Mr. Ukshin Hoti

Mr.Ukshin Hoti Ka lindur më 1943 në Krushë të Madhe të Rahovecit. Shkollën fillore dhe atë të mesme i kreu në Prizren dhe Prishtinë. Shkencat politike i kreu në Zagreb, kurse 2 vite pasuniversitare i kreu në Beograd në seksionin për marrëdhënie ndërkombëtare politike dhe ekonomike. Pastaj specializoi një vit edhe në Universitetet amerikane: në Chicago në Universitetin e Harvardit në Boston si dhe në Washington D.C.
Në vitet e ’70-ta ushtroi detyra të ndryshme në pozita të ndryshme të jetës politike dhe arsimore të Kosovës.
Pas një diskutimi në një mbledhje në Fakultetin Filozofik në Prishtinë më 19 Nëntor 1981, ku ai haptas i mbrojti kërkesat e studentëve shqiptar për Republikë të Kosovës në kuadër të Jugosllavisë, ai u dënua me 9 vjet burg, të cilat nga gjyqi suprem u reduktuan në 3,5 vjet. Pas lirimit nga burgu u kthye në vendlindje ku u izolua.
Më 1990 punoi në Lubjanë (Slloveni) në revistat shqiptare “Alternativa”, "Republika" dhe "Demokracia Autentike - DEA" si redaktor deri më 1991, kur u mbyllën ato. Pastaj u kthye në Prishtinë ku punoi për një kohë në Universitetin e Prishtinës.

Në mars të 1993 u burgos për herë të dytë pasi që një vit më parë kishte organizuar homazh për martirët e demokracisë në Brestovc. Në të njëjtin vit u rrah keq nga forcat speciale serbe pasi që kishte vizituar pjesëmarrësit e grevës së urisë në pallatin e shtypit në Prishtinë.
Po ashtu më 1993 pasi e lëshoi Lidhjen demokratike (LDK) Hoti mori pjesë në tubimin mbarëkombëtar të organizuar nga përfaqësuesit politik në Tetovë (Maqedoni) ku u theksua nevoja e bashkimit kombëtar të shqiptarëve në një shtet të vetëm.
Më 17 maj 1994 e dënuan me 5 vjet burg për arsyen se ishte pjesëmarrës i lëvizjes për Republikën e Kosovës.

Më 16 maj 1999 kishte mbaruar afati i vuajtjes së dënimit politik prej 5 vjetësh. Të burgosurit shqiptarë dëshmojnë se në përcjellje të tre zyrtarëve të sigurimit serb atë ditë ai është nxjerrë nga burgu i Dubravës (Istog, Kosovë), ku ishin sjellë më parë të burgosurit shqiptarë nga burgu i Nishit (Serbi).
Pas bombardimeve të NATO-së më 19 maj 1999, në burgun e Dubravës ka ndodhur masakra më e përgjakshme: janë ekzekutuar e masakruar 173 të burgosur shqiptarë nga forcat serbe.
Babanë e vëllanë e Ukshin Hotit i kanë vrarë kriminelët serbë, bashkë me 30 kushërinj të tij e 174 bashkëfshatarë të Krushës së Madhe të Rahovecit.
Mbi fatin e prof. Ukshin Hotit (prej 1999) nuk dihet më asgjë!

Te nderuar forumist mendoj se Forumit dhe Rilindjes Kombetare i mungonte nje shenim i tille. Une hapa kete teme duke shpresuar se ju do kontriboni shume me shume me shkrimet e juaja.

Ju faleminderit

Per Ukshin Hotin:

Ismail Kadare:
“Kam frikë se pikërisht ky nivel i lartë ka qenë edhe burim i fatkeqësisë, që e ka ndjekur hap pas hapi këtë martir... Është e papranueshme që një personalitet i një populli, pavarësisht se ç'partie i përket, ose nuk i përket, të mbahet në zinxhirë. Është fyerje për krejt atë popull. Më fort se kurrë, kombi shqiptar ka nevojë për njerëz të aftë e me nivel të lartë. Njerëzit e zotë janë princat e vërtetë të një kombi. Për fat të keq, princat goditen shpesh në mënyrë të vdekshme."

Me 16 maj 2007 u mbushen plot tet vjet qe nuk dihet asgje per fatin e Mr.Ukshin Hotit, te ketij burri te madh te mendimit politik shqiptar. Në kete date te vitit 1999, Mr. Ukshin Hoti, sipas vendimit nr.24 – 2241 – 05 te nenshkruar nga drejtori i burgut të Dubraves Aleksandar Rakoqeviq, leshohet me kusht , pas mbajtjes se denimit prej pes vjetesh, qe ia kishte shqiptuar gjykata serbe ne Prizren.

Pas perfundimit te luftes, disa te burgosur qe ishin ndare për her te fundit me Mr.Ukshin Hotin, kan thene se, ishte dite e diele (nje dite e pazakonshme per lirim nga burgu) kur baca Uke (keshtu e therrisnin ata) ndermjet ores 10 – 11 të paradites, i shoqeruar nga tre punetor te sigurimit serb eshte nxjerr nga ambientet e brendshme te burgut të Dubraves. Dhe pas ketij momenti, sot e ate dite, nuk dihet asgje per vendndodhjen e ketij intelektuali, politikologu e atdhetari te shquar.
Dhe ca eshte me e keqja udheheqesia jone po flen .
Naki qeveria po flen ti po punon te lumte per kete teme te qelluar respekte se vertet ja vlen te diskutohet e te vihen sa me shum shenime te postohen te mesojm me shum per jeten dhe vepren e Mr.Ukshin Hotit .
respekte.

Pershendetje NAKI;
Rilindjen Kombetare e keni zbukuruar me biografine e M.r.Ukshin Hotit.Sikur planifikoja edhe vet te shtjelloi nje teme per kete intelegjent dhe patriot,por kohaqekam ne dispozicion nuk me le te beje sa duhet ne kete forum.Tani edhe po te mendoj te shkruaj per te,nuk kam qka te them per te,i paskeni thene te gjitha,te lumte per kete iniciative.Vertete ti e ke thyar akullin,sepse ky personalitet i shquar ,jo vetem qe ke lene ne harrese nga forumet,por qka eshte me e keqja qe lene ne harrese nga klasa jone politike.K

Unë nuk kam se çka ti shtoj më shumë kësaj teme nga se i nderuar Naki në pika të shkurtëra por tërësisht të qëndrueshme dhe të sakta ka përfshirë ate që duhet përfshirë, prandaj unë Nakin e falenderoj dhe përgëzoj që ka hapur këtë temë kaq të qëlluar.
Megjithate, për shkurtazi unë po them edhe këtë se kam pasur fatin dhe nderin e lartë që Mr. Ukshin Hotin ta njoh edhe personalisht dhe një kohë të shkurtër të punoj me te mu në kohen e vlimeve më të ashpra politike të viteve të nëntëdhjeta. Konkretisht në kuvendin themelues të LDK më 17. 03. 1990. kam pasur kontakte të drejtëpërdrejta me intelektualin, atdhetarin dhe tribunin e nderuar Mr. Ukshin Hoti nga i cili kam marrë instrukcionet kryesore si anëtar i këshgillit nismëtar për formimin e Degës së LDK në Rahovec. Mirëpo, duhet theksuar se në atë kohë sjelljet dhe kërkesat tona në njëfarë mënyre duhej harmonizuar me rrethanat aktuale të kohës kështuqë nga, edhe unë e quaj ashtu sepse është nja 5 vite para meje, baca Ukë kisha marrë premtimin se do të bashkë punojë me neve nëqoftëse sinçerisht angazhohemi për Republiken e Kosovës gjë që këtu nuk kishte fije dyshimi sepse ne gjithënjë kishim ambicje edhe për avancimin e kësaj kërkese në diç edhe më tepër - Pavarësinë e Kosovës.
Për neve që ato ditë kishim marrë këtë barrë mbi vete, këshillat dhe instrukcionet e Ukshinit ishin si buka dhe uji derisa ate përpiqeshim ta kursenim së paku gjatë kohës sa zgjaste gjendja e jashtëzakonshme dhe ora policore e atyre ditëve. Ishte kënaqësi e veçantë takimi i im në një ndej rasti në ordinacen e mjekut të mirënjohur Xhemajl Dana ku ishte prezent edhe vetë baca Ukë, profesori e tani dëshmori Muhamet Malsori, profesori Fetah Berisha dhe Nahit Elshani me ç'rast Ukshini gjërë e gjatë na e elaboroj jo vetëm çshtjen e Republikës së Kosovës por edhe problemin e zgjidhjës së çështjës kombtare shqiptare. Mirë më kujtohet kur në mes tjerash pat thënë se gjatë atij procesi, nuk mund të anashkalohet Rusia, gjë që edhe sot po shihet vizioni dhe largëpamësia e e tij. Më duket se këtë konstatim pastaj e ka cekur edhe në librin e tij "Filozofia politike e çështjës shqiptare".
Por, çka të thuhet, Ukshini ishte shumë i vetëdijshëm për pasojat që do të kishte por megjithate ai ishte i pandalshëm dhe i pathyeshëm në qëndrimet e tij. Këtu mund të flitet edhe shumë e shumë sepse Ukshini vërtetë ishte një figurë poliedrike e jetës, shkencës dhe politikes shqiptare si pasojë e çkahit edhe përjetoi gjithë ate që ka përjetuar. Ende le të na mbajë shpresa që baca Ukë të jetë i gjallë, por qyshdo qe të jetë, emëri, figura dhe vepra e tij ate e bëjnë të pavdekshëm.

Baca Adem,
keto kontakte te drejperdrejta jane me shume vlere dhe postimi jote ka peshe te madhe.
Mendoj se ky martir meriton te shkruhet per te.
Ju falenderoj une ju hapa rruge e juve eshte ta mbushni me shkrime faqet per Mr Ukshin Hotin

NAKI mir eke bër ket replik Valla se e kan harru njeriun qe ju duhet ma së shumti KOSOVES tani institucionet tona enuk e permendin fare UKSHIN HOTIN se mendojn jau nzen vendin atyre tung me respekt nga Xili

Riki te them se kam nejt me do njerez qe kan qen me një dhomë ne Burg me UKSHIN HOTIN dhe kan treguar kur kan hyr gardiant dhe inspektorat ka qen ditë e dielle dhe ikan then se ti je liruar nga Burgu dhe ai juka drejtuar kolegve te vet juka then se nuk po lirohna por po më mbysin keta se të dielev as nje njeri nuk lirohet nga burgu dhe mëka treguar nje Mik i imi se juka lyp hallallin te gjithve atyre qe ika pas në dhomë

Roli dhe rendesia e Ukshin Hotit sifigure e shquar kombetare dhe politike,ne Kosove ishte dhe do tembetet epa zevendsueshme.Mirepo si qe ka thene i madhi"KUTELI","ATDHEUN DUHET DASHUR EDHE KUR TE VRET",nje dashuri te tille per atdheun e ka pasur z.Ukshin Hoti.Por per kete ai burgosej pa shkaqe,me procese te montuara,sepse pushtuesi kishte nuhatur rrezikune qe i vinte nganje atdhetashes,intelektual dhe politikan i tille.Gjitha qe i beri Ukshin Hoti,i beri per atdheun,ai mundej te terhiqej nga keto gjera dhe te shpetonte,por zemra atdhetare nuk ia lejonte.Ukshin Hoti megjithate ka qene i perbuzur nga lideret kosovar.Nese ju kujtohet e kaluarae liderve tane,kur ata protestonin para botes me kerkesat e tyre"Te lirohen te gjithe te burgosurit politik,dhe Ukshin Hoti"!Kjo linte hapesire qe bota te kuptoj se Ukshin Hoti ishte me pak i rendesishem se te burgosurit tjere!Pse? Sepse kerkesa nuk parashtrohej drejt!Ne vend te thonin:Te lirohet Ukshin Hoti,dhe te burgosurit tjere politik,thuhej e kunderta.Doren ne zemer edhe lideret e sotem nuk i kane kushtuar nje rendesi te duhur Ukshin Hotit!Rralle apo fare ngaata eshte zene emri i tij,si dijmeatij i mbeten edhe femijet bonjak,dhe nuk di se eshte perkujdesur ndonje nga lideret tane per ta,nese iu eshte bere ndonje vizite ndonjehere,kjo ka ndodhur para ndonje fushate elektorale!Sido qe te jete,gjitha keto qe cekem,nuk ia zbehin aspak figuren ketij intelektuali,atdhetari dhepolitikani shume te shquar.Vepra e tij do te ndrite neper kohe dhe breza.

Xili_Mitro shkruajti:Riki te them se kam nejt me do njerez qe kan qen me një dhomë ne Burg me UKSHIN HOTIN dhe kan treguar kur kan hyr gardiant dhe inspektorat ka qen ditë e dielle dhe ikan then se ti je liruar nga Burgu dhe ai juka drejtuar kolegve te vet juka then se nuk po lirohna por po më mbysin keta se të dielev as nje njeri nuk lirohet nga burgu dhe mëka treguar nje Mik i imi se juka lyp hallallin te gjithve atyre qe ika pas në dhomë

Pse nuk e thua emrin e atye shokeve qe te kan thene keshtu ne te kunderten kerko falje per keto fjale sepse nuk kan qen vetem shoket e tu ne ato momente me Mr Ukshin Hotin, por ka pasur shume dhe ndryshe te tjeret e pershkruajn. Thuaji pra emrat e shokeve tu te cilet te kan dhene kete dezinformat ose behu burr dhe kerko falje.

KU ASHT UKSHIN HOTI?!…



Pyeta të gjithë njerzit
Asnjë fjalë s’më thanë
Pyeta zogjt e malit:
- A mos e kanë parë!?…

Psherëtinë Kosova
-Po ku gjëndet vallë?…
Po thotë Krushë e Madhe:
“Mbeti në Dubravë…”

Ti ishe buzqeshja!
Uniteti i kombit!
Luftëtarët po pyesin:
Ku asht Ukshin Hoti?!

Po të pret Prishtina!
Po të pret Prizreni!
Ku je Ukshin Hotin?
Po të pret Kuvendi!

Mbi supet e tua
Peshon vetë lirija.
Nuk lidhet me pranga
Ukshin Shqiptarija!


Fluturimi i shqipes
Lart ku puthen retë
Birin e Kosovës
Atje e ka gjetë!

Ti je tek Flamuri
Tek palët e tija.
Je tek rranjët e Burrit
Që ka SHQIPTARIJA!



Agim Doçi

Ukshin Hoti është shembulli, që pyet: për kënd luftohet!

Në dhjetë vjetorin e zhdukjes pa gjurmë të Mr.Ukshin Hotit
Më 16 maj 2009 bëhen dhjetë vjet që nuk dihet asgjë për fatin e Mr. Ukshin Hotit, të këtij kolosi të madh të mendimit politikë shqiptar. Dhjetë vjet më parë (16 maj 1999) Hoti, derisa ishte duke vuajtur dënimin në Burgun e Dubravës, papritmas nga autoritetet e burgut merrë vendimin “Reshenjen” nr. 24/2241/05 të nënshkruar nga drejtori i burgut të Dubravës, Aleksandër Rakoçeviq. Në këtë vendim thuhet se “….i denuari Ukshin Hoti ….lëshohet me kusht…” nga burgu, pas mbajtjes së dënimit prej pesë vjetësh, që ia kishte shqiptuar gjykata serbe në Prizren në shtator të vitit 1994.
Pas përfundimit të luftës, shokët e burgut që ishin ndarë për herë të fundit me Mr. Ukshin Hotin, kanë thënë se ishte ditë e diele (një ditë e pazakonshme për lirim nga burgu) kur baca Ukë (kështu e thërrisnin ata) ndërmjet orës 10 - 11 të paradites, i shoqëruar nga tre punëtorë të sigurimit serb, është nxjerrë nga ambientet e brendshme të burgut të Dubravës. Dhe pas këtij momenti, sot e atë ditë, nuk dihet asgjë për vendndodhjen e këtij intelektuali, politologu e atdhetari të shquar.
• KU ËSHTË UKSHIN HOTI?! - kanë pyetur për dhjetë vjet rresht shqiptarët!
• A ËSHTË GJALLË APO I VDEKUR UKSHIN HOTI?! - është kjo një tjetër pyetje që e kanë bërë dhe vazhdojnë ta bëjnë shqiptarët! Por, për fat të keq deri më sot nuk kemi përgjigje të sakt, ndonëse ka shumë përgjigje spekultative që përfliten koluareve nga gojkëqinjtë !
Dihet mirëfilli se gjatë luftës në Kosovë (1998 - 1999), forcat militare dhe paramilitare serbe kanë vrarë e masakruar në format më mizore, rreth 15 mijë shqiptarë, ku 90% prej tyre ishin civilë të pa armatosur. Në këtë periudhë kohore mësohet se janë rrëmbyer me dhunë mbi 3 mijë shqiptarë, ndërsa janë përdhunuar afër 20 mijë femra shqiptare. Për dhjetë vjet rresht, mijëra familje shqiptare kanë pritur dhe edhe mëtutje vazhdojnë të presin me shpres e ankth, një lajm të “mirë” për bijtë e tyre të zhdukur, nga forcat kriminale të varrmihësit Millosheviç. Dhe për fat të keq, shumica e të zhdukurve, pas luftës, janë gjetur nëpër varrezat masive në Batajnicë e në vende tjera të Serbisë, ndërkohë që akoma nuk dihet për fatin e rreth 2000 shqiptarëve të tjerë.
Në qershor të vitit 1999 intelektuali dhe studiuesi i njohur Moikom Zeqo, nëpërmjet një apeli për opinionin tonë publik si dhe atë ndërkombëtar “për kancelaritë diplomatike të botës”, kërkoi zbardhjen e fatit të Mr. Ukshin Hotit, që, - siç shprehet Zeqo: “të mos e pësojë dhe të mos zhduket pa nam e nishan.”
Moikomi në këtë apel, ndër të tjera ka shkruar (po citoi): “Politikisht shqiptarët e Kosovës merren shpesh në mënyrë të paprinciptë me njëri - tjetrin, grinden, shahen dhe përçahen, në një kohë që duhet vetëm të bashkohen. Këta politikanë shëtisin nëpër botë, japin intervista dhe i japin shumë rëndësi kultit të vetvetes dhe protagonizmit vetjak. Çuditërisht, këta politikanë nuk flasin, ose harrojnë të flasin, për Ukshin Hotin. Po Ukshin Hoti nuk i përket harresës. Ai është në vetë thelbin e kujtesës së kombit. Ukshin Hoti nuk mund të vdesë dhe në të vërtetë nuk ka për të vdekur kurrë. Qenia e tij intelektuale është e pashlyeshme dhe është prezent kudo. Kosova dhe kombi shqiptar kanë nevojë urgjente për mendimin e Ukshin Hotit... Ukshin Hoti sakrifikoi gjithçka dhe askush nuk ka të drejtë të jetë mosmirënjohës, të mos ketë respekt apo të mos përkulet me nderim përpara figurës së tij.” - thekson studiuesi Zeqo.
Që nga qershori 1999, kur Moikom Zeqo e bëri këtë apel, politikanët e Kosovës nuk kanë ndryshuar asgjë në mendësinë e tyre politike. Dhe çuditërisht, edhe pas dhjetë vjetëve, kjo klasë politikanësh skajshmërisht të papërgjegjshëm, nuk folën (jo se harruan të flasin) për Ukshin Hotin. Kjo heshtje e këtij tarafi politik e institucional të Kosovës është më shumë se indiferentizëm, dhe z.Zeqo jo rastësisht në apelin e tij për Ukshin Hotin thekson, se: ”indiferenca është kriminale. Indiferenca nuk është gjë tjetër veçse pajtim me torturuesit dhe ndoshta me vrasësit e tij”. (!!!)
Pas përfundimit të luftës, familja e Mr. Ukshin Hotit, veçanërisht motra e tij Myrvetja ka trokitur në të gjitha dyert e institucioneve të Kosovës dhe të Shqipërisë, dhe ka kërkuar zëshëm ndriçimin e fatit të tij. Dhe në çdo bisedë, lidershipi politik e shtetëror shqiptarë, motrës Myrvete i ka premtuar, se çështja e Ukshin Hotit do të ngritet në të gjitha takimet me faktorët relevant ndërkombëtar, për ta detyruar Serbinë të zbardhë fatin e Ukshinit. Mirëpo, siç ka rezultuar deri më tani lidershipi shqiptar s’ka bërë asgjë në këtë drejtim! Prandaj, duket se edhe në këtë dhjetë vjetorë, shqiptarët do të vazhdojnë të pyesin:

KU ËSHTË UKSHIN HOTI?! A ËSHTË GJALLË APO I VDEKUR UKSHIN HOTI?!...

Kush din gje per fatin e intelektualit Mr. Ukshin Hoti? Ai u denua ne vitin 1994 me 5 vjet burge. Ne gjykaten e Prizrenit Ukshin Hoti e akuzoi ashper kreun e LDK si shkaktar kryesor te burgosjes se tij. Ai tha: "......Tani kur fillova te e kundershtoj politiken e kreut te LDK-se u burgosa".
Fjalet e tij vertetohen edhe nga heshtja e kreut te LDK-se, askush nuk flet per Ukshin Hotin, Rugova deri me tani vetem hesht, asnje fjale nuk ka then per te. Si kryetar i Kosoves dhe si perfaqesues i popullit, ai duhet te e ngrej zerin larte dhe ta kerkoj me kembengulje te verteten mbi Ukshin Hotin. Mirepo si gjithmon ai (Rugova) hesht, ndoshta ka frik se paraqitja e Ukshinit do te e rrezikonte postin e tij.
Nese dikush ka ndegjuar ose din dicka me teper per kete njeri dhe patriot te

Ukshin Hoti sot i humbur pa gjurmë nga pushtuesi serb,kishte bërë vet gabimin që do t`i kushtonte jetën më vonë.Ai ishte anëtarësuar një herë në LDK(Lidhjen Demagogjike të Komunistëve).Ai shumë shpejtë e pa se kush dhe e kujt ishte kjo parti,por atëherë ishte vonë.Në çdo rrjet apo parti kriminale njeriu mund vetëm të anëtarësohet ndërsa për t`u larguar nuk ka mundësi.Duke qenë ai edhe luftëtar i njohur e i konfirmuar publikisht i rexhimit pushtues serbosllav,i torturuar dhe i dënuar nga njerëzit e këtij pushteti okupues,ai nuk duhej të futej assesi në një parti e cila kishte zëvendësuar emrin LSPK(lidhja Socialiste e Popullit të Kosovës)me LDK-duke patur të njëjtën anëtarësi dhe udhëheqje nën serbosllavinë.Vet dalja nga kjo parti LDK e z.Hoti ishte shkaku që ai të likuidohej sepse Ukshin Hoti ishte intelektuali i parë dhe i vetëm që kishte histori të pastërt antiserbe e sllave i dëshmuar në përkrahjen e hapur te lëvizjes studentore të 81-shit,atëherë kur këta patriotët e mëvonshëm (përveq të atyre që gjendeshin nëpër burgjet serbe)as që guxonin të shqiptonin fjalën demostratë as në vetmi !Pra këta dhe e likuiduan Ukshin Hotin për të "shpëtuar "Kosovën nga futja në luftë.E keqja më tutje iu bë kur LDK-ja përmes lidhjeve të përhershme(edhe sot)me rexhimin serb ia ndau gruan dhe fëmijët,e shkatërroi edhe familjarisht.Me emrimin e Hotit si anëtar dhe më vonë edhe si kryetar i partisë së bashkimit kombëtar UNIKOMBI,zhdukja e tij u bë e pashmangëshme nga LDK-ja dhe SPS-ja!
Ne shqiptarët por jemi popull i mirë,më i miri në botë: trimave dhe heronjve u këndojmë gjersa trathtarëve u shërbejmë,me këte i kënaqim të dy palët!

Fati i pazbardhur dhe ende enigmatik i profesorit Ukshin Hotit është një brengë që rëndon në shpirt dhe mendje jo vetëm familjarët e ngushtë, por edhe kolegët e tij, ish studentët, bashkëmendimtarët, veprimtarët, institucionet e Republikës së Kosovës dhe qytetarët në Kosovë dhe jashtë saj.

Është brengosës edhe për gjithë botën demokratike.

Rruga jetësore e profesorit Ukshin Hoti është rruga e historisë së popullit të tij.

Një luftë e përhershme kundër shtypjes dhe sundimit mbi Kosovën, pavarësisht formës së sistemeve politike.

Një rrugë në kërkim të lirisë.

Formimi i tij politik e kombëtar, në harmoni me përgatitjen shkencore, profesionale, bëri që profesori Ukshin Hoti të orientohet drejt politikisht dhe të marr qëndrime të drejta përballë situatave.

Ngjarjet tashmë historike, Demonstratat e vitit 1981, ishin sprovë në të cilën Ukshin Hoti u pozicionua qartë në mbrojtje politike - të kerkësës së drejtë për Kosovën Republikë.



Me të drejtë thuhet se proceset e reja shoqërore, zhvillimet politike në kthesa historike, kur përqafohen nga intelektualët, ato përfitojnë një përmasë të re në natyrën e tyre – idenë, mendimin, artikulimin teorik.

E një natyre të tillë ishte fjala ekspoze e njohur e Profesorit në Fakultetin Filozofik në nëntor 1981, kur me elokuencë, dije shkencore dhe guxim qytetar, publikisht mbron karakterin emancipues të demonstratave dhe të kërkesës për Republikën e Kosovës.

Këtë kërkesë - që ishte edhe shprehje e vullnetit të popullit, - ai do ta mbrojë si intelektual nga pozicioni i filozofit politik, duke u mbështetur në njëren nga kategoritë themelore të filozofisë, - zhvillimin dhe avancimin e proceseve.

Në Kosovë, përkundër doktrinës zyrtare jugosllave, vetëdija kombëtare po rritej, faktori njerëzor i saj kërkonte hapësirë më të madhe të zhvillimit ekonomik, shoqëror, kulturor që më nuk mund të arrihej pa zhvillim politik.

Statusi i shqiptarëve në Kosovë dhe ish jugosllavi në atë hapësirë kushtetuese ndjehej i ngushtuar, prandaj zhvillimi i brendshëm kërkonte zgjerim politik.

Drejtësinë e kësaj teze politike, dhe të së drejtës së popullit të Kosovës, e vërtetuan të gjitha zhvillimet pas vitit 1981: rezistenca civile, lufta çlirimtare e udhëhequr nga Ushtria Çlirimtare e Kosovës, deri tek realiteti i sotëm, realiteti i shpalljes së Pavarësisë së Kosovës dhe njohja e saj nga bota demokratike.

Ky orientim dhe qëndrim i profesorit Ukshin Hoti bëri që ai të përjetojë vite të tëra burgu, por edhe izolimi e keqtrajtimi.

Jo vetëm kërkesën për Republikën e Kosovës, por të gjitha pozicionet e çështjes së Kosovës, profesori Ukshin Hoti do t’i mbrojë nga thellësia e intelektualit të mirëfilltë kritik, në shtypin e kohës, në revista, e posaçërisht në librin “Filozofia politike e çështjes shqiptare”.

Kumtesat shkencore, shkrimet politike, analizat e fenomeneve politike me dioptri të sociologut politik, fjalimi i tij në gjyqin e fundit, janë kontribute dinjitoze dhe modele unike në literaturën bashkëkohore rreth konceptit politik të çështjes së Kosovës.

Mendoj se ajo që e shënon pikën kulmore të mendimit të tij politik është ndërlidhja e suksesshme e të gjykuarit nga pozicionet e intelektualit me horizont të gjerë dhe origjinaliteti në vrojtimin e proceseve historike dhe politike të çështjes shqiptare.

Nganjëherë koha dinte që profesor Hotin edhe ta censuronte, por mendimi politik i tij ishte shpërthyes përballë censurës së politikës ditore.

Thellësia e mendimit, dija e gjerë, njohja e realiteteve politike në nivel rajonal dhe ndërkombëtar, eksperienca e tij, bëjnë që Profesor Hoti t’i ndërlidh mirë relacionet e çështjes shqiptare në raport me botën, me qendrat vendosëse dhe politikën globale.

Ngjarjet e vitit ‘68-ës, të ‘81-ës, edhe ato të ‘89-ës dhe viteve ‘90 -ta, profesori Ukshin Hoti i analizon shumanshëm, duke shquar veçoritë, por edhe duke gjetur kontinuitetin e tyre historike.

Tek profesori Ukshin Hoti më mirë se kudo tjetër shpjegohet ideja se shqiptarët në asnjë raport kulture dhe qytetërimi nuk duhet të ndjehen inferior përballë sunduesve të tyre.

Ai me veprimin dhe mendimin e tij dëshmoi se i përket konceptit politik të lëvizjes autentike çlirimtare shqiptare.

Mendimi politik i profesorit Ukshin Hoti i bën nderë shkencës dhe publicistikës sonë bashkëkohore dhe moderne me objektivitetin dhe drejtësinë e të gjykuarit, jo vetëm në mbrojtje të pozicionit politik të Kosovës në raport me Jugosllavinë dhe Serbinë, por edhe në aspektin e relacioneve Shqipëri – Kosovë, Kosovë-Maqedoni-Kosovë-Mali i Zi.

Nën patronatin e kryeministrit të Kosovës, Hashim Thaçi, sot në Prishtinë u mbajt akademi politike kushtuar veprimtarit të çështjes shqiptare, Ukshin Hoti. Në këtë akademi u vlerësua lartë kontributi i profesor Hotit me konstatimin se mendimi i tij politik ishte paralajmërues për krijimin e forcës mbrojtëse për lirinë dhe pavarësinë e Kosovës.

Profesor Ukshin Hoti është ndër intelektualët më të vendosur e parimor të çështjes shqiptare, si dhe ndër intelektualët më të përndjekur shqiptar nga regjimi serb. Kështu u tha në akademinë politike të mbajtur sot në Prishtinë kushtuar veprës së profesor Ukshin Hotit. Në fjalën e tij të mbajtur me këtë rast, Kryeministri i Kosovës Hashim Thaçi tha se fati i pazbardhur i profesor Hotit është brengosës për gjithë vendin dhe për institucionet e Kosovës. Ai tha se profesor Ukshin Hoti me dije dhe shkencë mbrojti kërkesën e drejtë për Kosovën Republikë. “Rruga jetësore e profesot Ukshin Hotit, është rruga e historisë së popullit të tij, një luftë e përhershme kundër sundimit mbi Kosovën, pavarësisht formës së sistemeve politike, një rrugë në kërkim të lirisë”, ka thënë kryeministri Thaçi. Ndërsa akademik Pajazit Nushi, si profesor i Ukshin Hotit, foli për angazhimin e tij të hershëm, që nga koha e studimeve, për zgjidhjen e çështjes shqiptare, në këtë kuadër edhe për organizimin e popullit shqiptarë. “Kosovën e viteve të ’80-të, të shekullit të kaluar e konsideronte si formalisht nuk gjendej në një gjendje lufte, por në gjendje okupimi, prandaj angazhohej për lirimin e saj nga gjendja okupuese, le të jetë liria e saj edhe zgjidhje e një pjese të çështjes shqiptare”, ka thënë profesor Nushi. Në këtë akademi kushtuar veprës së profesor Ukshin Hotit i pranishëm ishte edhe shkrimtari Moikonm Zeqo, i solli përshtypjet e tij për librin e profesor Ukshin Hotit, “Filozofia politike e çështjes shqiptare”, duke thënë se vepra e tij do të jetojë sa edhe vetë kombi shqiptarë. Në këtë akademi përkujtimore, ku morën pjesë familjarë, zyrtarë të lartë institucional e studentë, u shfaq edhe dokumentari “Ukshin Hoti -Vigani i Kosovës”. Në emër të familjes të pranishmit i përshëndeti djali i Ukshinit, Andin Hoti, i cili kërkoi nga institucionet e Kosovës të punohet seriozisht në zbardhjen e fatit të babit të tij. Ndryshe prof Ukshin Hoti është parë i gjallë për herë të fundit me 16 maj të vitit 1999, në Burgun e Dubravës, dhe nga ajo ditë nuk dihet më asgjë për fatin e tij.

KJO ESHT HISTORIA E UKSHIN HOTIT,

MUNDOHEM TE MESOI SHUM GJERA EDHE KETO DITE QE FUTEM NE GJDO FORUM KERKOI NJE TE VERTET REALITETIN MUNDOHEM QE NJEREZIT TE LECOJNE SE CFAR SHKRUHET QE NJEREZIT TE KUPTOI SE KU ESHT REALITETI ME VERTE .KAM MESUAR SHUM GJERA NGA KETO SHKRIME EDHE KAM SHUM RRESPEKT PER KETO SHKRIME SEPSE ME VERTE JA VLEN TE PERHAPEN JO VETEM NE FORUME POR NE GJDO ANE TE BOTES SEPSE ME VERTE KAN VLER TE MADHE ME RRESPEKT KLEA

Ukshin Hoti - biografi e shkurtër

Ukshin Hoti u lind me 1943 në Krushë të Madhe. Shkollën fillore (tetë vite) e mbaroi në katundin e tij, ndërsa Shkollën Normale (pesë vite) e kreu në Prizren dhe në Prishtinë. Më pas i vazhdon studimet në Zagreb në Fakultetin e Shkencave Politike, ndërsa ato postdiplomike në Beograd, drejtimi i Marrëdhënieve Politike dhe Ekonomike Ndërkombëtare. Pasi jep dorëheqje nga posti i ministrit të jashtëm të Kosovës shkon në SHBA për të specializuar në universitetet e Çikagos, të Harvardit në Kembrixh-Boston dhe në Uashington D.C.


Që nga fillimi i viteve ’70 e gjer në ramjen e tij në burg më 1981, ka ushtruar disa funksione me peshë të veçantë politike e arsimore. Ka qenë anëtar i të gjitha forumeve federale të Jugosllavisë që merreshin me Politikë Ndërkombëtare. Në Kosovë përpos funksioneve politike ka qenë edhe ligjërues në Fakultetin Juridik e Sociologjik. Ishte i pari politikan që i vuri themelet e marrëdhënieve diplomatike të Kosovës me SHBA-të, me Shqipërinë e me vende të tjera perëndimore. Në vitin 1981, ishte i vetmi që e përkrahu hapur Republikën e Kosovës, (ishte kjo kërkesë e rinise studentore), edhe si politikan, e dhe si intelektual. Qëndrimi i tij kombëtar e demokratik, më 1981, ishte një shembull i papërsëritshëm për proceset demokratike në hapësirën e Evropës Lindore komuniste. Në atë kohë Kosova bashkë me Poloninë filloi te lëvizte drejt dritës, drejt një të ardhme të natyrshme demokratike që u takonte edhe popujve të kësaj pjese të Evropës. Por shteti komunist jugosllav me ndihmën e pakursyer të ish-establishmentit të atëhershëm të Kosovës (pjesa dërrmuese e tyre ishin shqiptarë), nuk ngurruan për ta dënuar Ukshin Hotin me nëntë vite burg. Pas daljes nga burgu shteti komunist e izolon plotësisht. Ndonëse ishte i braktisur prej të gjithëve, sulmi ndaj tij tashmë fillon në pikën më të ndjeshme te njeriut. I shkatërrojnë pa mëshirë familjen, madje edhe vajza e vogël tre vjeçare di të diferencohet prej babait. Natyrisht ky ishte një mësim i kursit të famshëm dhe të pashembullt të shtetit të kuq sllavë ku nuk mungonin as shqiptarët e mjerë.


I lodhur, më 1990, Ukshin Hoti vendos të shkojë në Lubjanë. Atje vepron në revistën “Alternativa”, “Republika” etj. Më vonë nxjerrë revistën “Demokracia Autentike” të cilën e drejton vetë. Por pas një kohe të shkurtër i bllokojnë revistën me metoda financiare. I papunë kthehet në Kosovë. Nën trysnin e studentëve të Universitetit të Prishtinës pranohet më në fund në fakultet ku kishte qenë edhe më parë (Universiteti i Prishtinës në atë kohë ishte jolegjitim për pushtetin e atëhershëm serb, andaj edhe sot e kësaj dite mbetet e habitshme e dhëna se drejtuesit shqiptarë të universitetit ende hezitonin për ta marrë në punë Ukshin Hotin). Më 1993 e mban edhe dënimin e dytë (mars-prill), për shkak se e kishte thyer kordonin e policisë speciale serbe tek Bërryli i Nagafcit me disa qindra bashkëkatundarë. Policia speciale serbe nuk kishte dashur t'i lejonte ata për t'u bërë homazhe Dëshmorëve të demokracisë të rënë më 27 Janar 1990 në Brestofc. Në prag të zgjedhjes së tij kryetar i UNIKOMB-it arrestohet sërish dhe kësaj radhe dënohet me pesë vite burg, gjithnjë me arsyetime tashmë të njohura të shtetit kriminal serb.
Lufta në Kosovë e zë Ukshin Hotin në burg. Më 16 maj të vitit 1999 ai është parë për herë të fundit nga shokët e burgut në Dubravë dhe po këtë ditë, pra, një ditë përpara se të përfundojë vuajtjen e dënimit, një ditë përpara se t'i mbushi pesë vite burg, Ukshin Hoti është nxjerrë prej andej me dy përcjellës. Që nga 16 maji më nuk dimë asgjë për fatin e këtij Njeriu të madh.
Kësaj radhe po e përfundojmë biografinë e Ukshin Hotit me këtë njoftim të shkurtër duke shpresuar se një ditë do të botohet një monografi e plotë për patriotin, filozofin dhe humanistin e madh të popullit shqiptar.


Ukshin Hoti pa dilemë zë vend ndër kokat më të mëdha të kombit shqiptar.
Deri më tani janë botuar vetëm dy vepra të tij: “Lufta e ftohtë dhe detanti” si dhe vepra e madhe “Filozofia politike e çështjes shqiptare”.
Deri më 16 maj të vitit 1999 Ukshin Hoti ishte një peng politik, një peng lufte, ndërkaq pas kësaj date ai vazhdon te mbetet edhe peng i Jetës sepse nuk dimë asgjë se në ç'gropë famëkeqe serbe mbahet në zinxhirë, siç do te thoshte Ismail Kadare

ky shkrim me pelqen pa mase,nje ndriqim qe duhet percjellur me vemendje