Timberlake heq dorë nga muzika?

Justin Timberlake nuk ka plane të lëshojë muzikë në një të ardhme të afërt dhe thotë se ai është i pasigurt se kur do t’i kthehet karrierës muzikore.
Krijuesi i hitit “SexyBack”, i cili nuk ka lëshuar ndonjë incizim që nga “Until the End of Time” në vitin 2007, thotë se ai aktualisht është i fokusuar në karrierën e tij si aktor dhe se, edhe pse ai thotë se vazhdimisht kompozon këngë të reja, është i pasigurt se kur do të rikthehet në top lista.
“A e bën një piktor një pikturë për shkak se duhet ta realizojë deri më 21 dhjetor? Jo, ai nuk e bën për këtë arsye. Kjo ndodh kur ajo zbrazet nga ai. Kështu është edhe muzika për mua... Unë kurrë nuk ndaloj së bëri muzikë. Nuk e di se çfarë tjetër të ju them, vetëm se nuk e di se çfarë kapaciteti dua të përfshij tashmë... E gjitha çfarë them, në mënyrë të thjeshtë, është se do ta di kur ta di. Dhe derisa ta di, nuk e di se kur do të nxjerri një album tjetër”, ka thënë Timberlake.

Justin Timberlake: Jam i turpshëm

Justin Timberlake thotë se ai nuk është shumë i dhënë pas daljeve dhe pëlqen të kalojë kohën i vetëm.
Këngëtari i shndërruar në aktor thotë se ai është shumë i turpshëm dhe shton se ai kurrë nuk është përshtatur kur ka qenë më i ri pasi nuk ka qenë i interesuar në sport.
“Në të vërtetë jam shumë i turpshëm dhe preferoj të qëndroj shumë kohë vetëm. Nuk jam as shumë llafazan. Gjithmonë kam qenë i rezervuar. Në qytetin tim mund të ishe dikush vetëm nëse luaje futboll. Por gjithë çfarë unë isha i interesuar ishte muzika, andaj isha një i huaj. Të tjerët nuk mendonin se kjo ishte cool”, ka thënë Timberlake.