., të përgënjeshtrojë deklaratën. Për këtë shkak K., disa herë e ka kërcënuar dëshmitaren për pasojat që mund të kishte, në qoftë se nuk do të mohonte deklaratën, ku fliste për marrëdhëniet intime mes tij dhe gruas së personit që i shiti makinën. Por, asgjë nuk përfundon me kaq, grindjet fillojnë edhe nëpërmjet telefonit, ku ka marrë emër dhe objekti i padisë, i cili është për "keqpërdorim të thirrjeve telefonike". Sipas vendim të zbardhur të Gjykatës së Tiranës, i pandehuri K., ka komunikuar shumë herë në telefon me dëshmitarin e dëmtuar Gj., duke i kërkuar që të mos e përmendë emrin e tij në debatet e tyre familjare, pasi në të kundërt jeta e tij do të vihej në rrezik, pra do të kishte pasoja për jetën. Historia vazhdon me kërcënime e fyerje nga të gjitha palët, ku "aktorë" janë; "shitësi i makinës", "bashkëshorti i dëmtuar", "shërbëtorja e zhgënjyer", dhe "gruaja tradhtare". Debatet kanë vazhduar në mënyrë private, ku shpesh palët janë takuar me njeri-tjetrin dhe Gj., i ka regjistruar bisedat, ku dalin në pah kërcënimet që i ka bërë K.
Ngjarja është zhvilluar në zonën e Selitës në Tiranë. Përballjet kanë qenë të shumëfishta. Nga njëra anë të dëmtuarit Gj., i vinte "inat" që bashkëshortja e tradhtoi dhe akoma më tepër kur personi, më të cilën ajo kishte kryer "mëkatin" ishte shitësi i makinës. Por, nga ana tjetër ish-shërbëtorja e çiftit tashmë të ndarë mbartte me vete shumë sekrete të zonjës së shtëpisë, për të cilën ka mjaftuar një pickimi i vogël dhe ajo ka zbrazur gjithçka. Po K., (shitësi i makinës)? I lumtur, por me dëshirën e madhe për të dalë pa lagur nga kjo amulli ku ishte përfshirë. Nga e gjithë historia që është paraqitur, gjykata ka çmuar se me veprimet e kryera, i pandehuri K., ka konsumuar plotësisht elementët e figurës së veprës penale të "përdorimit me keqdashje të thirrjeve telefonike", vepër kjo e parashikuar nga neni 275 i Kodit Penal. Togat e zeza të kryeqytetit deklaruan fajtor të pandehurin K., dhe e dënuan atë me 100 mijë lekë të reja gjobë. Ky ishte dënimi, po morali...?


Marr nga Gazeta Shekulli.

Keshtu ka qene gjithmone me grate dhe vajzat e ndershme shqipetare, vetem se pazari eshte ngrejt, nga nje cimcakiz ne kohen e xhaxhit, me nje dreke dhe nje xhiro me makine ne demokraci, deri te trotuaret dhe xhamat e Europes.Kurse blerjet e makinave tani nga dashnoret eshte ne mode. Zihet buri (jo burri) me grushta e me pistoleta po i shave dashnoren, po i shave gruan te ben shok.

Gjithmon jeta ka qene edhe do ngeli per ata qe do vin pas nesh telenovele ... Mundohemi te jemi artist i jetes ne te gjitha gjerat ,,,,po edhe jeta na ven ne prove qe ne mundemi telenovelen ta luajme ne menyre ashtu sic mundemi pa u ushqyer me nje urrejtje te nje telenovele qe mundet te jet edhe enderr