Vajzat, Nedës: Dyshojmë te dashuria juaj

Klodi, Neda, Ogreni e Jonela qëndrojnë në kuzhinë dhe Klodi hap një bisedë për marrëdhënien e Nedës me Ogrenin. Klodi shprehet se ka vënë re që sa herë që banorët janë duke biseduar, Neda kthen sytë nga Ogreni. Neda e pyet se për çfarë arsye Klodi e ka vështruar kaq imtësisht dhe Klodi përgjigjet se thjesht e ka vënë re.Më pas Neda u thotë se çuditet sesi banorët e tjerë nuk bien në dashuri kur flasin me Ogrenin, ashtu siç është dashuruar ajo. Klodi shprehet e habitur nga ky pohim, por Neda shton se nuk e ka thënë në sens negativ. Neda thotë se Ogreni i duket më i miri në botë, ndërsa Jonela ndërhyn e shprehet se ashtu duket në sytë e saj. Neda shprehet se Jonelës i ka humbur identiteti, por Jonela përgjigjet se Neda e ka shumë gabim dhe nuk e pranon dot faktin se ajo nuk po grupohet. Neda shton se Jonela është çiftëzuar më shumë se vetë ajo, por Jonela përgjigjet se Neda po flet me inat. Mirjeta ndërhyn dhe pyet Nedën: “Si ndihesh ti Neda që ke rënë në dashuri?” e Jonela shton se nuk e ditka që Neda paska rënë në dashuri. Në kohën që Neda mendohet, Klodi ia bën të njëjtën pyetje Mirjetës dhe kjo e fundit përgjigjet se ka rënë në dashuri dhe ndihet shumë mirë. Neda tregon se ajo është dashuruar me shikim të parë. Këtë gjë nuk e beson Mirjeta, e cila i kujton Nedës se ajo kishte thënë se nuk do të krijonte lidhje brenda shtëpisë. Neda shprehet se dashuria e saj me Ogrenin ka shpërthyer që ditën e tretë dhe Jonela e pyet nëse ka qenë vetëm nga ana e Nedës kjo ndjenjë. Neda thotë se ka qenë e dyanshme, por Jonela i kujton se Ogreni ka pohuar që Nedën e ka vetëm shoqe. Vajzat vazhdojnë të komunikojnë me kunja ndaj njëra-tjetrës.

Mirjeta, Ogrenit: Ke pëlqyer Elisën

Mirjeta, Klodi dhe Jonela janë vënë përpara Nedës e Ogrenit dhe i pyesin për marrëdhënien e tyre me tone dyshuese. Mirjeta shprehet se e mban mend që Ogreni ka pasur simpati ndaj Elisës, e nëse ajo i jepte një shenjë të vogël, Ogreni i shkonte afër menjëherë. Ogreni përgjigjet se Elisa i pëlqente si pamje fizike, por ai nuk ka folur kurrë më shumë se çerek ore me të, pasi Elisa nuk kishte potencialin ta bënte për vete me komunikim e me biseda. Mirjeta shton se në fillim, kur Ogrenin e kanë pyetur për kë nga vajzat kishte simpati, ai është përgjigjur për Elisën. Ogreni thotë se ai dhe Neda janë shumë të matur që të mos shprehen deri në momentin që të kenë krijuar bindje të plota për të ndërmarrë një hap të rëndësishëm. Ndërkohë Jonela dhe Neda qëndrojnë buzë pishinës duke u sqaruar. Jonela i tregon Nedës për momentet që ka biseduar me Ogrenin dhe ndër të tjera edhe për faktin se ai i ka thënë se Nedën e ka vetëm shoqe. Jonela thotë se Neda do t’i kuptojë kur të dalë gabimet në të shprehur që ka bërë me të e po ashtu dhe si ka shkuar rrjedha e ngjarjeve. Jonela i thotë se nëse Neda është dashuruar me shikim të parë, nuk ka qenë e njëjta gjë për Ogrenin. Jonela sqaron se ajo nuk ka dashur kurrë të hyjë mes tyre. Të dyja vazhdojnë të bisedojnë gjatë për këtë temë.

Mirjeta: Neda dhe Ogreni po trillojnë një version të ri të lidhjes

Mirjeta dhe Marieli qëndrojnë në dhomë duke biseduar sërish për ndjenjat e Nedës ndaj Ogrenit, dhe fillimet e lidhjes së tyre. Ajo thotë se nuk i vjen mirë që ata të dy pohojnë se kanë rënë në dashuri me shikim të parë, pasi Ogreni nuk mund ta mohojë që ka pasur simpati për Elisën. Mirjeta shprehet se Neda dhe Ogreni po fillojnë të trillojnë një version tjetër të marrëdhënies së tyre, duke thënë se ata kanë ndier që në fillim, por banorët nuk e kanë kuptuar. Marieli përgjigjet se është koshient që ai dhe Mirjeta nuk kanë rënë në dashuri që në momentin e parë.