Mbulesa islame,pse pengohet??

Me këtë ajet, All-llahu (Subhanehu ue Teala) i obligon muslimanet që ta mbulojnë të gjithë trupin e tyre prej kokës e deri te këmbët. Prej argumenteve të tjera që tregojnë për obligueshmërinë e mbulesës së femrës është edhe ajeti tjetër, ku All-llahu (Subhanehu ue Teala) thotë:





Është transmetuar nga Safijeh bint Shejbah se Aishja (All-llahu qoftë i kënaqur me të) thoshte: "Kur u shpallën fjalët - "..dhe të lëshojnë vellot e tyre mbi Xhujubihinna (mbi trupin, fytyrën, qafën dhe kraharorin e tyre) - " ato morën izarët (lloj i veshjes) e tyre dhe i grisën në këndet e tyre dhe mbuluan fytyrat e tyre me to." [Transmetuar nga Buhariu, 4481.]

Transmetimi tjetër nga Ebu Davudi (4102):

" All-llahu i mëshiroftë gratë e Muhaxhirëve. Kur All-llahu shpalli fjalët: "..dhe të lëshojnë vellot e tyre mbi Xhujubihinne (mbi trupin, fytyrën, qafën dhe krahërorin e tyre) - ", ato grisën pjesën më të trashë të aproneve (lloj i veshjes) së tyre dhe mbuluan fytyrat e tyre me to." Ibn Haxher ka thënë në Fet´h el Bari: "Është transmetim nga Ibn Ebi Hatim, prej AbdAllah ibn Uthman ibn Kejthem, prej Safijes që e shpjegon këtë. Ky transmetim thotë: ´ Ne i përmendëm gratë e Kurejshëve dhe virtytet e tyre, në praninë e Aishes, dhe ajo tha, "Gratë e Kurejshëve janë të mira, por betohem në All-llahun, nuk kam

parë gra më të mira sesa gratë e Ensarëve, apo kushdo që ka besuar në Librin e All-llahut më tepër apo të ketë më tepër besim në Shpallje. Kur u shpall sureja en-Nur, "..dhe të lëshojnë vellot e tyre mbi Xhujubihinna (mbi trupin, fytyrën, qafën dhe krahërorin e tyre) " - burrat e tyre u erdhën atyre dhe ua lexonin atë që ishte shpallur, dhe nuk mbeti asnjë grua praj tyre, e cila nuk shkoi tek aproni i saj, dhe në mëngjesin e ardhshëm u falën ashtu të mbështjellura, sikurse të kishin sorra në kokat e tyre."

Velloja që është cekur në këtë ajet është një petk me të cilin e kanë mbuluar muslimanet trupin e tyre nga koka e deri tek këmbët (përfshirë edhe këmbët). Nëse e shikojmë mirë këtë ajet, do të shohim se All-llahu (Subhanehu ue Teala) iu ka drejtuar Pejgamberit (SalAllahu alejhi ue selem) duke e urdhëruar që t´i urdhërojë gratë e tij që të mbulohen, gra të cilat kanë qenë nënat e muslimanëve dhe të cilat kanë qenë gratë më të pastërta. Poashtu e ka urdhëruar Pejgamberin (SalAllahu alejhi ue selem) që t’i urdhërojë edhe bijat e tij që të mbulohen, e pastaj i ka urdhëruar gratë e besimtarëve që të mbulohen, që mos të thotë dikush se mbulesa është obligim (Farz) për ato gra të cilat frikohen që mos po bëjnë harame ose diç tjetër, sepse po të ishte kështu atëherë nuk do të ishte obligim për nënat e besimtarëve (gratë e Pejgamberit (SalAllahu alejhi ue selem)) që të mbulohen. Por përkundrazi, All-llahu (Subhanehu ue Teala) i ka urdhëruar gratë që mos të dalin pa nevojë nga shtëpitë e tyre dhe të qëndrojnë në to, ku All-llahu (Subhanehu ue Teala) thotë:

“Dhe qëndroni në shtëpitë tuaja dhe mos e shfaqni veten siç bënin më parë në kohën e Xhahilisë (periudha e injorancës para Islamit).” (El Ahzab, 33)



Mbulesa është nder për një grua. Allahu (Subhanehu ue Teala) thotë:

"O ti Pejgamber, thuaju grave tua, bijave tua dhe grave të besimtarëve le t’i vënë shamitë (mbulojë) e veta mbi trupin e tyre, pse kjo është më afër që ato të njihen (se nuk janë rrugaçe) e të mos ofendohen." (El-Ahzab, 59)



A nuk e ke dëgjuar hadithin, ku Pejgamberi (salAllahu alejhi ue selem) thotë:



“Janë dy lloje njerëzish nga banorët e Xhehennemit, të cilët unë nuk i njoh: njerëzit me kamxhik në dorë si bisht viçi, me të cilët rrahin popullin, dhe gratë me rroba të tejdukshme, me lëvizje trupi. Në kokë kanë diçka të ngjashme me kokën e devesë. Ky lloj nuk do të hyjë në Xhennet dhe as që do të nuhasë erën e tij edhe pse kjo erë mund të nuhatet nga një largësi e madhe.” (Muslimi)



Në këtë hadith Pejgamberi (salAllahu alejhi ue selem) i ka cilësuar gratë të cilat dalin të zhveshura, apo të veshura mirëpo veshmbathjen e kanë të tejdukshme, se nuk do të hynë në Xhennet e as erën e Xhennetit nuk do ta nuhasin, edhe pse era e Xhennetit ndihet nga largësia e madhe.



A dëshiron të jesh prej këtij grupi të grave???



A nuk ka ardhur koha që të pendoheni sinqerisht tek Allahu (Subhanehu ue Teala) dhe të mbuloheni me mbulesën Islame?

Prandaj, i këshilloj të gjitha motrat muslimane që t´i nënshtrohen urdhrave të Allahut (Subhanehu ue Teala) dhe të pejgamberit tonë Muhammedit (salAllahu alejhi ue

selem), dhe mos të kërkojnë zgjidhje tjetër nëse jeni prej atyre që dëshirojnë Xhennetin.



Dhe ia përkujtoj të gjithëve se, All-llahu (Subhanehu ue Teala) e ka përsosur fenë e Tij dhe e ka zgjedhur Islamin si fenë tonë, dhe nuk ka asnjë send hallall përveç atë që All-llahu (Subhanehu ue Teala) e ka bërë hallall, dhe nuk ka asnjë send haram përveç atë që All-llahu (Subhanehu ue Teala) e ka bërë haram, dhe nuk ka asnjë fe përveç asaj feje që e ka caktuar All-llahu (Subhanehu ue Teala), siç thotë i Lartësuari:



“Sot përsosa për ju fenë tuaj,plotësova ndaj jush dhuntinë Time,zgjodha për ju Islamin fe.” (El-Maide, 3)



Dhe asnjë çështje të fesë, që është e argumentuar me Kur’an dhe Sunnet, nuk mund askush ta ndryshojë atë, ose ta bëjë haram një gjë që All-llahu e ka bërë hallall, e as ta bëjë një gjë hallall të cilën All-llahu e ka bërë haram. Dhe nuk na lejohet neve pasimi i atyre njerëzve të cilët e lejojnë atë që Allahu e ka ndaluar ose anasjelltas (e ndalojnë atë që All-llahu e ka lejuar apo obliguar), sepse All-llahu (Subhanehu ue Teala) thotë:



“Djallëzit (shejtanët) i nxisin miqtë e vet që t’ju polemizojnë juve, e nëse i dëgjoni ata, atëherë edhe ju jeni si ata idhujtarë.” (El-Ahzab, 121)



D.m.th nëse iu nënshtroheni urdhrave të tyre që ta bëni hallallin haram ose haramin hallall, do të jeni sikur ata, idhujtarë.



Dhe ta ketë në dijeni çdo muslimane se All-llahu (Subhanehu ue Teala) e sprovon çdo besimtarë dhe besimtare me sprova të ndryshme, siç janë sprovat nga prindërit apo farefisi për çështjen e mbulesës si fjalët: “..pse je mbuluar, kjo është prapambeturi, ende je e re, etj.” që ta shikojë sabrin (durimin) e atyre që e bëjnë për hir të All-llahut (Subhanehu ue Teala) dhe që t’i dallojë munafikët nga besimtarët. All-llahu (Subhanehu ue Teala) thotë:



“A menduan njerëzit të thonë: ”Ne kemi besuar,e të mos vihen në sprovë?” Ne i sprovuam ata që ishin para jush, ashtu që All-llahu gjithqysh do t’i dallojë ata që e thanë të vërtetën do t’i dallojë dhe gënjeshtarët (edhe pse All-llahu i di të gjitha).” (El Ankebut, 2-3)



“Ne në shenjë sprove ju sprovojmë me vështirësi e knaqësi, dhe tek Ne do të ktheheni.” (El Enbija, 35)





E lusim Allahun (Subhanehu ue Teala) që të na i falë mëkatet tona, të prindërve tanë dhe gjithë besimtarëve dhe besimtareve deri në Ditën e Gjykimit. Amin


Vëllezër dhe motra pasi që ta lexoni këtë fletushkë mundësojani edhe të tjerëve që ta lexojnë,gjithashtu keni kujdes se fletushka përmban ajete Kur'anore,andaj ndalohet hyrja me të në toilet gjithashtu edhe hudhja e saj.

shpresoi qe kjo teme mos te jet dy her e hapur
po meqe mbrem pash nje program ketu ne itali qe flite per kete gje doja te dija edhe opinionin tuaj sepse nuk ka ligj qe ndalon tradit e gjdo qenie njerzore


Mbulesa, një pikë takuese mes të ardhmes së Shqipërisë dhe të kaluarës së saj


Nga Alban M. Bala
Shqiptarët, sot në Shqipëri pas Shpalljes së Pavarësisë po përjetojnë një ndër ditët më të lavdishme të historisë së saj. Shqiptarët të detyruar të përjetojnë regjimet nga më të egrat, nga njerëz që ishin të etur për pushtet, nga njerëz që për të arritur pikësynimet personale ishin të gatshëm të sakrifikonin deri edhe njerëzit më të afërm të tyre.

Por, me ndihmën e Zotit erdhi dhe ajo ditë që shqiptarët ndryshe nga sunduesit e tyre të ishin të etur për liri, ishin të etur që t’i thonin stop shtypjes që ju bëhej, t’i thonin stop ndalesës fetare dhe që të gjithë te kishin të drejtë të shfaqnin mendimin e tyre, të kishin të drejtë të praktikonin lirisht besimin e tyre fetar… dhe shume e shume dëshira të tjera.

Një nga ata parullat ato ditë ishte dhe përfaqësimi i Shqipërisë në institucionet më prestigjioze në Evropë dhe në Botë.

Ja tek jemi tani sot pranë realizimit të atyre aspiratave të liridashësve. Shqipëria hyri zyrtarisht në Nato, një nder, një prestigj që i përshtatet vendeve të lira ku një ndër ato vende aspiron të jetë edhe Shqipëria. Po ashtu pritet që në një ditë jo të largët të jemi anëtarë me të drejta të plota në Bashkimin Evropian.

Si një shqiptar më takon të them që jam shumë i gëzuar që më në fund ja arritëm kësaj dite. I gëzuar se vendi im më në fund nderohet në nivelet më të larta të politikës ushtarake ndërkombëtare. Por si një njeri që është i dashuruar pas garantimit të drejtave më themeltare të njeriut jam jashtëzakonisht i zhgënjyer dhe i shqetësuar. Nuk është diçka e vogël që edhe mund të kalohej në heshtje.

Pikërisht tani, në këtë ditë historike për shqiptarët por aspak për ata që luftojnë për të drejtat më themeltare jam i detyruar të shpreh indinjatën time se si akoma pas kaq e kaq viteve (plot 18 vite) vazhdojmë me mendësinë e sistemit e së shkuarës.

Kur vjen puna që përmendet sistemi komunist mund të them që të gjithë flasin me një urrejtje dhe në fund e shoqërojnë me një urim rutinë: “Inshallah nuk vijnë më ato ditë” pa e kuptuar as ato vetë se ne akoma vazhdojmë të shijojmë ato ditë. Po, po, është shumë e vërtetë kjo që them.

Njerëzit akoma gjykojnë dhe mendojnë me mentalitetin komunist duke treguar se vazhdojnë akoma të mbeten komunistë të mire, vazhdojnë të mbeten besnik ideve që mbartte ai sistem famëkeq. Unë qëllimisht përdora fjalën “njerëzit” pasi nuk janë vetëm qeveritarët por edhe populli i thjeshtë që gjykon me këtë mentalitet.

Politikanët tanë edhe pse morën mundimin të hartojnë një Kushtetutë, ku të shkruanin edhe ca të drejta përsëri e kaluara dhe ideologjia e së shkuarës vazhdon të jetë në mendjet e tyre. Jam jashtëzakonisht i shqetësuar për këtë. Këto ditë po ndiqja lajmet në televizionet private ku e fillonte me lajmin e bujshëm që Shqipëria po hyn në NATO por pas kësaj nga ana tjetër jep një lajm se si një vajzë e përjashtojnë nga shkolla.

E çfarë krimi kishte bërë ajo vajzë e gjorë sa të detyrohet të përjashtohej nga shkolla? Po jua them unë. Ajo kishte guxuar t’i dilte kundër atyre që kishin këtë mendësi komuniste (ku ndalohej feja), kishte guxuar të vinte një shami të thjeshtë në kokën e saj. Brohoritjet e mia nga lajmi i parë u stepën, papritmas më ra entuziazmi.

Por nuk mjaftonte kjo. Më pas vazhdoi me kronikën se sot u zhvillua një seancë gjyqësore ku dy motra kërkonin të rifitonin të drejtën e tyre themeltare atë të arsimimit pasi edhe këto e kishin humbur në të njëjtën mënyrë si ajo vajza nga Burreli që citohej në kronikën e parë. Si të mos mjaftohej me kaq edhe pak më vonë lexoj një shkrim në internet ku thuhet se edhe një vajzë tjetër po nga Burreli ishte përjashtuar…. O Zot, po këto rastet s’paskan të sosur. Po ku i dihet nesër mund të lexoj për përjashtimin e radhës e mbase sërish nga Burreli….

Janë lajme që të rrënqethin trupin, lajme që edhe njeriun më të fortë por që është i dashuruar pas së drejtës e detyron të derdhë ca pika loti kur lexon dhe dëgjon këto lajme të kobshme. Më e kobshme bëhet fakti se këto vajza nuk dinë se kujt ti ankohen. Me të vërtetë nuk dinë se kujt t’i drejtohen.

Të them se organet me supreme të Arsimit as që bëhet fjalë pasi njeriu më i pushtetshëm i kësaj fushe siç është Ministri i Arsimit që ka dalë nga radhët e asaj partie që brohoret gjithandej se jemi partia e lirisë apo e të drejtave del para mikrofonëve ku thotë “se as që bëhet fjalë që këto vajza të studiojnë nëpër shkolla publikë me përjashtim të Medreseve se shkollat tona janë laike”.

Avokatit të Popullit jo që jo sepse edhe ai është shprehur në të njëjtën mënyrë. Familja Hasani po bën një përpjekje dëshpëruese për të fituar të drejtën e tyre nëpërmjet Gjykatës sepse edhe ato e dinë shumë mirë që tani se vendimi nuk do të flasë në favor të tyre.

Paradoksi vazhdon kur shikon se si pikërisht ajo kategori të rinjsh që vrapojnë pas drogës dhe kriminalitetit nuk u hyn gjemb në këmbë. Paradoksi vazhdon që edhe nëse ndodhë diçka pa përmendur përmasa siç ishte ngjarja e vitit të kaluar (shpërthimi në Gërdec) përgjegjësit vazhdojnë të qarkullojnë lirshëm thjesht nga ajo se vazhdojnë të kenë në trupin e tyre mbuloja me emrin pushtet.

Më e çuditshmja është se askush nuk guxon t’ia heqë këtë mbulojë. Duke vazhduar me papërgjegjshmërinë e tyre që injorojnë organet e Drejtësisë kërkojnë të bëjnë edhe interesanten ku nga pala e akuzuar kërkojnë të bëhen palë akuzuese.

Ne kemi edhe rastin më të freskët ku para një muaji u përhap skandali i famshëm që të gjithë e dimë. Po këtu pati diçka tjetër interesante. Se njeriu që e shkarkoi nga posti i ministrit pa kaluar as 2 ditë filloi ta mbronte dhe të lëvdonte punën e atij që kishte shkarkuar ku linte të nënkuptohej se as që kishte ndërmend ta shkarkonte dhe se shkarkimi ishte një veprim i sforcuar nga ana e tij.

Nuk kam ndërmend që të vazhdoj më gjatë sepse tejkalohen edhe përmasat e shkrimit por mund të them këtë: ju lutem mos e bëni këtë krim që nesër do të pendoheni. Laiciteti nuk mund të thyhet pse një vajzë kërkon ta shprehë bindjen fetare me anë të shamisë.

Jo në asnjë mënyrë. Nëse ne lexojmë me kujdes Kushtetutën në nenin 10 të saj thuhet: 1) Në Republikën e Shqipërisë nuk ka fe zyrtare. 2) Shteti është asnjanës në çështjet e besimit e të ndërgjegjes dhe garanton lirinë e shprehjes së tyre në jetën publike.

Nëse më lejohet një interpretim modest mund të them se nëse Shteti është laik do të thotë se nëse një ligj miratohet, nëse del ndonjë VKM, Udhëzim i ndonjë ministrie apo vendim i Gjykatës Kushtetuese nuk duhet në mënyrë të prerë të jetë e bazuar në burime fetare. Por nëse thuhet se shteti është laik dhe tani me të parë një të mbuluar me shami të nxitojmë dhe ta heqim…. Ah jo më fal por këtu kemi të bëjmë me shkelje të Kushtetutës (neni 10/2). Po ashtu në nenin 22/1 të Kushtetutës thuhet: Liria e shprehjes është e garantuar. Këto janë të drejta që ja ka dhënë Kushtetuta dhe asnjë ligj apo rregullore nuk mund të dalë përmbi Kushtetutën.

Pra, një vajzë e mbuluar nëse shkon në shkollë ashtu e mbuluar do të thotë se ajo vepron koherent me të drejtat që i ka dhënë Kushtetuta ku i jep garancinë se ajo mund ta ushtrojë publikisht besimin e saj ku ndër të tjera mund të jetë edhe shkolla apo vendi i punës nesër. Nuk ekziston asnjë ligj ku të kufizojë apo të ndalojë mbajtjen e shamisë në shkollë apo në vendet e tjera publike.

Është diçka e pamoralshme të heqësh nga shkolla apo nga puna një njeri pse mban shami pavarësisht se është nxënësja më e mirë e shkollës, pavarësisht se mund të jetë punonjësja më e aftë në atë institucion ku punonte. Preferohen të lihen njerëz të paaftë dhe imoralë thjesht sepse kjo e dyta është në gjendje që ti plotësojë dëshirat babëzitëse seksuale të eprorëve të tyre. Asnjëri nuk nxiton të thotë që para se të merremi me këtë pjesë të shoqërisë të merremi me ato që mbajnë shami….

Por nuk dua të ndaloj këtu pa i hedhur një sy edhe Konventës Evropiane për të Drejtat e Njeriut. Në nenin 9, pika 2 thuhet: Liria e shfaqjes së fesë së tij ose besimeve të dikujt nuk mund t’i nënshtrohet kufizimeve të tjera, përveç atyre të parashikuara nga ligji dhe që përbëjnë masa të nevojshme në një shoqëri demokratike në interes të sigurisë publike, për mbrojtjen e rendit publik, të shëndetit ose të moralit ose për mbrojtjen e të drejtave dhe të lirive të të tjerëve.

Pra, nëse ne pretendojmë të integrohemi në Evropë duhet pikë së pari të integrohemi në Kushtetutën tonë, duhet të integrohemi në këtë Konventë që unë citoj. Në Konventë shprehet shumë qartë që askush dhe kur thuhet askush nuk merret parasysh pozita që ai/ajo posedon nuk ka të drejtë ta kufizojë në shkollim apo në punë pse një vajzë apo një grua muslimane ka zgjedhur të vendosë shaminë. Nuk mund të japësh rekomandime se ku duhet të shkollohet apo se ku duhet të punojë.

Është e drejta e gjithkujt të zgjedhë arsimin që dëshiron, shkollën ku dëshiron të shkollohet. Nëse ngrihemi dhe themi se jo, vajzë e nderuar ti nuk e ke vendin këtu por e ke këtu do të thotë se kjo është një diskriminim që i bëhet kësaj shtrese, do të thotë se kemi të bëjmë me një përpjekje për ta izoluar në maksimum dhe do të thotë se ne po e “internojmë” këtë shtresë.

Dhe ku është demokracia këtu ku si parim kryesor të sajën ka lirinë? Mund të them se kjo është e pafalshme kur mendohet se ne jemi vend demokratik dhe i lirë, kur pretendojmë të anëtarësohemi në Bashkimin Evropian.

Mendoj se ka ardhur momenti që të ndërgjegjësohemi se atyre vajzave po i bëjmë një krim të shëmtuar. Po i privojmë nga të drejtat më themeltare. Nëse ne mendojmë se jemi njerëz që e dashurojmë të drejtën dhe lirinë e njeriut atëherë duhet t’i dalim në krah dhe t’jua largojmë pengesat që ju shfaqen atyre.

Nëse ne duhet të tregojmë se sistemi aktual nuk ka aspak lidhje me sistemin komunist atëherë duhet t’i lëmë mënjanë paragjykimet dhe keqinterprentimet (me dashje apo pa dashje). Nëse do të na duhet të gjejmë një shenjë dalluese mes së shkuarës dhe së ardhmes është prania e shamisë në jetën publike.

Vetëm kështu do të arrihet të kuptohet se vërtet jemi një shoqëri që i respektojmë atë që është shkruar e zeza mbi të bardhë. Por çfarë do të ndodhë pas këtij shkrimi? A do të arrihet të ndryshohet sadopak mentaliteti ekzistues apo do të vazhdojë në këtë mënyrë? Nuk mundem t’i përgjigjem kësaj pyetjeje. Gjithsecili ka botëkuptimin e tij dhe gjykimin e tij.

Por një gjë është e sigurt. Emanuel Kant dikur thoshte: “liria jote mbaron aty ku fillon liria e tjetrit”. Në shkrim vumë re së kjo nuk respektohej. Në mbyllje mund të them: gjithsecili bën atë dëshiron pa e cënuar tjetrin. Kjo është demokracia.

E qelluar Klea, edhe une jam me ty se tek ne si ne Shqiperi poashtu edhe ne Kosove.
Meqe sot jemi vende te lira dhe demokratike, ku ka te drejt secili te vedos per veten e tij se si te vishet dhe te bej qa te doj me jeten e tij, besoi qe nuk ka te drejt asnjeri ta pengoj ate se mbulohet apo nuk e ben ate, se ka edhe te atill qe mundohen me dhun ta fusin femren ne mbules por ka edhe te atill qe ate e ndaloj qe te jet e mbuluar, nje femer e mbuluar ska pse te ndalohet te jet ne institucionet tona vetem pse ajo e mban mbulesen e saj, se fundi i fundit ajo ashtu do dhe i pelqen te jet, pse mos te respektohet deshira e secilit , pra jemi vend demokratik e si respektojm gjerat elementare te demokracis.

Te vishet si te doje po, por jo te abuzoj me veshjet e tilla. Une mendoj qe veshja duhet te jete konform edhe sjelljes se njeriut. Nese ka veshjen fetare, duhet te sillet si fetare, nese vishet ektravagant-e atehere edhe sjellja shkon e tille apo jo!?

Secili njeri ne shtetet demokratike dhe ne ato jo demokratike duhet ta kete te drejten e tije te pa cenuar, te drejten e tij te jeteses dhe te gjitha te drejtat qe i perkasin nje njeriu .

Veshja eshte nje e drejte e secilit person qe te paraqitet para te tjereve ne menyren qe ai e shef te arsyeshme per veten e tij. Ne asnje vend, ne asnje shtet, ne asnje shoqeri askush askend nuk e detyron me dhune te mbuloje veten e tij apo ta zbuloi veten e tije, e sidomos jo sot ne kohen kur ne jetojme, qe don te thote se njeriu eshte ai qe ka zgjedhur veshjen per veten e tij i pelqeu apo nuk i pelqeu te tjereve , ne te njejten kohe duke i ikur propagandave te njerezve qe mund te hasim ne to cdo dite .

Te drejtat e njeriut jane te pacenuara deri ne ate moment perderisa ajo e drejte behet kercenim per shoqerine ! -

A mund dikush te shef kercenim nje vajze te mbulur me shami ? - Apo a mund qe te quhet kercenim nje vajze e zbuluar te themi gjysem lakuriq ? - ne mes te ketyre dyjave ekziston vetem nje kufi , e ai kufi eshte kercenimi ne mes moralit dhe jomoralit !

Shamia apo mbulesa nuk i perket vetem fes islame, ne mund te hasim edhe ne fe te tjera kete obligim per femren, si ne ate Katolike apo Ortodokse apo Jehude. Per cfar arsye mbulesa e nje muslimaneje te jete kercenim e mbulesa e nje te krishtere te mos jete kercenim ?

Ne fillim kisha me e definuar me mire kete term, a eshte kercenim mbulesa per njerezit, apo ata kercenim e shofin Fen Islame.

Nese e shofin kercenim mbulesen, atehere ke shpall secilen fe si fe kercenuese, ndersa nese shpall Fen Islame si kercenim kjo eshte nje teme tjeter , e cila teme duhet te shqyrtohet direkt e jo indirekt, e cila teme duhet te kete vendin e duhur per diskutim .

Se paku ky eshte mendimi im personal .

P.S. Interesant

Nuk eshte problemi tek shamia, por tek ajo qe ve shami.Nje femer qe ve shami i dedikohet allahut apo jo?Une di me qindra raste qe femra me ferexhe diten punojne ne bordell naten.Te pakten ketu ne Shqiperi ky fakt eshte bere problem nga shoqeria.

arla shkruajti:Nuk eshte problemi tek shamia, por tek ajo qe ve shami.Nje femer qe ve shami i dedikohet allahut apo jo?Une di me qindra raste qe femra me ferexhe diten punojne ne bordell naten.Te pakten ketu ne Shqiperi ky fakt eshte bere problem nga shoqeria.

arla mu per kete edhe une e kisha fjalen. Diten maskohen me shamia si te ndershme, kurse naten jane ne gjendje ti ikin burrit nga shtrati per te shkuar tek dashnori, apo si thua ti ne bordell, qe eshte dhe me keq.

Këto vitet e fundit të ”demokracisë” janë zhvilluar e po zhvillohen shumë debate dhe polemika rreth veshjes dhe mbulesës. Ka pasur dhe ka debate konstruktive, të sinqerta dhe të paanshme, por shumica e tyre kanë qenë dhe janë debate e polemika destruktive, arbitrare, tendencioze, propagandistike, qëllimkëqija, përçarëse, antikombëtare dhe antishqiptare!
Postuesi më lart Interesanti shume bukur e ka thënë po e citoj një pjesë të shkrimit të tijë:

Shamia apo mbulesa nuk i perket vetem fes islame, ne mund te hasim edhe ne fe te tjera kete obligim per femren, si ne ate Katolike apo Ortodokse apo Jehude. Per cfar arsye mbulesa e nje muslimaneje te jete kercenim e mbulesa e nje te krishtere te mos jete kercenim ?

Arla dhe Drini kan një mendim ndoshta edhe është fakt nuk mundem të injoroj thënjen e tyre por unë di të them se ato kan kujt i japin llogari dhe përse ne duhet të mirremi shumë me to?
Religjioni,Veshja dhe Besimi në Zot bëhet dhe pranohet me zemër, me sinqeritet, me çiltërsi dhe jo me tru, sepse truri nuk beson kurrë, ai vetëm analizon, logjikon, dyshon, kundërshton dhe mohon.
Mos të më kaloj dhe kjo: Edhe Nënë Tereza ka qenë e mbuluar apo jo? Përse asnjëherë nuk u perfol mbulesa e saj !?

Nese nje person i perket nje feje apo nje subjekti , kjo nuk don te thote se cfare eshte ky person ashtu edhe eshte feja apo subjekti i tije.

Jo gjithehere nje musliman/e , krishter/e mund te jete shembulli per te mire per fen e tij/saj !

Ja nje shembull konkret: nese shofim ne nje lagje nje femer e cila eshte e pa mbuluar ( eshte e zbuluar apo gjusemlakuriq ) dhe eshte prostitute, kjo nuk me jap mua leje qe te them se te gjitha femrat jo te mbulume jane prostituta !

Nje ashtu edhe nese hasim ne nje femer e mbuluar por mbulesa e saj eshte vetem mbulim i flokeve dhe trupit por besimi asaj nuk ja ka kaluar as fytin, pra thjeshte nga pamja e saj e jashtme tregon se eshte muslimane apo katolike, por veprat e saja e deshmojne te kunderten, kjo nuk na jap neve hapsire dhe leje qe te themi se te gjitha femrat muslimane/krishtere te mbuluara jane sikur lloji i saj !

Nuk ka mal pa ujq , nje fjale shume e qelluar dhe nje fjale qe eshte siperfaqesore. Eshte e vertete se jo gjithehere je vetja, ne shumicen e rasteve je shembull per ate cfar posedon, por gjyko ne ate cfar eshte argumenti e jo ne ate se cfar veprohet .

Porosia ime perfundimtare do ishte : Studjo fen perkatese se ne cfar therret dhe pastaj gjyko, e kur ti e studjon ate fe do e kuptosh se kush e ka mire dhe kush eshte ai i verteti !

Me respekt interesant .

Me falni po une e di si e predikon fene nje myslyman nga Turqia dhe e di si e predikon nje Shqipetare.Une ajo qe dua te shpreh eshte se nese vendos te vesh shami ose zbato me perpikmeri te gjitha udhezimet e Kuranit ose rri.
Po je sjell nje shembull;ne vitin 1666 kur Turqia po perhapte fene myslymane ne Shqiperi vendosi ti detyronte ata qe s;ishin myslyman te paguanin taksa te larta, tua merrte tokat dhe djemte dhe te mos bente tregeti me ta.Nje bari i krishtere aq shume u merzit qe nuk shiti asnje koke bageti ne qytet sa vendosi te kthehej ne myslyman qe te ushqehej.Kur shkoi tek imamai i tha:dua te behem myslyman.
Imami i tha 5 rregullat e kthyerjes ne myslyman po kur erdhi radha e dhenies se ushqimeve lekeve ose rrobave pas muajit te Ramazanit bariu u mendua dhe tha; po si i imam tu jap djersen botes?Le qe ne fshatin tim te gjithe jane akoma te krishtere.
Imami pasi u mendua ia ktheu po mire atehere meqe nuk jane myslyman mos jep gje.Atehere pranoi te behej myslyman bariu.
Analizojeni shkrimin dhe kuptojeni drejt pse shqipetari dridhet nga fryn era.

arla

Ne secilin vend ne secilin shtet ke per te paguar taksa shtetit , deshe ti apo jo .

Shqiperine nuk e ka lene pas turqia por e ka lene komunizmi, dhe nese ty te duket absurde qe te ndihmohet i varfuri nga pasuria yte qe ke atehere ke kalu ne nje ekstremizem komunist.

Jo e gjithe pasuria qe ti e ke fitu eshte e ytja, dhe nuk je njeri demokrat nese ti i ke te gjitha te mirat ndersa fqiu yt nuk ka buke per te ngrene, apo siq ka qene ne komunizem jo fqiut qe nuk i ka ndihmu njeri por as vellaut apo familjes se ngusht, e ky eshte krimi me i keq qe mund te ndodh me njeriun .

Ta leme fen anash per nje moment, dhe te fillojme te mendojme : nese une jam ne vendin e nje te varferi i cili sot ka per te ngrene e neser nuk di se cfar ka per te ngrene, apo te jesh ne vendin e nje kryefamiljari i cili eshte i pa pune dhe femijet kane kerkesa te ndryshme, kerkojne per te ngrene apo gjera tjera e ti nuk ke , cfar do te beje ?

Asnjehere mos shiqo ate qe eshte me larte se ti, por shiqo ate qe eshte me poshte se ti, ne menyre qe t'ia dish vleren e asaj qe posedon !

Ky eshte ai definicioni i vertete, se ai njeri i cili nuk i falenderon njerezit, nuk e falenderon as Zotin, e ai njeri i cili nuk e falenderon Zotin kur ka pak , ai nuk do ta falenderon Zotin as kur ka shume , njeri i vertete eshte ai i cili ia hek nje pikellim prej pikellimeve te kesaj bote nje nevojtari.

Sikur te punonin njerezit me keto parime, sikur te japnin ata qe kane pasuri nga pasuria e tyre nje shume modeste, sot nuk kishe me pas njerez te varfer, nuk kishe me pas femije neper rruget e qyteteve duke kerkuar ushqimin e tyre neper kontinjer mbeturinash, dhe nuk kishe me pa njerez te cilet jetojne neper tenda apo kopshte te ndryshme .

Tani po te kthej shume vite me heret per te elaboruar nje shembull tjeter, nje pasqyre tjeter te te kuptuarit e drejte te fes .

Ne kohen kur eshte zhvilluar lufta ne mes muslimaneve dhe te krishtereve per marrjen e Kudsit ( Jerusalemit ), te krishteret kane prere ate cfar kan pas perballe, gra , femije, pleq, te ri dhe te vjeter, kane shkaterruar prona, kane shkaterruar bagetine dhe gjithcka cfar kane qene e nevojshme, kane bere tere qytetin me gjake te muslimanve ... por pas kthimit te muslimanve ne krye me Salahudin Ejubin muslimanet e rikthyen Kudsin ( jerusalemin ), dhe ata qe deshiruan te behen musliman ata u pranuan si nje prej tyre, ata te cilet deshiruan te qendronin ne Kuds u detyruan te pagun taksa shteti, ku shteti ua garantoi fen e tyre, objektet e tyre fetare nuk ua shkaterroi Kisha dhe Sinagoga,ua siguroi shteti lirine apsolute, dhe ata qe nuk deshen te qendronin aty me keto kushte, moren rrugen dhe u shperngulen neper vende te caktuara me paqe , askush nuk i masakroi dhe nuk mori hak ashtu siq kane vepruar ata me muslimant.

A eshte kjo e drejte sipas jush? - Normal qe eshte e drejte, sepse jeta e nje personi te pafajshem ka vleren e gjithe asaj qe ka ne toke e ne qiell edhe me shume, pavarsisht cfare feje posedon ai njeri, pavarsisht cka beson ai, pavarsisht cfar kombesie ka ai.

Lufta eshte mashtrim, sot fiton ndersa neser do humbasesh, e si pasoj e ckafit vien humbjet ?- Si pasoje e padrejtesise ndaj te tjereve.

Mendimet jo te drejta dhe jo reale mos i arsyeto me fen qe posedon, por fajeso veten tende per mangesite e te te kuptuarit jo te drejte .

Interesant nuk ke kuptuar asgje nga ato qe kam shkruar.

Sa per komunizmin nuk ka vdek njeri per buke ne ate kohe.Mos fola pa lidhje.

arla

une nuk e di se ti cfar ke mendu , por une e di se cfar ke shkruar, keshtu qe lexo edhe nje here shkrimin tend paraprak ku ke folur per taksa te larta, per ndjersen tende pse t'ia japesh tjetrit , per marrjen e tokave dhe te meshkujve ...

arla shkruajti:Me falni po une e di si e predikon fene nje myslyman nga Turqia dhe e di si e predikon nje Shqipetare.Une ajo qe dua te shpreh eshte se nese vendos te vesh shami ose zbato me perpikmeri te gjitha udhezimet e Kuranit ose rri.
Po je sjell nje shembull;ne vitin 1666 kur Turqia po perhapte fene myslymane ne Shqiperi vendosi ti detyronte ata qe s;ishin myslyman te paguanin taksa te larta, tua merrte tokat dhe djemte dhe te mos bente tregeti me ta.Nje bari i krishtere aq shume u merzit qe nuk shiti asnje koke bageti ne qytet sa vendosi te kthehej ne myslyman qe te ushqehej.Kur shkoi tek imamai i tha:dua te behem myslyman.
Imami i tha 5 rregullat e kthyerjes ne myslyman po kur erdhi radha e dhenies se ushqimeve lekeve ose rrobave pas muajit te Ramazanit bariu u mendua dhe tha; po si i imam tu jap djersen botes?Le qe ne fshatin tim te gjithe jane akoma te krishtere.
Imami pasi u mendua ia ktheu po mire atehere meqe nuk jane myslyman mos jep gje.Atehere pranoi te behej myslyman bariu.
Analizojeni shkrimin dhe kuptojeni drejt pse shqipetari dridhet nga fryn era.

Me duket e drejt cfar ke dashur te tregosh

Interesant ne shqipetaret nuk besojme sa duhet , sepse mendojme me shume sot per neser.Ne i duam gjerat sot dhe na duket pa kuptim qe te falemi gjithe jeten per t'u shperblyer kur te vdesim.Nje fe qe te lodh ne e braktisim.Zoti na ka len mes grekeve dhe turqve.Keta i vodhen fene te tjereve.Greket ia moren cifuteve dhe turqit ia moren arabeve.Pastaj te dy ngriten perandori per te sunduar popujt e tjere.Shume shqipetare u bene myslyman se nuk donin te kishin fene e grekeve.Por ama ne not e pranojme qe jemi bere turq(kemi marr fene e tyre)Dhe kane te drejte, shqipetaret nuk e njohin mire islamin.Islami eshte nje pjate ku mund te zgjedhesh.
Nese bariu do ndihej vertet i krishtere nuk e nderronte fene as i vdekur.

arla

Besimi eshte nje nevoje shpirterore per te jetuar nje jete sa me te mire, pa presione psiqike dhe asnjehere nuk eshte lodhje !

Ne munges te fes sot kemi shume vetvrasje, vrasje, gjaqe, krime te ndryshme cfardo lloji qofshin ato .

Faik Konica ka thene: Sikur mos te ishte islami , shqipetaret do te ishin ne numer me shume, por jo si shqipetare!- Feja islame e ka ndaluar asimilimin ne vendet tona. Muslimanet ja prere dhe vrare per kombin e tyre vetem dhe vetem qe te mbesin shqiptar e te mos asimilohen.

Cfar don te thote kjo? - Kjo don te thote se Feja Islame asnjehere asnje person nuk e detyron as te behet Arab as Turk, kjo fe ka zbrit per te gjithe popullin pa dallim gjuhe apo race, duke ruajtur orgjinalitetin e identitetit qe kane, dhe duke mos ndruar kombin qe ai popull posedon .

Une nuk jam as musliman Arab as musliman Turk, jam shqipetar musliman, dhe asgje e imja nuk anon ka arabet apo turqet, kam traditat shqipetare dhe jetoj me shqipetar si shqipetar, pse une kam mundesi te jetoj si musliman ne Kosove ndersa ka veshtiresi te jetohet si musliman ne Shqiperi apo diku tjeter ?

Interesant , Islami se gjithcka ta jep dhe ta merr zoti ose ai qe perfaqeson zotin mbi toke dhe keshtu shuan cdo ambicie te njeriut per te ndertuar dicka qe ia vlen ta lesh pas vdekjes, qe njerezit te te kujtojne dhe nderojne.Islami meson njeriun se ne toke ai ka ardhur vetem per te nderuar Allahun dhe per asgje tjeter.Tek myslymanet vetem Muhamedi trashegoi pushtet te pasardhesit dhe sulltanet e askush tjeter.Une dua te them qe shqipetaret nuk e kane shqisen te jetojne nen nje Zot ose nen nje udheheqes te vetem qe i binden eter e bij.
Nje pike uji nuk e kthen dot drejtimin e dallges.Ka popuj te cileve zoti nuk ju ka dhene nje drejtim, por ka dhe popuj qe ua ka percaktuar rrugen.

Qasja yte ne argumentet e fes islame eshte nje qasje e zbehte, qe don te thote se njohurite tua reth fes islame jane shume njohuri te mangeta, me vjen keq qe u detyrova te te them direkt . Perse them se i ke te mangeta , per shkak se Feja Islame eshte nje fe e cila te mbush me ambicie per te jetuar nje jete sa me te mire dhe nje jete reale, te ben te punosh ne cdo sfer te jetes, te lejon ate qe eshte njerezore dhe te ndalon ate cfar nuk eshte njerezore. Te ndaluarat jane te kjarta, dhe te lejuarat jane te kjarta !

Une nuk e di si e koncepton ti Zotin, apo cfar eshte ZOti per ty , apo me mire te them : Ne cfar ti beson ? - Kur e shfaq besimin tend atehere eshte me leht te diskutohet rreth qeshtjeve ne pergjithesi, e perderisa ti mbetesh anonime me shume ateiste sesa nje person qe beson ne dicka, atehere eshte edhe shume me veshtir te te jap ate cfar ti kerkon .

Na sqaro pak se cfar besimi ke, dhe me pastaj mund te flasim ?

interesant shkruajti:Na sqaro pak se cfar besimi ke, dhe me pastaj mund te flasim ?

Jam duke vërejtur se po dilet nga tema por prapë nuk është tragjike nëse mësohet diçka. Unë ndalova në këtë citat sepse po më duket pak ca i panevojshëm. Feja pranohet me zemër e bindje shpirtërore, ajo nuk mbillet me dhunë e imponime ligjore. Çka pranohet me vullnet, me vullnet mbahet. Çka imponohet me dhunë, me urrejtje flaket.Kur flitet e shkruhet për çështjen e besimeve, por edhe për religjionet që ushtrohen brenda kombit tonë, duhet të flasim e të shkruajmë pa emocione, pa frustrime, pa impulse instiktive, pa maska, pa demagogji, pa djallëzi, pa interes, paanshmërisht, pa inat, pa xhelozi dhe pa urrejtje, ndaj njëri-tjetrit dhe ndaj fesë dhe ideologjisë së njëri-tjetrit, sepse të gjithë një mendim dhe një ide nuk mund të kemi. Është jo vetëm jodemokratike, por as edhe nuk është e mundur realisht e shkencërisht që të gjithë të mendojmë dhe të besojmë njësoj.

Vjollca

Nuk ka qene pyetja ime te beje ndonje ndarje ne mes feve te ndryshme, thjesht i bera pyetje arles qe te paraqitet me fen e saj per te pasur nje pasqyre se si te diskutojme njeri me tjetrin. Nuk kam asnje armiqesi me arlen perkundrazi vetem shkembejme mendime .