ATDHEU NËPËR SHEKUJ

nga Adem Berisha prej Mon 17 Mar 2008, 1:14 pm

Hafiz Ali Korça
Vajtimet e Atdheut

Më s'tu nda zjarri, më s't'u nda flaka
Më s't'u nda vrasja, ndjekja,shuplaka,
Më s't'u nda therja, mbytja grabitja,
Më s't'u nda shtypja, vojtja, drobitja.

Gra, burra, foshnja për ditë vriten,
Nga vendi vet zhveshur po qiten;
Digjen katundet e përvëlohen,
Ah, shpirti më këputet, prej kujt s'ndalohën.
U germadhove, u copëtove,
Krejt u trondite krejt u shkretove.

Qani, vëllezër, Kosovën, qani!
Për gjëmëzezën ca ditë zi mbani!

Qytetërimi ku asht vallë?
Përse Europa nuk i sheh hallë?
Si s'po dëgjohet topi i shkretë?
Si s'shihet flaka qi del mbi retë?
Si nuk dëgjohet rënkimi i shpirtit?
Pse s'këshillohet kombi gjakpirës?
Në botë, thua, s'ngeli bamirës.
Qysh u shurdhua bota e terë?
S'shohin barbari gjer sot ç'ka berë

Qani, vëllezër, Kosovën, qani!
Për gjëmëzezën ca ditë zi mbani!

Me top u shuan vëllezërit tanë,
Malet dhe fushat ndër gjak i lanë.
I vranë, i shuan, i handakosën.
Në vend të tyre tjetër vëndosën.
Sa pasuri që patën ua perlanë.
S'di me ç'të drejtë dreqvet ia dhanë!
Më digjet shpirti, kam shum frikë,
Se do t'i sosje kjo politikë,
Fill shqiptari nuk do te lenë?
Fatzijtë e gjorë ku do te vejnë?

Qani, vëllezër, Kosovën, qani!
Për gjëmëzezën ca ditë zi mbani!

Në ketë shekull kjo politikë
Mrekulli, quhet e them pa frikë,
Kjo politikë racëmbaruese
Për ditë grin pleq, trima, nuse
Kjo politkë lugate shtrigë
Dhelpër dinake, kuçedër e ligë
Faroj vëllezër me qindra mijë
I madh i Vogël duhet ta dijë
Fol, o moj botë e qytetërimit
Përse po shkulet kjo racë e trimit.

Qani, vëllezër, Kosovën, qani!
Për gjëmëzezën ca ditë zi mbani!

Kosovë e bukur, oj shpresa jonë
Bujare, trime, ke qenë si i thonë
Sot të zu halli, në zgjedhë ngele,
Kurban po bëhesh për ditë si dele.
Kurban po bëhesh ditë bajrami,
Në Ballkan therret veç shqiptari.
Kështu pse s'duket Xhebraili?
Të të shpëtonte nga thojntë e mprehtë
Të të shpëtonte nga zjarri i nxehtë
Ty moj Kosovë, e madhe shpresë
Se ndaj ty ruhet edhe sot besa,
M'i madhi krahu i Shqiperise!
M'e madhja çerdhe e Trimërisë!

Qani, vëllezër, Kosovën, qani!
Për gjëmëzezën ca ditë zi mbani!

Pjesa më e madhe e Shqipërisë
Iu dha Serbit e Greqisë
Vetëm i ardhi keq Perëndisë
Për atë gjakun e foshnjërisë,
Dua t'i lutem pak qeverisë
Të marrë masat e ligjësisë:
T'i lutet Frances dhe Anglisë
T'i pritet hovi pake Serbisë
Dhe për Çamërit, fqinjë te Greqisë.

Qani Kosoven dhe Çamerinë
Për gjëmëzezet zgjatëni zinë!

Nip i Pellazgut, o komb i vjetër!
Nga ti m'i i vjetër nuk ndodhet tjetër,
Dyzet ke patur milione frymë
Te pakoi koha, te çkriu si brymë.
Le Arijanen, Durrës u mbështete,
Nga fati i shkrete si nje grusht mbete.
Edhe këtuze shprehje nuk gjete.
Mento ku ishe, ku je , ku vete,
Tashti pa krahe ke mbetur fare
Për një te vjetër komb, turp e marre

Qani Kosoven dhe Çamerinë
Se i këmbejnë si bagëtinë!

Ka vdekur fare civilizimi;
Sot veç një lustër ka Perëndim.
Iku mëshira erdhi rrënimi!
Po del mbi qiejt nga do rënkimi,
Në fund te tokës hyfte gëzimi!
Kur po shfaroset një komb ma trimi,
Kurse ka vdekur krejt njerëzimi,
Kurse nuk paska babë a vëlla jetimi,
Fare mos qoftë shtypi dhe shkrimi!

Qani Kosoven dhe Çamerinë
Për gjëmëzezet zgjatëni zinë!

Mos i ndaj lotet, qaj Vardar plaku!
Nat'e ditë ecën të lahet gjaku
Gjaku i shenjtë që derdh barbari,
Me te ushqehet sot çdo fill bari,
O shale i shkretë, qysh duron valle?
Pse nuk po shkrihesh, qysh je i gjallë?
Shembuni male, mbetët te shkretë!
Shembuni bashkë me gjithë tepetë!
Kur komb bujari për ditë po shuhet,
Ty, moj Kosovë, jeta ç'të duhet?
Kur dhe Evropa s'po ta sheh hallin
Për ditë ju therin, ju marrin mallin
Për ditë ju derdhet gjaku
Shpresa ka mbetur vetem te Hakku.

Qani, vëllezër, Kosovën, qani!
Për gjëmëzezën ca ditë zi mbani!

*************************
(Kushtuar bombardimit të Drenicës nga Serbët
në Qershor 1924) nga Hafiz Ali Korça

Marrë nga revista "Zani i Naltë"
organ i Komunitetit Mysliman Shqiptar,

Tiranë nr. 11. Gusht 1924

nga Guest prej Mon 17 Mar 2008, 1:16 pm

shum flm bac per poezit tua te lumt dora gjithmon mos pushofsh se shkruari jet te gjat e te lumtur baca yn i nderuar

nga **Adisa** prej Mon 17 Mar 2008, 1:23 pm

je ni njer qe meketu poez aq te bukura qe na sjell po vetem sukses ne jet te tande dhe gjdo te mir ne jet baci adem po tash te nje shum mir kush je dhe te dua shum

nga Adem Berisha prej Mon 17 Mar 2008, 1:31 pm

Falemnderit bukuroshet e xhaxhit gresa edhe mua më vie mirë që edhe ju si të reja që jeni, keni kësi shpirti të madh dhe ju pelqejnë e i kuptoni mirë këto shkrime patriotike siç ishte ky i të Madhit Hafiz Ali Korça.

nga riqebulli prej Mon 17 Mar 2008, 4:04 pm

_____ Kjo poezi eshte Patriotike...dhe ta rrengjeth trupin...
Shendet...Nder...Respekt...ju dhente ZOTI.
Adem Berisha.

nga Adem Berisha prej Wed 26 Mar 2008, 12:49 pm

riqebulli,
të falemnderit për urimet tuaja dhe gjithashtu edhe unë ju përcjell urimet e mia më të sinçerta për një jetë të gjatë e sa më të lumtur.

nga Vizitor prej Wed 26 Mar 2008, 2:23 pm

Poezit e xhaxhi Ademit jane vargje qe nuk i degjon vetem veshi, por shpirti kjo eshte vecantia.

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31

ATDHEU NËPËR SHEKUJ

ATDHEU NËPËR SHEKUJ

Re: ATDHEU NËPËR SHEKUJ

Re: ATDHEU NËPËR SHEKUJ

Re: ATDHEU NËPËR SHEKUJ

Re: ATDHEU NËPËR SHEKUJ

Re: ATDHEU NËPËR SHEKUJ

Re: ATDHEU NËPËR SHEKUJ