Genta NUK realizon duet me Noizyn

Këngëtarja e njohur kosovare Genta Ismajli, e cila shkëlqeu në spektaklin “Dancing with The Stars” në Shqipëri, i është kthyer realizimeve të reja muzikore.
Më herët ishte paralajmëruar se mes shumë këngëve, Genta ka realizuar edhe një bashkëpunim me Noizyn, e titulluar ”The King and Queen”, por duket së një këngë e tillë jo që nuk është realizuar deri tash, por as nuk është në plan për tu realizuar.
Në një intervistë për gazetën Shekulli këngëtarja ka treguar se nuk do të realizojë duet me reperin nga Shqipëria, Noizy, dhe se kjo informatë nuk ka qenë e vërtetë.
”Nuk është e vërtetë, ka qenë thjesht dhe vetëm bisedë mes meje dhe Noizit, por që deri tani e pakonkretizuar”, ka thënë Genta.

Genta flet për ish-të dashurin

Gjatë një interviste për Shqipmedia, Genta Ismajli duke folur për ndarjen nga Miloti, me të cilin bashkëjetoi gjashtë vjet, ka pohuar ta ketë takuar atë më pastaj, disa herë edhe rastësisht.
“Jemi përshëndetur dhe asgjë më shumë”, ka thënë Genta. Ajo ka mohuar të ketë pasur telefonata apo mesazhe prej tij që nga ndarja, ndërsa ka theksuar se Miloti ka folur vetëm fjalë të mira për të.
“Nuk besoj se do të thotë ndonjëherë fjalë të këqija për mua”, ka shtuar këngëtarja.
E pyetur nëse ka bërë më shumë emër ajo në krah të Milotit apo ai në krahun e saj, Genta është përgjigjur.
“Kemi qenë bashkë në çdo kohë dhe e kemi ndihmuar njëri tjetrin, prandaj nuk më pëlqen të bëj krahasime të tilla”, është shprehur Genta.
Genta ka treguar se aktualisht nuk është duke u takuar me asnjë djalë. Këngëtarja po ashtu ka treguar se përkohësisht është duke banuar me qira në Kosovë, ndërsa është duke ndërtuar shtëpi në lagjen “Marigona”.