Sjellja e keqe e fëmijës, pjesë përbërëse e rritjes së tij

Sjellja e keqe e fëmijës, pjesë përbërëse e rritjes së tij Fëmija shpesh sillet “keq” dhe kjo mund të mos jetë pasojë e edukimit që ju i keni dhënë, por vetëm një pjesë përbërëse e rritjes së tij. Prindërit shpesh harrojnë që ekzistojnë dallime të mëdha midis asaj se çfarë bën fëmija dhe se si është ai vetë për nga natyra. Ndaj fëmijëve ndonjëherë jemi në mënyrë të padrejtë të rreptë, sepse gabimet e tyre menjëherë i shohim si pjesë e karakterit. Të gjithë do të ndiheshin të fyer nëse dikush do t’i etiketonte si persona sipërfaqësorë, egoistë, egocentrikë, vetëm në bazë të një gabimi të cilin mund ta kenë bërë krejt rastësisht. Megjithatë ndaj fëmijëve zbatojmë kritere tjera. Ndaj tyre jemi padrejtësisht më të ashpër, ndërsa gabimet e tyre i shohim si të ishin pjesë të karakterit. Gabimet e fëmijëve përjetohen si personale nga prindërit. Ata e dinë që në zhvillimin e fëmijëve ndikojnë shumë faktorë. Përveç prindërve, tek fëmijët do të ndikojnë edhe anëtarët tjerë të familjes, si dhe moshatarët e tyre (sa më i madh të jetë fëmija, ndikimi i tyre do të jetë më i theksuar), përmbajtjet nga mjedisi (TV, kompjuteri...). Megjithatë, prindërit janë të vetëdijshëm për faktin se gjatë fazës parashkollore, ata kanë ndikimin më të madh. Po ashtu, ata besojnë se fëmijëve u ofrojnë maksimumin e njohurive, kohës dhe dashurisë së tyre. Kështu që çdo sjellje të pahijshme të fëmijës e shohin si pasqyrim të gabimeve të tyre, si lëshime personale në edukim të fëmijës. Fëmija më së shpeshti sillet “keq” dhe kjo nuk është pasojë e edukimit të keq, por pjesë përbërëse e rritjes. Autorë të ndryshëm “përcaktojnë ” faza të ndryshme të rritjes. Megjithatë, të gjithë pajtohen që këto faza janë të bujshme, që shkrihen në njëra-tjetrën, dhe që i kanë disa karakteristika të përbashkëta. Për çdo fazë mund të prisni sjellje të caktuara të papranueshme. Duke testuar limitet e durimit tuaj, fëmija mëson si duhet të sillet me ju, sa do të mundet të manipulojë, sa do t′i duhet të jetë i sinqertë ... Ai rritet dhe fiton përvojat e veta. Përveç kësaj, përveç testimit të kufirit të durimit tuaj, ka mundësi që fëmija me sjelljen e vet të papranueshme është duke kërkuar më shumë vëmendje. Burimi /Albeu.com/