Top 10-shja me besnike ne fudboll

nga **Naki** prej Tue 15 Feb 2011, 3:44 pm

1. Paolo Maldini (Milan)Debutoi me Milanin që kur ishte 16 vjeç, fitoi shtatë tituj në Serie A dhe pesë Kupa të Evropës. Paolo Maldini ishte gjithmonë pjesëmarrës në suksesin e Milanit në më tepër se 20 vitet e kaluara. Tifozët e klubit ende presin të shohin zhvillimin e dy djemve të tij, të cilët aktualisht paraqiten për ekipin e të rinjve.

2. Ryan Giggs (Manchester United)Ai e filloi karrierën si i ri në Manchester City, por u shndërrua në legjendë të rivalit Manchester United dhe kurrë nuk shprehu dëshirë për tu larguar nga Old Trafford gjatë dy dekadave të deritashme të qëndrimit në klub. Me 11 tituj në ligë, me mundësi për të fituar edhe më tepër, Giggs mbetet futbollist i klasit botëror, pavarësisht moshës 37 vjeç.

3. Juan Carlos Plata (Municipal)Sulmuesi Plata theu rekorde të shumta në Municipal dhe u shndërrua në legjendë të klubit, duke fituar 15 tituj. Atij madje iu kushtua edhe një film dokumentar për jetën dhe karrierën e tij ende pa dalë në pension si futbollist.

4. Carles Puyol (Barcelona)Është thjesht e paimagjinueshme të flitet për Puyolin e të mos jetë në fanellë të Barcelonës. Titullar për më tepër se një dekadë, qendërmbrojtësi kërkohej nga klube të ndryshme evropiane, përfshirë Manchester United më 2003, por gjithmonë i qëndroi besnik Barcelonës, ku edhe sot vazhdon të jetë njëri prej futbollistëve kryesorë të ekipit.

5. Jan Ceulemans (Club Brugge)Mesfushori belg Jan Ceulemans gjithë karrierën e tij e kaloi në vendlindje. Ai u transferua nga Lierse në Brucce më 1978 dhe qëndroi aty për 14 vjetët e ardhshëm, duke refuzuar edhe klube nga Serie A.

6. Alessandro del Piero (Juventus)Për ti përfunduar karrierën Roberto Baggios tek Juventus duhet të jesh i veçantë dhe Del Piero e demonstroi këtë në raste të shumta, pas transferimit nga Padova më 1993. Shpeshherë spekulohej me kalim në Spanjë ose Angli, por legjenda e Bianconerëve qëndroi në klub edhe në Serie B dhe pritet të përfundojë karrierën në Juventus. Del Piero është lojtari më i adhuruar nga tifozët bardhezinj, por jo vetëm. Ai është edhe rekordmeni i Zonjës së Vjetër.

7. Lev Yashin (Dynamo Moscow)I votuar si portieri më i mirë i shekullit të 20-të, Yashim ka marrë nofkën merimanga e zezë për shkak të refleksit të tij të shkëlqyeshëm. Një veteran i tre kampionateve botërore, Yashim është i vetmi portier që ka fitua Topin e Artë. Gjithë karrierën e tij 22-vjeçare si futbollist e kaloi tek Dynamo të Moskës, ndërsa kaloi edhe dy dekada të tjera në klub si zyrtar para vdekjes së tij më 1990.

8. Matthew Le Tissier (Southampton)Le Tissier nuk e lëshoi kurrë Southamptonin. Ish partneri i tij Alan Shearer e ftoi ti bashkojnë forcat në Blacklburn Rovers, ndërsa ai ishte kërkuar edhe nga Manchester United. Por, Le Tissier mbeti në Southampton për gjithë karrierën e tij dhe ishte aq i mirë saqë ylli spanjoll Xavi Hernandez e kishte idhull dhe e lavdëroi talentin e tij si sensacional.

9. Sepp Maier (Bayern Munich)Një portier i cili i qëndroi besnik një klubi. Sepp Mairer qëndroi në portën e Bayern Munichut për 17 vjet, duke fituar tituj të ndryshëm si dhe kampionatin botëror me Kombëtaren gjermane më 1974.

10. Pele (Santos)E dimë se Pele e përfundoi karrierën e tij në New York Cosnos, por ai i qëndroi besnik Santosit për 18 vjet. Real Madridi më kërkoi së bashku me Manchester United dhe Juventusin. Në fakt, Juventus ishte afër marrëveshjes me Santosin, përfshirë përkrahjen nga FIAT. Kam menduar për të ardhur në Evropë, por në fund preferova të mbetem në klubin tim të zemrës, Santos, ka deklaruar Pele gjatë një interviste të tij në vitin 2009 dhënë për Eurocalcio.

nga **Interesant** prej Thu 17 Feb 2011, 8:07 am

pasi qe i paske vendos top 10 lojtaret , vendosi edhe top 10 trajneret Very Happy

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31

Top 10-shja me besnike ne fudboll

Top 10-shja me besnike ne fudboll

Re: Top 10-shja me besnike ne fudboll