Arta Bajrami

Arta Bajrami së shpejti do të kthehet në ekranet televizive me edhe një videoklip të ri, kësaj here për këngën “Mos ta nin”, këngë e cila do të prezantojë edhe albumin e saj të ri.“Kjo është kënga e parë të cilës ia kam realizuar video-klipin”, thotë Arta, e cila zotohet se nuk do të jetë kënga e fundit e albumit që do të shoqërohet me klip.
“Më pas do të pasojnë edhe shumë klipe të tjera nga këngët që janë në album. Do të filloj me ato këngë që pëlqehen më shumë dhe të cilat janë më të veçanta”, shton më tej këngëtarja në një intervistë për të përditshmen Infopress.Kënga “Mos ta nin” është pjesë e albumit të fundit të këngëtares, “Delux”.

Pas gjithë vështirësive Arta Bajrami vjen para adhuruesve të saj me një album të ri muzikor. Punën kryesore rreth projektit të Artës e ka në dorë i vëllai dhe arsyeja për të cilën u vonua albumi ishte shkak të disa lëndimeve, të cilat i pësoi Don Arbas gjatë një ndeshje futbolli. Gjithashtu këtij albumi së pari do i bashkangjitet edhe një videoklip kurse për më shumë do presin si do rrjedhin gjërat. Arta, një pjesë të kohës i duhet t’ia kushtojë edhe të fejuarit dhe jeta Kosovë – Gjermani ia vështirëson edhe më shumë planet pasi ajo lëviz sa në një shtet në një shtet tjetër për të kënduar për shqiptarët. Ja çfarë na rrëfeu ajo për “Panorama Plus”.
Kjo verë paralajmërohet si shumë e nxehtë, do të jetë 100 gradë celsius sipas teje?
Varet se ku ndodhesh dhe çfarë dëgjon. Por sidoqoftë, albumi im i ri është vonuar pak që dmth se kjo verë nuk ka filluar edhe me aq nxehtësi.

Pikërisht kur të gjithë ankohen se s’mund të realizojnë albume, vjen Arta dhe sjell risi në tregun muzikor, nga se ky inspirim?
Pas albumit tim të fundit kam bërë edhe 2 singla, ''Falet kjo zemër'' dhe ''Jamaican lady'' dhe që të dy janë bërë mega hite. Dmth kjo tregon që unë nuk kam ndërmend të ndalem njëherë për njëherë por do bëj hite pas hiteve.
Shumica e këngëve të repertorit flasin për dashurinë, po në këtë album do vazhdojë tema e njëjtë?
Sigurisht. Dashuria do të dominojë si gjithmonë. Është një fenomen që dominon në gjithë botën dhe pse të mos dominojë në punën time.
Albumi do shoqërohet me ndonjë videoklip, ku do realizohet ai dhe me kë do bashkëpunoni këtë radhë? Keni në plan realizimin e më
shumë klipeve apo për momentin vetëm ai që do shoqërojë albumin?
Albumi im po vjen pak me vonesë. Shkak i kësaj është lëndimi i Arbasit gjatë një loje futbolli që si pasojë pati nja 7 javë qëndrimi në gips që dmth stagnim pune. Po ashtu nuk jam e sigurtë se a do ketë më shumë se një videoklip a jo. Do shohim se si do shkojnë punët.
Ndërkohë jeni e angazhuar edhe nëpër koncerte të ndryshme në diasporë, si i menaxhoni punët, kush përkujdeset për karrierën tënde?
Po, jam mjaft e angazhuar nëpër koncerte. Puna me albumin, koncertet, jeta private... Shpesh jam brenda javës në 3- 4 shtete dhe udhëtimi të shkatërron. Jam pak e lodhur, por kam akoma shumë energji dhe ambicie për të arritur atë që synoj. Rreth koncerteve më ndihmojnë njerëzit e mi, që i kam standard e për të cilët kam folur shpesh.
Ke menduar ndonjëherë për të ndryshuar profesionin?
A nuk do ishte mëkat sikur ta bëja një gjë të tillë?
Sikur mos ishe këngëtare, atëherë çfarë do të ishte Arta Bajrami?
Në këtë profesion që kam ndjehem shumë mirë. Një zot e di se çfarë do isha po të mos isha këngëtare. Ndoshta “bussines woman”.
Po me studimet si të shkojnë punët?
Me studime i kam punët më së miri, (qesh). A e dini pse? Se nuk studioj asgjë dhe e kam pranuar faktin që thjeshtë nuk kam kohë. Studimet kërkojnë një kohë dhe një përkushtim të veçantë dhe këtë kohë, këtë përkushtim unë thjesht nuk e kam më.
Publiku të njeh si një ndër femrat më seksi dhe ekstravagante, të pëlqen të dukesh ashtu apo të imponon skena?
Unë shpesh e kam thënë që as nuk ma imponon skena dhe as që dua që publiku të më shohë ashtu. Nuk dua që të më shohin si “sex symbol” pasi e kam dëshmuar veten sa e sa herë që publikut mund t’i ofroj atë për të cilën unë edhe mundohem, pra këngë të bukura. Sa për pamjen, thjeshtë nuk kam çfarë të bëj, është jashtë dëshirës apo përcaktimit tim. Është e thjeshtë, kjo jam unë.
Të kalojmë pak tek jeta private, personalisht keni deklaruar fejesën me një djalosh i cili jeton në Gjermani? Diçka më shumë për këtë lidhje që tashmë është zyrtarizuar, jeni fejuar dhe a po bëheni gati për martesë?
Me të fejuarin tim jemi lidhur familjarisht dhe me pëlqim mes të dyve së pari dhe pastaj edhe familjeve tona. Do shohim se si, ku dhe kur do të bëjmë ceremoninë martesore.
Gjetja e njeriut të jetës, besojmë që është ëndërr e çdo femre, sa je e kënaqur ti nga kjo lidhje?
Të gjesh njeriun e jetes është vërtetë një gjë shumë e vështirë, jo shpesh të vjen një njeri që të përshtatet në të gjitha aspektet. Mua kjo më ka ndodhur shumë rastësisht dhe kur më së paku e kam pritur. Andaj jam mjaft e lumtur dhe shpesh ndihem e privilegjuar dhe fatlume.
Duke pasur në krah një femër si Arta Bajrami, xhelozon ai si gjithë shqiptarët?
Një njeri që të do, ai xhelozon. Është një gjë e shëndoshë nëse nuk teprohet.
Ju pengon ky hap në jetë për të vazhduar karrierën artistike?
Jo aspak, nuk diskutohet kjo punë asnjëherë. Nuk kam pasur, nuk kam dhe nuk do kem asnjë pengesë në vazhdimin e karrieres time por vetëm përkrahje. I fejuari im është krenar për mua dhe karrierën time dhe ai vetëm se më shtyn që të shkoj përpara.
Sipas disa fjalëve, jeni duke bashkëjetuar me të fejuarin në Gjermani?
Jam shpesh atje, e vërtetë. Kohëve të fundit jeta ime është vërtetë shumë e lidhur me relacionin Kosovë - Gjermani.
Kush dëshironi t’ju këndojë të dasëm?
(Qesh). Do të doja që i fejuari im të më këndojë mua një këngë të preferuar që kam. Dhe nuk ka rëndësi se a këndon mirë a jo. Por e di që kjo mund të jetë edhe një dëshirë e parealizuar (qesh). S’ka forcë që do mund ta detyrojë atë të bëjë një gjë të tillë pasi është tip i tillë që nuk do të ekspozohet.